Энэтхэг улсын Шинэ Дели хотын төвд дэлхийн хамгийн том музейг бүтээхээр болжээ. Үүнийг дэлхий нийт Энэтхэг улсыг шууд утгаараа түүхийг бүтээхийн ирмэг дээр байна хэмээн дүгнэж байна. Югэ Югэен Бхарат нь  Энэтхэгийн 5000 жилийн түүхийг харуулсан олдворуудыг 1,17сая мкв талбай бүхий 3 давхар байшинд үзүүлэн бэлдэхээр төлөвлөжээ. Уг музей нь Энэтхэгийн хойд болон өмнөд хэсэгт байрлах бөгөөд улсын баялаг, түүх олон янзын өв соёлыг бэлгэддэг. Музейн үзэл баримтлал нь найман сендвичилсэн сегментийг тойрон эргэлддэг бөгөөд тус бүр  нь Энэтхэгийн сонирхолтой аяллын янз бүрийн үеийг харуулахын тулд нарийн боловсруулагдсан юм.

Энэтхэгийн ерөнхий сайд Нарендра Моди 5-р сарын 18нд тэмдэглэдэг Олон улсын музейн өдрөөр Югэ Югэен Бхаратын музейг сүр жавхлантайгаар нээжээ. Энэ үйл явдал нь музейн гайхамшигт галерей, цэцэрлэгт хүрээлэнгүүдтэй танилцах виртуал замыг нээж, зочдын анхаарлыг ихээр татсан. Энэхүү нээлт нь Дели хотын Прагати Майдан дахь 3 өдрийн олон улсын музейн экспон үеэр болсон юм. Үүний зэрэгцээ ерөнхий сайд Моди 2700сая рупийн өртгөөр бүтээгдсэн одоо Бхарат Мандапам хэмээн нэрлэгдсэн 123акр талбай бүхий өргөн уудам кампусыг хамарсан олон улсын үзэсгэлэнгийн төв (IECC) цогцолборын нээлтэд давхар оролцжээ.

Югэ Югэен Бхаратын музейн сендвичилсэн хэсгүүд нь Энэтхэгийн олон талт түүх, он цагийн хэлхээсээр мартагдашгүй аялалд хүргэнэ. Он цагийн хэлхээс нь Энэтхэгийн мэдлэг, эртний үеэс дундад зууны үе рүү, дундад зуунаас орчин үе рүү шилжих шилжилт мөн Голланд, Британи, Португали болон бусад орнуудын колоничлолын дэглэм, эрх чөлөөний төлөөх тууштай тэмцэл түүний дараах үеийг багтаасан болно.

Галерей үзвэрүүд нь эртний хот төлөвлөлтийн систем, Вед болон Упанишадуудын мэргэн ухаан, эртний анагаах ухааны мэдлэг гэх мэт гүн гүнзгий ойлголтуудыг харуулах болно. Мөн танилцуулгад Маурянаас Гулта гүрнүүд, Вижаянагара гүрний сүр жавхлан, Могалын эзэнт гүрний засаглал гэх мэт өөр олон гүрний сонирхолтой засаглал болон эрин үеүүдийг харуулах болно. 

Югэ Югэен Бхаратын музей нь зөвхөн түүхийг харуулахаас гадна Энэтхэгийн ирээдүй рүү чиглэсэн аяллыг итгэл найдвар, шийдэмгий байдлаар дүрслэн харуулах зорилготой юм.