Сэлбэ дэд төвийг дахин төлөвлөх, орон сууцжуулах ажил үргэлжилж байна. Тодруулбал, Сэлбэ дэд төвийг орон сууцжуулах хүрээнд Сүхбаатар дүүргийн 14, Чингэлтэй дүүргийн 14, 18 дугаар хорооны гэр хорооллын 158 га газрын 2206 нэгж талбарыг чөлөөлж, дахин төлөвлөх юм.

Төслийн талаар мэдээлэл өгөх, хамрагдаж буй өрхүүдийн судалгаа, санал асуулгыг цуглуулах үүрэг бүхий албан хаагчид тухайн бүс нутгийн 1429 иргэнээс судалгаа болон санал асуулга авчээ. Санал асуулгын дүнгээр, нийт иргэдийн 96.5 хувь нь газар чөлөөлөлтийг дэмжсэн байна.

Сэлбэ дэд төвийн гэр хорооллыг орон сууцжуулах ажлын хүрээнд эхний ээлжид 12 мянган айлын орон сууц барихаар төлөвлөжээ.

Өнөөдрийн байдлаар Чингэлтэй дүүргийн 507 нэгж талбар, Сүхбаатар дүүргийн 268 нэгж талбарын хээрийн судалгаа буюу хэмжилтийг хийсэн бөгөөд хөрөнгийн үнэлгээ хийх явц 35 хувьтай үргэлжилж байна.