БНХАУ-йн Хубуй мужийн Ухань хотод тус улсын анхны агаарын төмөр зам ашиглалтад оржээ. Агаарын төмөр замын нээлт 2023 оны 09 дүгээр сарын 26-ны өдөр болсон байна. 

Тус галт тэрэг нь бүрэн автомат ажиллагаатай бөгөөд 10.5 км-ийн урт замтай аж. Галт тэрэгний дээд хурд нь 60 км/цаг, нийтдээ 220 зорчигч тээвэрлэх хүчин чадалтай юм. 

Мөн Уханиас гадна Шанхай хот жолоочгүй дүүжин галт тэрэгний эхний 400 метр төмөр зам, өртөөний бүтээн байгуулалтын ажлыг дуусгажээ. Энэ төмөр зам нь нийтдээ 940 метр урттай болох юм. Дүүжин галт тэрэг 60 км/цаг хүртэл хурдтай явах ажээ. 

Эх сурвалж: CCTV MN