Сүүлийн жилүүдэд Саудын Арабын угсаа залгамжлах ханхүү Мохаммед бин Салман санаачлан нэрт архитектор, дизайнеруудаар сонирхолтой шинэлэг бүхий амбицтай төслүүдийг улсдаа бүтээж байна. 

Угсаа залгамжлах ханхүү 38 настай Мохаммед бин Салманы хийсэн дэлхийн хамгийн том имижийг бүрдүүлсэн төсөл нь The Line гэгддэг 170 км урт (100 миль) хот юм.  Тухайн улсад The line төслөөс гадна олон улсад танигдсан Жидда төв, дуурийн театр, цэнгэлдэх хүрээлэн, далайн усан сан, музей бүхий 5.7 сая квадратметр талбай бүхий далайн эргийн бүтээн байгуулалт багтдаг. Мөн Риядын нийслэлд 63.2 тэрбум ам.долларын өртөгтэй (50 тэрбум фунт стерлинг) дэлхийн жишигт нийцсэн 41 зочид буудал, 100,000 оршин суугчдад зориулсан орон сууц, 26 соёлын дурсгалт газар бүхий Дирия хаалгыг барьж ЮНЕСКО-д бүртгэгдсэн бөгөөд эргэн тойрондоо гольфын талбай, морин спортын төвтэй цогцолбор байгууламж юм. 

Рияд дахь Дирия хаалга

Ханхүү Мохаммедын 9 сая оршин суугчтай The Line хот нь 105 миль (170 км) урт, 200 метр өргөн, 500 метр өндөр барилгуудын гадна толин тусгалтай хоёр хана хүрээлдэг бөгөөд тэр нь Улаан тэнгисээс элсэн цөл хүртэл тасалдалгүй үргэлжилнэ. Энэ бол үзэл баримтлалын хувьд Дэлхийн худалдааны төвийн ихэр цамхгийг Хятадын цагаан хэрмээр үржүүлсэн тэнцэх  юм хэмээн зарим архитекторууд үзэж байгаа ажээ. Тухайн төсөл нь CGI-ийн сошиал медиа дээр тулгуурлан баригдаж эхлэхээсээ өмнө дэлхийд алдартай болсон нь энэ юм.

Төслийн толин тусгалан хоёр хананы хоорондох зайд нуур, цэцэрлэг, нисдэг мега бүтэц бүхий фантасмагорийг олон архитектор, дизайнерууд оролцож санал болгосон байна. Тухайлбал Галактикийн хамгаалагчид ба Үүлэн атлас киноны Францын тусгай эффектийн зураач Оливье Прон, Притцкерийн шагналт Морфосис, ОМА нар тус тус оролцжээ. Зарим архитектор, дизайнеруудад 800 метрийн урттай талбайг илүү нарийвчлан төлөвлөх даалгавар өгсөн байдаг. Эдгээрийн нэг нь Лондон дахь Архитектурын нийгэмлэгийн Сэр Питер Күүк Р.А. бөгөөд тэрээр Архиграмм группын нэг хэсэг болсноосоо хойш нээлттэй чөлөөт хэлбэрийн том байгууламжуудын өнгөлөг, шинэлэг зураг төслүүдээр дэлхийн архитектурт хүчээ сорьсоор байгаа билээ. 

The Line: Зураг төслийн төлөвлөгөөнд хоёр толин тусгалтай хананы хооронд 9 сая хүн амьдрах бөгөөд 500 метрийн өндөртэй барилга байгууламжийг тусгасан байна. 

Нэгэн архитектор The Line нь "Аз жаргалыг эрэлхийлэгч цөөхөн хүмүүст зориулсан байх бөгөөд хиймэл оюун ухаанаар удирддаг цайз болно, эс бөгөөс энэ  барилга нь сансар огторгуйгаас харагдахуйц утгагүй хоёр шилэн шугам болно" гэж таамаглаж байгаагаа илэрхийлсэн байдаг. Тухайн төслийг 2030 он гэхэд эхний үе шатыг барихаар флотууд элсэн цөлөөс шуудуу ухаж эхлээд байгаа юм. 

