Шинэ цагийн барилгын салбар үүсэж хөгжсөний түүхт 97 жилийн ойн баярыг угтан гарч буй Барилга МН сэтгүүлийн 9 дүгээр сарын шинэ дугаар уншигчдадаа хүрч эхэллээ. 

Энэ удаагийн нүүр хуудсанд Пирамид Индастри ХХК  хамтран ажиллаа. 

Шинэ дугаарын онцлох булангуудаас дурдвал

VIP ярилцлага: Монголын барилгын салбарын хөгжилтэй салшгүй холбоотой нэгэн эрхмийг түүхт 97 жилийн ойн босгон дээр сэтгүүлийнхээ зочин хоймортоо урин ярилцлаа. Тэрээр Монголын бүхий л өндөр барилгуудад төслийн удирдагч, зөвлөх, экспеотизээр ажиллахын зэрэгцээ МБИХ-г үүсгэн байгуулж, инженерийн мэргэжил дээшлүүлэх системийг дэд бүтцийн хэмжээнд анх удаа авчирч, анх удаа тооцооны LIRA программыг нэвтрүүлэн, барилгын салбарт олон мянган инженерүүдийг бэлтгэн гаргасан гээд түүний салбартаа хийж бүтээсэн бүгдийг тоочиж баршгүй. Монголын барилгын салбарын хөгжлийн түүчээлэгч МУГБ, МБИХ-ны Удирдах зөвлөлийн гишүүн, Зөвлөх инженер, Доктор Э. Ганзоригтой хийсэн ярилцлагыг хүргэж байна. 

Барилгачдын өдөрт: Эрдэмтдийн судалгаан дээр үндэслэвэл монголын их хаад өөрсдийн байлдан дагуулсан газар нутагтаа олон сайхан орд, харш, хот балгад байгуулсан тухай мэдээ сурвалжид бий. Үүнтэй холбогдуулан Монголын эзэнт гүрний зарим барилга, энэ үеийн монголчуудын түүхтэй холбогдох дурсгалуудыг онцлон энэ удаагийн барилгачдын өдөрт зориулан нийтлэл хэлбэрээр хүргэж байна. 

Хөндөх сэдэв: 2023 оны 7 сарын 5-нд болсон Сэлбэ голын үерийн эрсдэлийг голуудын үерээс хамгаалах далангийн системийн гидравлик загварчлалын үр дүнгээр урьдчилан сануулж байсан бөгөөд үерийн халилт бий болох эрсдэлтэй цэгүүд, үерийн эрсдэлийг бий болгож байгаа газруудын талаар дэлгэрэнгүй судалгаа гаргаж, үерийн аюулын зураглал үйлдсэн. Мөн үерийн ус зайлуулах сувгийн систем болон борооны ус зайлуулах системүүдийн загварчлалын үр дүнгээр халилт үүсэх магадлалтай цэгүүдийг тодорхойлсон бөгөөд үүнд 2023 оны 8 сарын 5-нд Дахь-эхэд болсон үерийн эрсдэл мөн багтсан байсан. 

Мэргэжилтний үг: Япон улс нь газар хөдлөлтийн гамшигт үргэлж өртдөг ховорхон улсуудын нэг бөгөөд дэлхий дээр болж буй нийт газар хөдлөлтийн 20 орчим хувь нь Япон улсын орчин тойронд болдог гэж үздэг. Япон улсын барилга байгууламжийн хүчитгэлийн тогтолцоо ба Монгол улсад хэрэгжүүлж буй хүчитгэлийн үйл ажиллагааг бид энэ нийтлэлээрээ танилцуулж байна. 

Монгол уран бүтээлч: Бид “Монгол уран бүтээлч” булангаараа Монгол архитекторуудын онцлох бүтээлүүдийг хүргэдэг билээ. Энэ удаагийн дугаарт Хэнтий аймгийн Чингис хотын орон нутаг судлах шинэ музейн архитектораар ажилласан “Гоби Травэл” ХХК-ийн ерөнхий архитектор Б.Мөнхбатыг урин ярилцлаа. Тэрээр ШУТИС-ийн Барилга инженер, Архитектурын сургуулийг 2008 онд төгссөн бөгөөд мэргэшсэн архитектор зэрэгтэй. Салбартаа 16 дахь жилдээ ажиллаж байгаа туршлагатай нэгэн юм.

Тодруулга: Монгол Улсын хэмжээнд 2022 оны урьдчилсан гүйцэтгэлээр нийт 23,201 орон сууц ашиглалтад орсон болохыг Барилга, хот байгуулалтын яамнаас мэдээлсэн. Гэвч барилгын улирал, ажлын хурд гүйцэтгэл, санхүүжилт зэргээс хамаарч товлосон хугацаандаа ашиглалтад оролгүй хойшилсон барилга элбэг.  Зарим барилгын компани тав, зургаан жилээр барилгаа царцааж иргэдийг хохироож буй асуудал бий. Энэ талаар бид тодруулга нийтлэл бэлтгэлээ. 

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333-2