Өөрийн гараар хийсэн бетонон усан оргилуураар орчноо чимээрэй. Таны гэрт болон хашаанд амар тайван, тав тухтай орчныг бүрдүүлэхэд тань туслах болно. Бидний хийх усан оргилуур нь 200 кг жинтэй 100 см өндөртэй гайхалтай дизайнтай чамин болно. Зэс утсаар дамжуулан эрчим хүчний хэмнэлттэй ЛЭД гэрлээр чимэглэн шөнийн орчинд үзэмжтэй харагдах боломжийг бүрдүүлэх юм. 

Хэрэглэгдэх зүйлс:

●    Бетон 

●    Элс

●    Татлага

●    Цагаан тугалган төмөр

●    Төмөр тор

●    Утас далдлагч

●    Шүршдэг будаг

●    Эпокси давирхай

●    Халуунд тэсвэртэй  цавуу

●    LED 20Вт

●    Гүний насос

●    Гүний усны хоолой ба адаптер

●    Бүх цаг уурт тэсвэртэй будаг - хар болон боронзон бор 

●    Усны хамгаалалттай лакан будаг

●    2 м 220Вт  туузан  гэрэл

Сууриа бүтээх:

Усан оргилуурын сууриа бий болгохын тулд ойролцоогоор 50 кг элс хэрэглэгдэнэ. Элсний эргэн тойрны загварыг биежүүлэхийн тулд PVC хоолойг ашиглана.

Загварын хэлбэрийг модон фанеран хавтанг ашиглан гаргана. Энэ нь усан оргилуурын суурийн радиусын  хэмжээтэй ижил байх бөгөөд дугуйрсан муруй хэлбэртэй байна. Элсний эргэн тойронд эргүүлснээр суурь нь зөв өөгүй хэлбэртэй болно. Дараа нь хэлбэрт орсон элсэн дээрээ шингэн бетон зуурмагаа жигд тараана. 

Суурийг цутгах: 

Шингэн бетон зуурмагаараа элсийг хучиж, сойзоор тараан тэгшилнэ. Дараа нь далд туузийг ашиглан суурь бие дээр наан бэхжүүлээд дахин давхарлаж бетон зуурмагаа цутган тэгшилнэ. Сууриа дахин бэхжүүлэхийн тулд муруй модон фанераа эргүүлнэ. Ингэхдээ эргүүлэх модон фанер дээрээ 2 хадаас сурилуулж эргүүлэн тойргын дагуу зураас үүсэх юм. Энэ  нь загварыг үзэмжтэй гоё харагдуулах багахан дизайныг бий болгож байгаа юм. Бетоныг хатсаны дараа элсийг гаргана. 

Хана :

Усан оргилуурын ханыг бий болгохын тулд цагаан тугалган төмрийг ашиглан хэвийг гаргадаг. Дотор болон гадна ханыг цагаан тугалган төмөр ашиглан хамгаалж төмөр тороор бэхжүүлнэ. Өргөн хананы дээд хэсэг нь ташуу конус хэлбэртэй, үүний дотор байрлах нарийн өндөр хэлбэртэй  2 хана үүсгэнэ. Үүнийгээ өмнө бэлдсэн суурийг бүрэн хатсаны дараа суурин дотроо элсээр тогтоон байрлуулна. Дараа нь үүсгэсэн гадна, дотор хананы дундуур бетон хийж дүүргэнэ. Илүү гарсан төмрийг дээрээс нь тайрч бетоныг хатаана.

Бүтцүүдийг дуусгах:

Давхарга бүрт бетон цутгаад биежсэний дараа хатахаас нь өмнө тугалган төмрийг авна. Дараа нь сайтар хатаана. Ингээд илүүдэл төмөр торыг тайрч авна.

Олсны ажил:

Бүрэн хатсан бетон хананы тал хэсэгт дахин бетон зуурмагаар бүрж тоосгоны эмтэрхий ашиглан дизайн гарган барзгар болгон хатаана. Барзгар болгосны эсрэг талын үлдсэн хэмжээний дагуу олсоо огтолж хөндлөн судал болгон сайн чанарын цавуугаар наана. Олсны хоорондын давтамжийг өөрийн хүссэнээр тохируулан дээрээс доод хэсэг хүртэл нааж байрлуулна. Дараа нь төв суурины дотор байрлуулж бетоноор бэхлэн хатаана.

