Монголын инженерүүдийн холбоо ТББ нь 21 дэхь жилдээ “MACE ANNUAL MEETING 2024” олон улсын арга хэмжээг өнөөдөр буюу 06 дугаар сарын 13-ны өдөр Улаанбаатар хотноо зохион байгуулагдаж байна. 

Энэхүү арга хэмжээ нь “Ногоон барилга & Ухаалаг хот” сэдэв дор болж байгаагаараа онцлог юм. Сүүлийн жилүүдэд Монгол Улсад хүн амын тоо нэмэгдэх хэрээр суурьшлын бүс нутгууд тэлж хот, дагуул хот гэх мэт суурин газрын төлөвлөлтүүд маш их яригдаж болсон. Хотын хөгжлийг дагаж барилгажилт маш ихээр нэмэгдэж байна. Ийм ч учраас хот төлөвлөлтийг зөв төлөвлөх, байгалийн гамшиг болох үер, газар хөдлөлтөөс хэрхэн хамгаалах, эрчим хүчний хэмнэлттэй барилга төлөвлөх, сэргээгдэх эрчим хүчийг ашиглах гэх мэт асуудлууд хөндөгдөн яригдаж эхэлж байна. Ийм ч учраас МБИХ-ний хамтын ажиллагаат гадаадын холбоодоос тухай улс оронд ногоон барилга, ухаалаг хотыг бий болгоход барилгын салбарын үүрэг оролцоо, шинэ техник технологиос судлах, туршлага авах зорилгоор энэ жилийн олон улсын техникийн семинарыг зохион байгуулж байгаа аж. 

Олон улсын техникийн семинарт манай улсын судлаач инженер, мэргэжилтнүүд хотын төлөвлөлт, үер усны эрсдлээс сэргийлэх, ногоон орон сууцны төлөвлөлт, шинэ дэвшилтэт технологиудын талаар илтгэл, танилцуулгууд явагдаж буй бөгөөд доорх сэдвүүдээр илтгэл семинарууд тавигдаж байна.

Мөн маргааш буюу “BIM & Дижитал барилга” сэдэвт олон улсын дугуй ширээний ярилцлагыг зохион байгуулах ажээ. Харин өмнө жилийн арга хэмжээ барилга байгууламжийн газар хөдлөлтийн тэсвэрлэлтийг үнэлэх ба хүчитгэх, олон улсын туршлага сэдвийн хүрээнд зохион байгуулагдаж байсан юм.