Зай талбай хэмнэх ухаалаг аргуудын нэг нь олон үйлдэлт тавилга гэртээ сонгон тохижуулах явдал юм. Бид энэ удаад хананд хураагддаг ор хийх зааварчилгаа бэлдлээ. Ор нь өрөөнд маш их зай эзэлдэг жижиг өрөөг бүр зайгүй болгодог тавилга юм. Үйлдвэрийн тавилга нь санхүүгийн хувьд үнэтэй тусдаг харин өөрөө хийх нь хямд төсөвөөр бүтнэ. Нэгдүгээрт матрасны хүрээ, шүүгээг фанер хавтан, модоор хийнэ. Дараа нь шүүгээг хананд холбоно. Орыг өргөж буулгахын тулд эргэдэг механизмыг суурилуулах хэрэгтэй. Үүнийг хийхийн тулд эхлээд тоног төхөөрөмжийг иж бүрдэлээр нь бэлтгэх нь зүйтэй. 

Матрасны хүрээ барих

200 см*150 см хэмжээтэй ор хийхээр төлөвлөсөн.  Матрасны хүрээний хэмжээ 2 хүний орны хэмжээгээр буюу стандарт хэмжээ 80 инч (200 см) урт, 15 инч (38 см) өргөнтэй 2 ширхэг фанер зүсэж авна. Туузан метр эсвэл шугам ашиглан мод бүрийг нарийн хэмжинэ. Харандаа  ашиглан зүсэх шугамаа тэмдэглээрэй. Зүсэхээсээ өмнө эдгээр шугамууд  шулуун байгаа эсэхийг шалган,  Дараа нь шугам бүрийн дагуу шулуун зүснэ. Эдгээр хэсгүүд нь матрасны хүрээний хажуугийн хашлага болно. Ширээний хөрөө ашиглан зүсээрэй. Хэрэв та дугуй хөрөө ашигладаг бол модыг хэмжих, огтлох үед тогтвортой байлгахын тулд хөрөөг тулгуур дээр байрлуулж хөдөлгөөнгүй болгоход анхаараарай. Хөрөөг ашиглахдаа нүдний шил, бээлий өмсөж өөрийн аюулгүй байдлыг хамгаалахыг зөвлөж байна. Гараа хөрөөний ирнээс дор хаяж  15 см хол байлгах хэрэгтэй. Бидний бэлдсэн хэмжээсүүд нь стандарт орны хэмжээ гэдгийг санаарай. Өөрийн хэрэглэх матрасны хэмжээнд тохируулан матрасны хүрээг бэлдэнэ. Орны бусад хэмжээсүүд нь:

 80 инч (200 см) урт, 76 инч (190 см) өргөн

 75 инч (190 см) урт, 53 инч (130 см) өргөн

 75 инч (190 см) урт, 38 инч (97 см) өргөн

Дахиад 60 инч (150 см) урт, 15 инч (38 см) өргөнтэй  2 ширхэг фанер зүсэж бэлдэнэ. Эдгээр хэсгүүд нь орны толгой болон хөлний хэсгийн хүрээ юм. Уг хүрээг зүсэхдээ хүрээний хажуугийн хэсгүүдийг зүссэн техникээр давтан үйлдэнэ. 

Хүрээний 4 талыг хооронд нь холбоно. Хажуугийн 1 хашлагийг хөндлөнгөөр нь босгож тавина. Дараа нь толгойн хэсгийг аваад хажуугийн хашлагатай ирмэгээр нь зэрэгцүүлэн тавина.  2 хэсгийг холбохын тулд тэгш гадаргуу дээр байрлуулан 2 боолтоор өрөмдөж тогтооно. Дараа нь нөгөө талын хөлний хэсгийг толгойн хэсгийн эсрэг талд байрлуулан холбоно. Төгсгөлд нь үлдсэн хажуугийн хашлагийг холбосон гурван хэсэгтэйгээ холбож тэгш өнцөгт орны хүрээг үүсгэнэ. Бүх ирмэгүүд тэгш байгаа эсэхийг шалгаарай. Хэрэв тэгш биш бол өрөмдсөн боолтуудыг салган авч дахин тэгш хэмтэй өрөмдөнө. 

