Рояаль олон улсын их сургуулийн багш, мэргэшсэн архитектор Д.Гантулга 

Дэлхийд хамгийн түгээмэл, хамгийн олон байдаг барилгын төрөл бол сууцны барилга, тэр дундаа орон сууцны /олон сууцат орон сууц-орон сууцны барилгын норм дүрэмд зааснаар/ барилга юм. Орон сууцны архитектурын нийтлэг хэв шинж нь давхар бүрийн төлөвлөлт давтагдаж, нүүрэн талын шийдэл зохиомж ч гэсэн түүнийгээ дагасан нэгэн хэвийн давтамжтай байх нь олон байна. 

Орон сууцны архитектурын нийтлэг хэв шинжийг эвдсэн зарим барилгуудаас дараах барилгуудыг жишээ болгон товч хүргэе.

Habitat 67

Израйль архитектор бөгөөд хот төлөвлөгч Моше Савдигийн /Moshe Safdie/ бүтээл болох энэхүү орон сууц нь угсармал барилгын шинэ үеийг Nagakin capsule tower /Токио, Япон 1970 он/-ийн хамт эхлүүлсэн юм. 1967 онд Канадын Монтреал хотод баригдсан ба өндөр хэсэгтээ 12м бөгөөд 354 тусдаа нэгжээс бүрдсэн сууцны барилга нь айл бүр террас, хувийн орон зайтай, байгалийн гэрэлтүүлгийг хангалттай хэмжээнд хүртэх боломжийг бүрдүүлсэн байна. 

Өндрөөс ерөнхий харагдах байдал

 Дээврийн террас

Sky habitat

Энэ нь Моше Савди тэргүүтэй архитектурын багаар удирдуулсан орон сууцны барилга бөгөөд 2015 онд Сингапурт баригдсан. 2 блок бүхий 38 давхар барилга нь sky garden нэртэй ландшафт бүхий 3 задгай хүзүүвчээр холбогддог. Шатласан ижил хэлбэр бүхий 2 блок нь эсрэг байдлаар зэрэгцэж холбогдсон нь байгалийн гэрэлтүүлэг болон агаарын урсгалыг чөлөөтэй нэвтрүүлэх зорилготой ба харааны орон зайг гоёмсог ландшафттай холбодог байна. 

Өндрөөс ерөнхий харагдах байдал ба хүзүүвч

Turning Torso

Испанийн алдарт архитектор Сантиаго Калатравагийн нэрийн хуудас болсон бүтээлүүдийн нэг бөгөөд Шведийн Малмод 2005 онд баригдсан байна. 190 м өндөр, 54 давхар, 147 айлын энэхүү сууц нь 90 градусаар мушгирах бөгөөд барилгын нийт өндрийн дагуу 2метрийн өргөн хэсгээр 9 хуваагдсан зохиомжтой. Тухайн барилша нь өндөр орон сууцны барилгын хэв маягт хүчтэй нөлөөлсөн жишээ юм. 

Өндрөөс ерөнхий харагдах байдал

Interlace

Сууцны интерьер

Сингапурын алдарт орон сууцны барилга нь 2007-2013 оны хооронд баригдсан ба OMA/ office for metropolitan architecture/ архитектурын олон улсын хамтарсан фирм ба архитектор Өүл Скиирэн /Ole Scheeren/ нарын бүтээл юм. Тус бүр нь 6 давхар, ижил урттай 31 блокоос бүрдэх ба хамгийн өндөр хэсэгтээ 25 давхар, 88,7 м өндөр байна. Нийт 1040 айлын орон сууц юм. Олон талт хэлбэр үүсгэж холбогдсон блокууд нь ландшафт бүхий 8 том нийтийн орон зайг үүсгэдэг. Энэ орон зай нь усан сан бүхий ногоон байгууламжийг оршин суугчдад хангалттай хүртээмжтэй байхаар төлөвлөсөн нь  гол онцлог юм. Улмаар эдэлбэр газрын ландшафт, блок тус бүр болон дээврийн ландшафттай холбогдсон цогц төлөвлөлттэй байна.  

Нийтийн орон зай, ландшафт

VIA 57 Vest

Архитектор Бжарк Ингельс /Bjarke Ingels/. 2016 он. АНУ, Нью Иорк хот

The Wave.  2017 он. Дани

The Six. 2016 АНУ.

Улаанбаатар хотын орон сууцны барилгын төлөвлөлт хэт ашиг хонжоо хайсан бизнесийн нэг хэсэг болж хүний амьдрах, амрах, гэр бүлээрээ дулаан уур амьсгалтай байх хамгийн чухал орон зай гэхээсээ илүү авто зогсоолгүй зовлонтой, төлөвлөлтгүй, хэт чихэлдсэн, нар үзэхгүй, нийтлэг өнгө төрхтэй, үнэтэй байх нь олон байна.