Нийслэлийн Засаг Даргын хэрэгжүүлэгч агентлаг болох “Хотын стандарт, хяналтын газар”-аас Улаанбаатар хотод ашиглалтад орсон барилга байгууламжийн орон зайн мэдээллийн санг нээлттэй байрлуулжээ. 

Тодруулбал Улаанбаатар хотод шинээр ашиглалтад орж буй барилга байгууламжийн орон зайн мэдээллийн санг бүрдүүлж байгаа бөгөөд Нийтийн мэдээллийн ил тод байдлын тухай хуулийн хүрээнд олон нийтэд нээлттэйгээр түгээж байгаа аж. 

Тус ажил нь Нийслэлийн Засаг даргын 2020 оны А/1022 дугаар захирамжаар Барилга байгууламжийг ашиглалтад оруулах комисс”ын бүрэлдэхүүнийг шинэчлэн баталсан. Ийн Хотын стандарт, хяналтын газар нь тус комиссын үйл ажиллагааг зохион байгуулж эхэлсэнтэй холбоотой хэрэгжиж байгаа юм байна. 

Улаанбаатар хотод өнгөрсөн 3жилийн хугацаанд нийт 305 орон сууц ашиглалтад орж, энэ жил буюу 2023 оны одоогийн байдлаар 75 орон сууц ашиглалтад орсон байна. Харин олон нийтийн барилгын хувьд өнгөрөгч 3 жилийн хугацаанд нийт 349, 2023 оны одоогийн байдлаар 60 барилга ашиглалтад орсон байна.

Мөн 2022 оноос хойших мэдээллийг харахад нийслэл Улаанбаатар хотод сард 10-аас дээш тооны орон сууцны болон олон нийтийн барилга ашиглалтад орж байна.