Нэг өрөөг Хоёр өрөө болгох
Танд засварын шилдэг нэг аргыг хүргэж байна. Энэ удаад сууцны төлөвлөлтийг өмнөхтэй адил гал тогооны өрөөг том өрөөтэй нэгтгэх нь байрны бүтээцийн хувьд боломжгүй юм. Тэгэхлээр хамгийн боломжит өөрчлөлт нь гал тогоо ба сууцны өрөөний хоорондох хананд нүх гаргах явдал юм. Энэ шийдлийг ашиглан байрны эзэдтэй тохиролцон мөн тэдний хүсэлтийг харгалзан үүдний өрөөг сайжруулан тохижуулж болох юм. Түүнчлэн тасалгааг унтлагын болон зочны гэсэн хоёр хамааралтай хэсэгт хувааж болно.
2. Тагт
Тагтыг дулаалж гал тогоотой холбосноор цонхны хэсгийг өөрчилж болно. Ингэснээр гал тогооны өрөө томсохоос гадна тагтан дээр ажлын байр гаргаж болно.
3. Гал тогооны өрөө
Гал тогооны өрөөний хаалгыг гал тогоо ба том өрөөний даацын ханын хооронд байрлуулна. Талбайг хэмнэх зорилгоор гүйдэг хаалга хийвэл зохимжтой. Хаалга ханын дагуу байрлах тул тэр хэсгийн эсрэг талд гэр бүлээрээ хооллохоор бодож төлөвлөх хэрэгтэй.
4. Ванны өрөө
Сангийн узелийн хэсгийг гэрийн эздийн саналыг харгалзан үзэж шийдэх нь зүйтэй. Хамгийн боломжит арга нь ванны өрөөтэй нэгтгэх нь өрөө тасалгааг улам цэлгэр харагдуулна.
5. Хувцасны шүүгээ
Гал тогоо руу орох хэсэгт хонгил талаас нь хувцасны шүүгээ байхаар ашиглаж болно. Гал тогооны өрөөний талаас нь хөргөгч ба шарах шүүгээ байрлуулна.
6. Унтлагын өрөө
Өмнө нь бидэнд ирүүлж байсан хүсэлтийн дагуу тагт ба том өрөөний хоорондох цонхны байрлалыг хаалга суулгах зориулалтаар ашиглана. Гал тогооны өрөөтэй зэрэгцээ байрлах жижиг өрөөнд хоёр хүний ор, ханын дагуу байрлах хувцасны далд шүүгээ тавих бүрэн боломжтой.
7. Зочны өрөө
Бидний хэлж заншсан харанхуй өрөө буюу юм хадгалах өрөөг томсгох зорилгоор зочны өрөөний хэсэгтэй холбосон ч болно. Тэнд булангийн диван, телевиз байрлуулна. Хоёр хэсэгт хуваах хамар ханыг зочны өрөөнд нарны гэрэл илүү тусч байхаар тунгалаг гэгээтэй материалаар хийвэл илүү зохистой.
8. Үүдний өрөө
Үүдний өрөөний шал ба зочны өрөөнөөс гал тогоо руу очих хэсгийн шаланд керамик хавтанцар суулгавал зохино. Ингэснээр цэвэрлэхэд хялбар болж амралтын хэсэг тав тухтай илүү ашигтай.