Матрасны хүрээний суурийг бэлтгэхдээ 2 фанер хавтанг 30 инч (76 см) 80 инч (200 см) зүсэж бэлдэнэ. Фанер хавтан тус бүр дээр зүсэх шулуун шугамыг харандаа ашиглан хэмжиж тэмдэглэнэ. Дараа нь дугуй хөрөө эсвэл ширээний хөрөө ашиглан эдгээр хавтангуудыг зөв хэмжээгээр зүсээрэй. Стандарт фанер хавтангууд нь 48 инч (120 см), 96 инч (240 см) байдаг. Хэрэв та стандарт фанер хавтан ашиглаж байгаа бол өргөнөөсөө 18 инч (44 см), уртаас нь 16 инч (40 см) зүсэж аваарай. Ингэснээр бидний хийж буй матрасны хүрээний суурийн хэмжээтэй адил хэмжээ үүсэх болно. Хэрэв та өөр хэмжээтэй матрасанд зориулж хүрээ хийж байгаа бол эдгээр хэмжилтийг тохируулан хүрээний сууриа бэлдэхийг санаарай. Суурины фанер хавтан нь хүрээтэй ижил хэмжээтэй байхыг анхаараарай.

Хүрээний дээд талд фанер хавтангуудыг уртын дагуу тэгш хэмтэй байрлуулна. Фанер хавтан бүр хүрээний талуудтай зэрэгцэн таарч байх ёстой. Өгөгдсөн хэмжээсийн дагуу зүсэгдсэн бол хүрээ, суурь хоёрын хооронд зай гарахгүй яг таарч байна.

Хүрээний дээр байрлуулсан хавтангуудыг хүрээтэй холбохдоо хүрээг тойруулан 6 инч (15 см) тутам боолтоор өрөмдөж тогтооно. Ингэхдээ хавтангуудын дээрээс матрасны хүрээрүү өрөмдөнө. Өрөмдлөгийн явцад тулгуур хүрээг сэтлэж цоолохоос сэргийлж хүрээний захаас 2,5 см зайтай өрөмдөнө. 

Дараа нь дам нурууг бүрдүүлэхдээ  60 инч (150 см) урттай  2 инч (5.1 см) х 2 инч (5.1 см) хэмжээтэй арван ширхэг модыг бэлдэнэ. Эдгээр модыг хуваахдаа хөрөөний ирнээс гараа хол байлгаж болгоомжтой ажиллаарай. 

Хүрээний дотор талын дээд хэсгээс эхлэн арван ширхэг тулгуур дам нурууг хэвтээ хөндлөнгөөр нь байрлуулан 10 инч (25 см) зайтай байрлуулан өрөмдөж тогтооно. Хүрээний гадна талаас буюу тулгуур модны хоёр захаас өрөмдөнө. 

Орыг бүрэн угсарахаас өмнө бэлэн болсон матрасны суурийг будах шаардлагатай. Бүрэн угсрагдсаны дараа будах нь тийм ч тохиромжтой биш юм. Будгийн ажил эхлэхээс өмнө орчиныг бохирдуулахгүйн тулд даавуу болон сонингийн цаас дэвсэн бэлдэнэ. Эрүүл мэндэд хор нөлөө бага эко будаг сонгохыг хичээгээрэй. Хэрвээ будаг ашиглахыг хүсэхгүй бол модоор нь үлдээж лакаар өнгөлөх бас нэг хувилбар байгаа гэдгийг санаарай. Мөн агааржуулалт сайтай хурдан хатах орчинд будгийн ажлыг хийх нь тохиромжтой байдаг. Ажиллаж буй өрөөний цонхыг нээж агаар сэлгэлт сайн оруулсанаар хурдан хатахад тустай.

Ханын шүүгээг хийхдээ эхлээд хүрээний босоо тулгуурыг бэлдэх юм. Бэлтгэхдээ 2 ширхэг фанер хавтанг 84 инч (210 см) х 17 инч (43 см) болгон зүснэ. Харандаа  ашиглан зүсэх шугамаа тэмдэглээрэй. Зүсэхээсээ өмнө эдгээр шугамууд  шулуун байгаа эсэхийг шалган,  Дараа нь тэмдэглэсний дагуу ширээний хөрөө ашиглан шулуун зүснэ. 

Дараа нь орны хэвтээ тулгуурыг бэлтгэнэ. Үүний тулд  2 ширхэг фанер хавтанг 64 инч (160 см) х 17 инч (43 см) болгон зүсэж бэлдэнэ. Фанер хавтанг бэлтгэхдээ босоо тулгуурыг бэлдсэнтэй адил үйлдлүүдийг давтан хийнэ.

