“WEB AWARDS 2023” тэргүүн наадам нь хоёр жилд нэг удаа зохион байгуулагдаж, хэвлэл мэдээлэл болоод бусад салбарын онцлон шалгаруулдаг бөгөөд Монголын сайтын холбоо, ЦХХХЯ, Мэдээлэл технологийн үндэсний парк, Харилцаа холбооны зохицуулах хороо хамтран зохион байгуулдаг. Энэхүү шилдэгүүдийг шалгаруулах арга хэмжээнд “Барилгачин Групп”-ийн хэрэгжүүлж буй “БАРИЛГАЧИН” худалдааны төвийн төсөл нь "НИЙГМИЙН ХӨГЖЛИЙГ ДЭМЖИГЧ БҮТЭЭН БАЙГУУЛАЛТ" номинацийн эзэн болсон юм. Барилгын материалын ханган нийлүүлэлтийг нэмэгдүүлэх, Нийслэлийн төвлөрлийг сааруулах, түгжрэлийг бууруулах зорилтын хүрээнд олон улсын жишигт нийцсэн  худалдааны төвийг ашиглалтанд оруулсан байна. “БАРИЛГАЧИН” худалдааны төв нь баруун бүсэд байрлаж байгаагаараа онцлог бөгөөд түгжрэлийг бууруулах, төвлөрлийг сааруулж, баруун чиглэлийн 15 аймгийн худалдан авагчдын эрэлт хэрэгцээг нэг дороос хангаж, бизнес эрхлэгчдэд таатай орчныг бүрдүүлэж, 100 гаруй ажлын байрыг бий болгожээ. Тус төслийг хэрэгжүүлэгчид цаашдаа худалдан авагч болоод хэрэглэгчдийн бүхий л хэрэгцээг нэг дор төвлөрүүлж, тав тухтай таатаa орчинд үйлчлүүлэх боломжийг бүрдүүлэхийн тулд улам хичээн ажиллаж, нийгмийн хариуцлагаа тасралтгүй хэрэгжүүлсээр байх болно гэдгээ шагнал гардуулах үед мөн онцолж байсан юм. 

“Барилгачин Групп” ХХК хамт олон нь цаашдаа бүтээн байгуулалтыг тасралтгүй хийж, улс орны хөгжилд хувь нэмрээ оруулсаар байна гэдэг итгэлтэй байна.