Засгийн газрын ээлжит хуралдаан 2023 оны аравдугаар сарын 18-нд болж өндөрлөлөө.Тус хуралдаанаар хотын шинэ дарга Х.Нямбаатар өмнөх Засаг дарга Д.Сумъяабазарын гаргасан шийдвэр болох S’Outlet дэлгүүр, Шунхлай ХХК-ийн Алтай хотхоны урд байрлах салбар, Акуа Гарден хотхоныг нураах захирамжийг хэрэгжүүлэн ажиллахаа мэдэгдлээ.

Тэрбээр энэ долоо хоногийн амралтын өдрүүдэд дээрх гурван газарт ажиллана. Акуа Гарден хотхоны тухайд цахилгааныг тасалсан боловч үйл ажиллагаагаа үргэлжлүүлж байгаа бөгөөд өндөр барилгыг нураахад аюулгүй байдал болон орчны бохирдлыг тооцох шаардлагатай байна. Хотын зүгээс хүлээцтэй хандаж, цаашид нэмэлт зардал гаргахгүй байхад анхаарах чиглэл өгсөн боловч нэмэлт үүсвэр залган, ажлаа үргэлжлүүлсээр байна. Өмнө нь ийм хэмжээний барилга нураасан туршлага манай улсад байхгүй бөгөөд нээлттэй тендер зарлаж байгаа хэмээлээ.

Шунхлай ШТС тухайн байршил дахь салбараа нураахаа илэрхийлсэн бол Акуа Гарден болон S’Outlet-ийн зүгээс хууль зөрчиж барилга бариагүй гэсэн байр сууриа илэрхийлсээр байна.