The line төсөл одоо болон 2030 онд

Харин угсаа залгамжлах ханхүү Мохаммед уг төсөл нь хот барих шинэ арга барил болон амьдралын өөр хэв маягыг бий болгох зорилготой хэмээн тайлбарласан бөгөөд тэрээр видео тоглоомонд дуртай нэгэн учир The Line-ийн гялалзсан толин тусгал, ээдрээтэй, хязгааргүй хэтийн төлөв нь тоглоомчдын уран сэтгэмжийг харуулсан бүтээл мэт харагдах учиртай талаар мөн дурьдаж байжээ. 

Гэвч тухайн төсөл нь ямар нэгэн учир дутагдалгүй гэвэл үгүй юм. "Шинэлэг" гэж өргөмжлөгдөж буй тус барилгын урт нимгэн хэлбэр нь ихэнх хотуудад байдаггүй дугуй хэлбэртэй эргэлт, холболтын асуудлыг үүсгэж байгаа юм. Мөн тухайн төслийн ган бетон, усны хэрэглээ нь зөвхөн нүүрстөрөгчийн ялгаралт, эрчим хүчний хэрэглээ, байгаль орчинд асар их хэмжээний хохирол учруулж болзошгүй гэдгийг зарим мэргэжилтнүүд дурьдсан билээ.

Одоо та бүхэнд The line төслийн албан ёсны танилцуулгыг хүргэе. 

ТHE LINE төслийн танилцуулга

Тухайн төсөл нь зам, машин, утаагүй 100 хувь сэргээгдэх эрчим хүчээр ажиллах бөгөөд уламжлал хотуудаас ялгаатай нь хүмүүсийн эрүүл мэнд, аюулгүй орчинд аж төрөх боломж, тээвэр дэд бүтцийг ухаалгаар зохион байгуулжээ. 

The line нь 9 сая хүнтэй хот байх бөгөөд ердөө 34 хавтгай дөрвөлжин километр талбайд баригдах болно. Оршин суугчид өндөр хурдны галт тэрэгнээс гадна өдөр тутмын хэрэгцээт бүх зүйлдээ 5 минут алхаж хүрэхээс гадна 20 минутын турш хотын нийт талбайд дамжин өнгөрөх боломжтой аж.

Тус дэвшилтэт технологиор баригдах төсөл нь эргэн тойрон дахь байгалийн ландшафт, уулс, тэнгэрийн онгон дагшин үзэмжийг хүн бүр тэгш хүртэх боломжийг бий болгохын зэрэгцээ шаардлагагүй дэд бүтэц, машин, зам зэргийг үгүй болгосноор хот нүүрстөрөгчгүй байх юм. Мөн үйлдвэрүүдийн үйл ажиллагаа нь 100 хувь сэргээгдэх эрчим хүчээр ажиллах юм. 

"The LINE” нь өнөөгийн хүн төрөлхтний хотын амьдралд тулгарч буй асуудлуудыг шийдэж өөрөөр ухаалаг амьдрах арга замыг эрэлхийлжээ. Хүн төрөлхтөнд хэрэгтэй зүйлийг урьдчилан таамаглаж, түүнд хариу үйлдэл үзүүлдэг танин мэдэхүйн хот болгох зорилготой байгаа бөгөөд хүний амьдралын илүү баялаг туршлага, бизнесийн шинэ боломжуудыг бий болгож, томоохон хэмжээний ажлын байр бий болгоно гэсэн үг юм.

Нарийвчилсан технологийн төлөвлөлтийн логистик ба модульчлагдсан барилга нь THE LINE-ийг үр ашигтай байх боломжийг олгоно. Орон суугчид байгальтай ойр, түүнтэй зохицон амьдрах болно. Босоо хэлбэртэй цэцэрлэгт хүрээлэн нь үргэлж байгалиасаа хоёрхон минутын зайд байлгах болно гэсэн үг юм.