Өнгөрсөн долоодугаар сард болсон үертэй холбогдуулан Хотын дарга Д.Сумъяабазар "S Outlets" дэлгүүр, "Aqua garden" хотхон, "Шунхлай" ШТС-ыг албадан буулгах шийдвэрийг гаргаж, өнөөдөр буюу 2023 оны 08 дугаар сарын 31-ны өдөр Хотын орлогч дарга Ж.Сандагсүрэн тус шийдвэрийн захирамжийг танилцууллаа. Гэвч албадан буулгахаар болсон тус барилгуудаас гадна Сэлбэ голын дагуу газрын зөрчилтэй 19 өөр барилгууд байна. Үүнд: 

1.    СБД - ийн 1 дүгээр хорооны нутаг дэвсгэрт байрлалтай S Outlet дэлгүүр нь Сэлбэ голын далангийн зурвас зөрчсөн голын урсцыг удаашруулж голдирол нарийсгасан нь үерийн онцгой нөхцөлийн үед хүндрэл учруулж байна.

2.  2022 онд барьж  ашиглалтад  оруулсан Rever Villa хотхоны зүүн хойд булан нь мөн Сэлбэ голын далангийн урсцын талбайг багасгаж  барьсан зөрчилтэй.

3.    ХУД 15-р хороонд баригдаж буй усан парк спорт цогцолбор нь дунд голын далангийн голын даланг нарийсгаж  барьсан зөрчилтэй.

4.    ХУД 15-р хороо  “Эм Энд Жи  констракшн“  ХХК-ийн  барьж буй Акуа Гарден төслийн барилга дунд голын даланг нарийсгаж барьсан зөрчилтэй.

5.    Акуа Гарден төслийн барилгын зүүн талын авто зам

Тус зам нь дунд голын үерийн хамгаалалтын далан дээгүүр хөндлөн баригдсан боловч ус гаргалгааны хүчин чадал бага, ус нэвтрүүлэх  чадал муутай.

6.    ХУД 15-р хороонд байршилтай Энхтайваны нүхэн гарцны урд талын гүүр. Тус гүүрний ус нэвтрүүлэх хүчин чадал муу, хүчитгэх шаардлагатай.

7.    ХУД 15-р хороонд байршилтай  "Дабль Эйт" авто машины ачлагын компани нь далангийн хамгаалалтын зурвас зөрчиж үйл ажиллагаа явуулж байна.

8.    ХУД 1-р хороо байрлалтай Эрэлийн байрнуудын гарааш нь Дунд голын далангийн хөндлөн огтлолыг багасгаж барьсан зөрчилтэй. Энэ нь ус урсан өнгөрөх хүчин чадлыг бууруулж байна.

9.    ХУД 3-р хороонд байршилтай НЗХГ-ын захиалгаар баригдаж буй  “ Ган гүүр “ төсөл нь мөн голын усны урсцыг удаашруулж  нэвтрэх хүчин чадал нь тодорхойгүй зөрчилтэй.

10. ХУД 3-р хороо "River Stone" хотхоны 3 блок барилга  дунд голын даланг нарийсгаж барьсан зөрчилтэй. Тус байршилд  Дунд голын даланг маш их хэмжээгээр хөндлөн огтлолыг багасгасан.

11.    ХУД 3-р хороонд байршилтай “ Шунхлай “ ШТС . Дунд голын даланг нарийсгаж  хөндлөн огтлолыг багасгаж барьсан зөрчилтэй.

12.   ХУД 3-р хороо Дунд голын зам дагуу байршилтай  "Пи Эс Си" сэлбэгийн дэлгүүр далангийн хөндлөн огтлолыг нарийсгаж барилга барьж үйл ажиллагаа явуулж байгаа зөрчилтэй.

13.    ХУД 3-р хороо Дунд голын дээгүүр баригдаж буй “ Их богд” ХХК- ийн барьж гүйцэтгэж буй гүүр нь ус нэвтрүүлэх хүчин чадал тодорхойгүй зөрчилтэй.

14.    ХУД 1-р хороонд байршилтай  АПУ ХХК спиртийн үйлдвэр нь Дунд голын хамгаалалтын зурваст баригдсан, зүүн хойд булан дунд голын даланг нарийсгасан зөрчилтэй.

15.    БГД 25-р хороонд байршилтай  "NOTS" LLC  хөөсөнцрийн үйлдвэр Дунд голын далангийн хөндлөн огтлол багасгаж баригдсан нь голын урсаж  өнгөрөх хүчин чадлыг багасгаж  байгаа зөрчилтэй.

16. ХУД 3-р хороо гурвалжингийн гүүрний урд ЗӨК сантехникийн материал худалдааны төвийн урд байрлалтай эзэн холбогдогч нь тодорхой бус шар түц , том оврын авто машинуудын зогсоол. Энэ зогсоол нь дунд голын хөндлөн огтлолыг нарийсгасан зөрчилтэй.

17.     БГД 20-р хороонд байршилтай Alliance Tech LLC. Тус компанийн хашаа дунд голын даланг нарийсгасан зөрчилтэй.

18.    ХУД 3-р хороо Батлан хамгаалахад туслах нийгэмлэг, Khagan Films -ийн баруун хойд талд байршилтай эзэн холбогдогч нь тодорхойгүй байшин. Энэ объект нь Дунд голын далангийн хөндлөн огтлолыг нарийсгаж барьсан зөрчилтэй.

19.    ХУД 3-р хороо  ТЭЦ 4 замын урд талд байршилтай “ Автотерминал авто бааз” нь бүхэлдээ Дунд голын далан дунд баригдсан зөрчилтэй. Ингэснээр голын ус нэвтрүүлэх хүчин чадлыг их хэмжээгээр бууруулж байна.

20.    ТЭЦ-4 замын урд ХУД 4-р хороо Ирээдүй хотхоны чанх ар талд Дунд голын төгсгөл Баруун уулын сувагтай нийлж байгаа хэсэгт. 2022 онд “ Хүрээний хөвгүүд” ТББ шороо асгаж голын урсцыг нарийсгаж  байсныг Албан шаардлага өгч зогсоосон. НЗХГ-ын захиалгаар гүүр баригдаж  байна. Тухайн гүүрний баруун талд "Эвттрак" ХХК-ны орц гарцны гүүр зөвшөөрөлгүй зөрчилтэй.

21.    ТЭЦ-4 замын урд ХУД 4-р хороо Ирээдүй хотхоны чанх ард талд Дунд голын төгсгөл Баруун уулын сувагтай нийлж байгаа хэсэгт шороон замын гаргалгааны ус гаргагч хүчин чадал муутай. Энэ нь үерийн усыг маш ихээр боогдуулдаг юм.

Сэлбэ болон Дунд голын далан : Бага хэнтийн нуруунаас усжиж УБ хотын төв хэсгээр уулын болон үерийн хамгаалалтын хэд хэдэн сувгаас усыг авч Дунд голын даланд нийлдэг. СБД 1,7,8,13,14,12,11 дүгээр хороонуудаар дайран өнгөрдөг юм. Эдгээр далангууд нь 1966 оноос ашиглагдаж эхэлсэн.  Үерийн далангийн хөндлөн огтлолыг нарийсгасан 21 зөрчилтэй ААН байгууллагууд , 10 гаруй явган хүний гүүрүүд нь үерийн аюултай нөхцөл байдалд нөлөөлж байгааг дээрх судалгаагаар харуулж байна.