Энэ удаагийн дугаартаа  Дэлхийн хамгийн нэр хүндтэй LEED ногоон барилгын гэрчилгээжүүлэлтийн дээд ангилал “BD+C PLATINUM” болзлыг хангасан  Монголын анхны LEED Platinum сертификаттай ногоон барилгыг онцолж байна.  

LEED гэдэг нь ‘’Эрчим хүч ба хүрээлэн буй орчны зураг төсөл дахь манлайлал’’ буюу Leadership in Energy and Environmental Design гэсэн үгнүүдийн товчлол юм.  Уг гэрчилгээ нь АНУ-ын Ногоон барилгын зөвлөлөөс (USGBC) ногоон байгууламжийн салбарт олон улсын тогтвортой байдал, төгс шийдлийг сурталчлах зорилгоор бий болгосон үнэлгээний систем юм.

Ногоон барилга нь нийгэм, эдийн засаг, байгаль орчны үнэ цэнийг нэгтгэдгээрээ онцлогтой. Хүрээлэн буй орчинд үзүүлэх сөрөг нөлөөллийг бууруулах, цаг уур, эрчим хүч, усны хэмнэлттэй байгаль орчинд ээлтэй барилга байгууламж бөгөөд байгалийн үнэт баялгийг хадгалж, бидний амьдралын чанарыг сайжруулж, эрүүл мэнд, хүрээлэн буй орчинд сөрөг нөлөөгүй, барилгын материал ашигласан, дулааны алдагдал бага байх хийцтэй, хүлэмжийн хийн ялгарлыг бууруулах, сэргээгдэх эрчим хүчний шийдэлтэй, цас, борооны усыг хуримтлуулж дахин ашиглах технологийн цогц шийдэл юм. 

MMS Group-ийн бүтээн байгуулсан төсөл MMS GREEN BUILDING төслийн онцлог нь санхүүжилт, архитектур төлөвлөлт, барилга угсралт, инженерийн шийдлүүд нь Монгол залуучуудын гүйцэтгэлээр бий болсон бүтээн байгуулалт юм. Барилгын хувьд Ногоон барилгын голлох шалгуурууд болох сэргээгдэх эрчим хүч, усны хэмнэлт, ногоон байгууламж, байгууламжийн дотоод орчны чанарын жишиг шийдэл бүхий бүрэн автоматжуулагдсан ухаалаг барилга. 

Уг барилга нь Оффис, Засвар үйлчилгээ, Агуулах гэсэн үндсэн 3 блокоос бүрдэх бөгөөд нийт 10’000м2 талбайн 26%-ийг байгууламж, 30%- ийг ногоон байгууламж, 44%-ийг зам талбай байхаар төлөвлөгдсөн. 

Тогтвортой хөгжил, Хүрээлэн буй орчинд үзүүлж буй эерэг нөлөө

⮚    Цахилгаан эрчим хүч

Уг барилга нь нарны цахилгаан эрчим хүчний үүсгүүрийн хосолсон (Hybrid) системийг амжилттай суурилуулж барилгын цахилгааны хэрэглээг 100% сэргээгдэх эрчим хүчээр хангаж байна. 

●    Бүрэн автоматжуулалтын системийн тусламжтай  барилгын цахилгааны хэрэглээг 26%-аар бууруулсан 

●    Төвийн нэгдсэн сүлжээнд нийлүүлсэн хэмжээ - 52.413 МВц

●    Жилд 169.1 tCO2 нүүрс хүчлийн хий үйлдвэрлэхээс сэргийлж байна. 

⮚    Усан хангамж ба хэмнэлт 

Жилд цэвэр усны хэрэглээг 42.3% бууруулж, байгууламжийн гадна талбайд борооны ус нөөцлөх 40м3 танк байршуулснаар ногоон байгууламжийн усны зарцуулалтаас 85м3 ус хэмнэж жилд 403’200 тонн CO2 ялгаруулалтыг бууруулж байна. 

⮚    Ногоон байгууламж

Ногоон байгууламж нь  2’634м2  талбайд 15 төрлийн 350 ширхэг мод бутлаг ургамлаас бүрдсэн төдийгүй газрын унаган төрхийг өөрчлөлгүй газар зүйн тогтцод нийцүүлэн архитектур төлөвлөлт хийж гүйцэтгэжээ.

⮚    Хог хаягдлын менежмент

Байгууламжийн хэмжээнд хог хаягдлыг ахуйн хог хаягдал, картон цаас, шил, хуванцар, металл, батарей болон электрон хаягдал зэргээр ангилан ялгаж, тэдгээрийг зориулалтын дахин боловсруулах үйлдвэрт хүлээлгэн өгч байна. Мөн оффисын хэсэг бүрт ангилал бүхий хогийн савыг байршуулан хог хаягдлыг эх үүсвэр дээр нь ангилан ялгах журмыг мөрдөн ажиллаж байна.

Ашиглалтад орсноос хойш жилийн хугацаанд 1330кг хог хаягдал гарснаас 74% буюу 984кг хог хаягдлыг дахин боловсруулахаар хүлээлгэн өгсөн байна. 

⮚     Агааржуулалт, агаар сэлгэлт, хөргөлт 

Өрөөний температурт тохируулан автоматаар халуун, хүйтэн болон агаарыг шүүж цэвэршүүлэх тохиргоотой. Мөн агаар сэлгэлтийн төхөөрөмжүүд нь гадна цэвэр О2 агаарыг өгч СО2 гадагшлуулах автомат хавхлагууд ажиллана.

Оффисын өрөөнүүдийн дотор агаарын температур нь мэдрэгчүүдээр дамжуулан агаар чийгшүүлэгч автомат горимд ажиллан стандарт эрүүл цэвэр таатай орчныг бүрдүүлнэ.

AL-KO - Автоматжуулагдах боломжтой агаар сэлгэлтийг өөрийн хүссэнээр удирдана.

⮚    Барилгын зохион байгуулалт, хийцлэл

Газрын хэвлий релефийг (унаган төрх) өөрчлөөгүй газар зүйн тогтцод нийцүүлэн Архитектур төлөвлөлт хийж гүйцэтгэжээ. 550м3 үржил шимт хөрсийг 100% дахин ашиглаж нөхөн сэргээлт, ногоон байгууламжид ашигласан бөгөөд барилгын ажил гүйцэтгэх явцад байгаль орчинд нөлөөлөх сөрөг нөлөөллийг хамгийн бага байх менежментийг хэрэгжүүлж ажилласан байна. 

Шведийн Astron компанийн цэвэр гангийн орцтой, чанарын шаардлагыг бүрэн хангасан металл хийц болон дулаалгатай гадна хана, байгалийн гэрэлтүүлгийн шууд тусгалыг шингээж нарны хэт ягаан туяанаас хамгаалах шилэн фасад, цонхнууд, оффисын нүүр тал, үзэсгэлэнгийн танхим, голын гарден зэрэг шилэн хана фасадын шийдэл нь нарны гэрлийн дулааныг шингээж дулааны хэмнэлтэд дэмжлэг үзүүлэх зориулалттай.

Галд тэсвэртэй, галыг дэмжихгүй, газар хөдлөлтийн 9 баллд тэсвэрлэх чадвартай ган краказ хөнгөн сэндвич хавтан ба металл гадаргуутай юм. 

Холбоо барих: 

Facebook: https://www.facebook.com/mms.green.building 

Instagram: https://www.instagram.com/mms.green.building/

WEBSITE: https://mymonsource.barilga.mn/