Монгол улсын Засгийн газрын 2023 оны 07 дугаар сарын 26-ны өдрийн хуралдааны 30 дугаар тэмдэглэлийн 2-т “Засгийн газрын хэрэгжүүлэгч агентлаг-Газар зохион байгуулалт, геодези, зураг зүйн газрыг Ерөнхий сайдын эрхлэх асуудлын хүрээнд ажиллуулах асуудлыг шийдвэрлүүлэх хүртэл хугацаанд шинээр газар олгохгүй байхыг Засгийн газрын холбогдох гишүүдэд даалгасан” байна. Үүний дагуу Газрын нэгдмэл сангийн удирдлагын нэгдсэн цахим систем дээр шинээр газар олгох үйл ажиллагааг түр зогсоож, мэдээллийн системд хаалт хийж ажиллах чиглэлийг "Газар зохион байгуулалт, геодези, зураг зүйн газар"-т хүргүүлжээ. 

Иймээс 2023 оны 08 дугаар сарын 16-ны өдрийн 17:00 минутаас эхлэн Газрын удирдлагын нэгдсэн системд шинээр газар эзэмших, ашиглах, өмчлөх эрхийн төрлөөр өргөдөл бүртгэх болон тус төрлүүдээр шийдвэрийн төсөл үүсгэх үйл ажиллагааг түр хугацаанд зогсоож байна.