Шүүгээг үүсгэхийн тулд 4 самбарыг огтолсны дараа тэдгээрийг хооронд нь холбоно. Хажуугийн 1 хашлагийг хөндлөнгөөр нь босгож тавина. Дараа нь дээд хэсгийг аваад хажуугийн хашлагатай ирмэгээр нь зэрэгцүүлэн тавина.  2 хэсгийг холбохын тулд тэгш гадаргуу дээр байрлуулан 2 боолтоор өрөмдөж тогтооно. Дараа нь нөгөө тал буюу доод хэсгийг дээд хэсгийн эсрэг талд хажуугийн хашлагатай ирмэгээр нь холбон байрлуулана. Төгсгөлд нь үлдсэн хажуугийн хашлагийг холбосон гурван хэсэгтэйгээ холбож тэгш өнцөгт орны хүрээг үүсгэнэ. Бүх ирмэгүүд тэгш байгаа эсэхийг шалгаарай.

Бэлэн болсон шүүгээг ороо будсантай ижил өнгөөр будна. Өмнөх хийсэн будагны зааварчилгаатай адил үйлдлүүдийг давтан хийгээрэй. 

Шүүгээгээ ор байрлуулах өрөөний зайндаа хамтрах хүнтэй өргөж эсвэл шалыг зурагдахаас сэргийлж даавуу болон цаасан дээр зөөлөн гулсуулж зөөгөөрэй. Байршуулахаас өмнө зөв зай талбайд байрлуулж байгаа эсэхээ сайтар бодож төлөвлөх зүйтэй. Суурилуулсаны дараа зөөх нь тохиромжгүй гэдгийг анхаараарай.  

Шүүгээний дотор дээд талд 2 ширхэг булан төмрөөр хананд холбоно. Шүүгээгээ хананд тулгаж аль болох завсар зайгүй байршуулна. Шүүгээний төвийн олон булан төмрүүдийн хоорондын зай хажуу талуудын зай зэргийг тооцоолон оновчтой байршуулаарай. Мөн булан төмрийн нэг талыг шүүгээний дээд тулгуурлуу нөгөө талыг хананд байрлуулан цахилгаан өрөм ашиглан тогтооно.

Эргэдэг нугаснуудыг шалнаас 6 инч (15 см) зайд шүүгээний дотор талд бэхлэнэ. Ихэнх эргэдэг механизмууд нь шүүгээнд бэхлэх зориулалттай 4 нүхтэй байдаг. Эргэдэг нугасуудыг шүүгээний доод хэсгээс  6 инч (15 см) зайд  2 хажуугийн урд ирмэгт тулган байрлуулна. Дараа нь бэхэлгээний нүх тус бүрээр мод руу өрөмдөнө. Нугастай  дагалдаж ирсэн боолтыг шургуулж, хажуу талтай холбоно. Шүүгээний нөгөө талд мөн адил үйлдэнэ. Боолт бүрийг эрэг чангалах түлхүүрээр чангалж, найдвартай эсэхийг шалгаарай. Тоног төхөөрөмжүүд нь ашиглах зааварчилгаатай ирдэг тул хэрэглэж буй бүтээгдэхүүнийхээ зааврыг дагаж мөрдөөрэй.

Матрасын хүрээг хананд суурилуулсан шүүгээний доод хэсэг буюу эргэдэг нугасруу шургуулна. Матрасын хүрээг шүүгээнд шургуулахад толгой хэсэг нь эргэдэг нугастай зэрэгцэнэ. Хүрээг толгойноос нь өргөж шүүгээний 2 талд байгаа эргэдэг нугасны зориулалтын хоногонд оруулан байрлуулна. Хоногны дагуу өрөмдөж нүх гарган өрөмдөж, эргэдэг нугасанд дагалдаж ирсэн боолтыг нүх болгонд хийж чангалаарай. Суурилуулахад хялбар хөдөлгөөнгүй байлгахын тулд хүрээг модоор бэхлээрэй. 

Матрасны хүрээний хөл хэсэгт толгой хэсгийн өндөртэй ижил хэмжээтэй тулгуур хөл бэлдэнэ. 120 см урттай модыг сонгон матрасны хүрээний доод хэсэгт голлуулан байрлуулна. Суурилуулахдаа орыг дээш эвхэж байгаад холбоно. Энэ нь орыг эвхэхэд бариул, буулгахад орны хөл болох юм. 

Орон дээр матрасыг байрлуулахаас өмнө орны хөлийн доод хэсгийг дээш нь хурааж матрасны хүрээтэй давхар барин нэвт цоолж өрөмдөнө. Өрөмдөж цоолсон нүхэнд таарах дэгээ төмөр байрлуулна. Энэ нь орыг хураалттай байх үед тогтоох цоож болох юм.

Эцэст нь ороо шүүгээнд хураагаагүй байх үед матрасаа байрлуулан бидний хананд хураагддаг ор бэлэн болох юм.