КНАУФ -ын материалаар барилгын заслын ажил хийх онол болон дадлагын мэдлэг олгох сургалтын төв нээгдлээ

"КНАУФ Улаанбаатар" сургалтын төв нь 2022 оны 4-р сард Олон Улсын КНАУФ групп, Германы Эдийн Засгийн Хамтын Ажиллагаа, Хөгжлийн Яамны DeveloPPP хөтөлбөрийн хүрээнд Германий Хөрөнгө оруулалт, Хөгжлийн компани DEG-ийн оролцоотойгоор байгуулагдаж байжээ. Сургалтын төвийн гол зорилго нь барилгын салбарын инженер техникийн ажилчид, архитектор, даамал, мэргэжлийн бусад ажилчид болон оюутан сурагчдад  КНАУФ группийн үйлдвэрлэсэн бүтээгдэхүүн болон дагалдах хэрэгслүүдээр технологийн дагуу ажлын өндөр бүтээмжтэйгээр урт хугацаанд ашиглагдах бат бэх, хөнгөн, хөдөлмөр зарцуулалт багатайгаар хурдан барилгын заслын ажлыг хийх талаар онол, дадлагын мэдлэг олгож гэрчилгээжүүлэх явдал юм. 

Тус сургалтын хөтөлбөрийг ОХУ-ын Москва мужийн Красногорск хотод төвтэй 30 жилийн түүхт "КНАУФ Академи"-д боловсруулж баталгаажуулдаг байна. Тус Академи нь 1993 онд Олон улсын КНАУФ групп ОХУ-д үйл ажиллагаагаа явуулж эхэлсэн үеэс байгуулагдсан бөгөөд одоо Зүүн Европын орнууд, Тусгаар Улсуудын Хамтын Нийгэмлэгийн 10 гаруй орон Монгол Улс  ороод нийт 30 гаруй орныг хамран сургалт явуулж буй туршлагатай хамт олон ажээ.  

Ийнхүү “КНАУФ Улаанбаатар” сургалтын төв нь 2023 оны 10 дугаар сарын 05-ны өдөр албан ёсоор нээлтээ хийсэн юм. Нээлтийн үйл ажиллагаанд хамтран ажилладаг 60 гаруй байгууллагуудын төлөөллүүд уригдан оролцлоо. Үүнд:

• ХБНГУ-ын Элчин сайд
• Германы Хөрөнгө оруулалт, Хөгжлийн компани DEG
• Кнауф группийн удирдлага
• Барилгын компаниуд
• ШУТИС БАС
• Барилгачдын нэгдсэн холбоо
• Боловсрол, Шинжлэх Ухааны Яам
• Хөдөлмөр Нийгмийн Хамгааллын Яам
• Мэргэжлийн боловсрол, сургалт үнэлгээний төв
• Техник Технологийн Политехник Коллеж
• Барилга МН
• GIZ
• Гэрээт борлуулагчид оролцлоо.