Суурь болон ханануудыг хооронд холбох:

Дараагийн хийх алхам нь ташуу намхан конус хэлбэртэй бетоныг цементээр хучин өнгөлнө. Суурь болон ханануудыг хооронд нэгтгэхийн тулд суурин дээр цемент нэмнэ. Конус хэлбэртэй бетоны үлдсэн зайг мөн адил цементээр хучиж ташуу битүүлнэ.   

Конус хэлбэртэй бетонд нэмэлтээр дизайн гаргана. Өмнөх дизайны дагуу тал хэсэгт нэмж цементээр өнгөлөн тоосгоны эмтэрхийгээр барзайлган нөгөө талыг нь олсоор дизайн гаргана.

Цутгамал аяга:

Нэг том нөгөөх нь арай жижиг 2 хуванцар аяга ашиглана. Илүү том саванд бетон хольцийг цутгаж, жижиг савыг бетонд дүрж, бага зэрэг жинтэй зүйлийг дотор нь хийж хатаана. (хайрга ашиглах нь тохиромжтой) Дараа нь бетонон савыг аяганаас гаргаж авна. Ус дамжин доош урсах жижиг цорго бий болгоно. Ингэхдээ савны амсрын жижиг хэсгийг гувалжилж тэмдэглэн, тэмдэглэсний дагуу зүсэгчээр зүсэж авна. Түүний өө сэвийг үрэгчээр үрэн цэвэрлэнэ. Ус доошоо урсах цоргыг бий болгохын тулд амсрыг нь зүсэж авсан хэсгээр нь доош харуулж байрлуулаад зүссэн хэсгийн хэмжээнд тааруулан элс байрлуулан дээрээс нь цементээр цутгана. Ингээд цорготой бетонон сав бий болно. Сайтар хатаах хэрэгтэй. Бэлэн болсон бетонон савыг олсоор тойруулан наана. Үүнийг хатаасны дараа аяганы ёроолд ус хийх нүх гаргав. Дараа нь хоолой гуурсыг халуунд тэсвэртэй цавуугаар бэхэлнэ. Бэлэн болсон аяга нь усан оргилуурын хамгийн дээд хэсэгт байрлах юм.

Үүнтэй адил хийх аргачлалтай 4 ширхэг жижиг хэмжээтэй аяга хийх юм. Гэхдээ 4 ширхэг аяганы 3 ширхэгт нь амсар цорго гарган үлдсэн нэгд нь амсар гаргахгүй битүү хийнэ. Учир нь уг аяга нь усан оргилуурын хамгийн доор байрлах учир амсар цорго гаргах шаардлагагүй. 

Аягуудыг угсрах:

Конус хэлбэрийн налуу дээр жижиг аяганууд цуваа байрлалаар бэхлэгдэнэ. Налуу учраас аягыг шулуун дээр суурин дээр байршуулахын тулд 4 ширхэг кардонон цаасыг дугуй хэлбэртэй цуваагаар байрлуулан, дугуй дотор нь цемент хийж цутгана. Үүнийгээ тэгш хэмтэй сайтар чигжиж өгнө. Цутгасан цементэн дээрээ аягануудаа байршуулан бэхэлж хатаана.

Будах:

Бүх цаг уурт тэсвэртэй будаг сонгох нь тохиромжтой. Үндсэн суурь өнгө нь хар,  давхарлан будах өнгө нь боронзон бор өнгө сонгосон. Будаг ширшигчинд будгаа хийх эсвэл шүршдэг будаг ашиглах нь тохиромжтой. Эхлээд хар өнгийн будгаараа бүхэлд нь жигд шүршиж будна. Дараа нь бор өнгөөрөө өөрийн хүссэн дизайныг гарган давхарлан будна.

Эцэст нь усны хамгаалалттай лакан будгаар усан оргилуурын будгыг түгжиж гялалзуулж  бүх хэсгийг жигд будна. 

Усны насос ба гэрэл суурилуулах:

Усны насосыг хамгийн дээр байрлаж байгаа аягыг сөхөж аваад хоолойруу хийнэ. Бүх аяганд зайгаар ажилладаг LED гэрлийг байрлуулна. Суурийн их биеийн дотор хүрээгээр 2 метр урттай 220 Вт-н гэрлийг гэрэл тогтоогч хавчаараар хадаж суурилуулна. Ингээд бидний мини усан оргилуур бэлэн боллоо. 

Бэлтгэсэн С. Оргилцэцэг