Дулаахан намар ард хоцорч Монголд аль хэдийн өвөл айлчилжээ. Хүн бүр өвлийн хувцсандаа орж, халтирч гулгахаас сэргийлж зөөлөн зөөлөн алхсаар… Харин энэ цаг үед барилгын их бүтээн байгуулалт эд өрнөж байна гэдэгт та итгэх үү?  Өвлийн цагт барилга барьж дулаан алдасанаас болоод барилгын насжилт цаашлаад хамгийн гол нь хэрэглэгчдээ хохироох зүйл хийж байна гэж та бодож байна уу? Тэгвэл энэ бүхнийг ACI 306R-16 стандартад нийцүүлэн хэрхэн зөвөөр шийдсэнийг бид танд тайлбарлая. 

Юуны түрүүнд ACI 306R-16 стандарт гэж юу вэ? 

Хүйтэн цаг уурын бетоныг хамгийн аюулгүй, хүртээмжтэй байдлаар ашиглаж, улирал үл хамааран хамгийн чанартай барилгыг барихад туслах зорилгоор баримталдаг стандартуудын нэг нь ACI 306R-16 стандарт юм. 

Яагаад тухайн стандартыг ашиглах шаардлага үүссэн бэ? 

Монголд жилийн 365 хоногийн 190 хоногт нь л барилга барих боломжтой байдаг гэж үздэг. Харин тэр 190 хоногийн 10 өдөр нь амралт, 30 өдөр нь байгалийн давагдашгүй хүчин зүйл болох бороо, үер, хүчтэй салхи гэх мэт зүйлс болдог гэж тооцоолбол барилга барих боломжтой 150 өдөр л байдаг гэж ойлгож болно. Энэ хугацаанд барилгын салбар юу хийж чадах вэ? Гэвэл 16-24 давхар барилга барьж байгаа бол 8-10 давхрыг л цутгаж амжина. Үүнээс шалтгаалан төслийн ашиглалтад орох хугацаа сунжирч хойшлогдож захиалагчдаа хохироох тохиолдол бий. Үүнийг шийдэхийн тулд ACI 306R-16 стандартад нийцсэн хүйтэн цаг уурын нөхцөлийн масс бетоны үйлдвэрлэлийг Премиум Бьюлдинг Материалс ХХК-ийн хамт олон Монголдоо нэвтрүүлээд 6, 7 жил болжээ. 

Хүйтэн цаг уурын бетон өвөл хөлддөггүй гэж үү?

Хүмүүсийн ойлголтоор хүйтний бетоноор барилга барьсан бол хагарахгүй, цуурахгүй хамгийн сайн чанартай байна гэж боддог. Гэтэл яг үнэндээ бетон зуурмагт ус л орсон бол хөлдөнө. Иймээс хөлдөөхгүйн тулд хамгийн багадаа 72 цагийн турш +10 градусаас дээш нөхцөлд бетоныг байлгах ёстой. Үүний үр дүнд тухайн бетон авах ёстой бат бэх чанарынхаа 60-80% авч чаддаг. Энэ нь практик дээр батлагдсан туршилт юм. 

Хүйтэн цаг уурын бетоныг ашигласнаар гарах эерэг өөрчлөлтүүд 

Өвлийн улиралд стандарт норм дүрмээ баримтлан хүйтэн цаг уурын бетоныг ашигласнаар нийт бетон зардал 15 хувиар өсдөг гэсэн судалгаа байдаг. Гэхдээ тухайн барилгын нийт төсөвт өртгийн 1 хувьд эерэг өөрчлөлт буюу ашигтай байдал үүсдэг. Учир нь өвлийн улиралд ажилчдадаа сул зогсолтын цалин бодохгүй. Мөн өвлийн улиралд цаг алдалгүй цутгалтаа норм дүрмийн дагуу хийснээр тухайн төсөл маань хугацаандаа болон хугацаанаасаа өмнө ашиглалтад орж чадна. Ингэснээр мөнгөн урсгалыг эерэг ашигтай нөхцөлд хүргэдэг байна.

"Премиум Бьюлдинг Материалс" нь таны өвлийн бүтээн байгуулалтын найдвартай түнш болж чадах ба ACI 306R-16 стандартад нийцсэн нийлүүлэлт, үйлдвэрлэлийг танд санал болгож байна. 

Төсөл санаачлагчийн хувьд хүйтнээс айж “өнжилгүй” ажлаа урагшлуулж, цаг хугацаа, хөрөнгө мөнгөө хэмнэх бүрэн боломжтой юм. Харин хэрэглэгч бид бүхний хувьд өвөл баригдсан барилгын чанарыг шалгахдаа ямар стандарт мөрдсөнийг мэдэхэд л хангалттай.