Барилга МН сэтгүүлийн 8-р сарын дугаар хэвлэгдлээ
Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчилж, барилгын салбартай холбоотой мэдээ мэдээлэл, мэргэжилтнүүдийн нийтлэлийг бэлтгэн хүргэдэг Барилга МН сэтгүүлийн 8-р сарын дугаар хэвлэгдлээ.
Энэ сарын дугаарын нүүр хуудсанд Тоонот хаалга констракшн ХХК хамтран ажиллаа.
Энэ дугаарт гарсан онцлох булангуудаас танилцуулбал…
VIP ярилцлага : Барилга МН сэтгүүлийн 8 дугаар сарын онцлох зочноор Росторг компанийн гүйцэтгэх захирал Э.Амгаланг урин ярилцлаа. Тэрээр өөрийн бизнесийн эхлэл, зарчим, барилгын салбарын зах зээлийн талаар бидэнтэй хуваалцсан юм.
Тодруулга: Улсын ерөнхий прокурорын газар /УЕПГ/ үерээс хамгаалах далан суваг шуудууг таглаж, барилга барих зөвшөөрөл олгосон эрх бүхий албан тушаалтнуудыг шалгах ажлыг эхлүүлэхээр болж, ажлын хэсэг байгуулж, S outlets барилгыг буулгах талаар Хотын дарга Д.Сумъяабазар, "Aqua Garden" хорооллын барилгын зөвшөөрлийг түдгэлзүүлж, ажлыг зогсоохоор болсныг Барилга, хот байгуулалтын яамнаас олон нийтэд мэдэгдээд байна. Холбогдох байгууллага, мэргэжилтнүүдээс тодрууллаа. 
Хөндөх сэдэв: Хотын хүн амын жар гаруй хувь амьдардаг гэр хорооллын архитектур төлөвлөлтийг суурьшлын бүсийн төлөвлөлтөд тодорхойлохгүйгээр тогтмол орхигдуулж байсан нь эцэстээ гэр хорооллын газрын эзлэх талбайг хяналтгүй, хурдацтай нэмэгдүүлэн хотын нутаг дэвсгэрийн зураг, байгуулалтыг сунган хотын периметр, талбайн харьцааг 6.619 болгон муутгаж / энэ бол компакт хотуудын хувьд маш муу тоо / ОЙРЫН ЗАЙН ХОТЫН концепцийн эсрэг, хот байгуулалт уруудаж, нийслэлийн тэлэлт эхэлсэн.
Та чадна: Өөрийн гараар хийсэн бетонон усан оргилуураар орчноо чимээрэй. Таны гэрт болон хашаанд амар тайван, тав тухтай орчныг бүрдүүлэхэд тань туслах болно. Бидний хийх усан оргилуур нь 200 кг жинтэй 100 см өндөртэй гайхалтай дизайнтай чамин болно. Зэс утсаар дамжуулан эрчим хүчний хэмнэлттэй ЛЭД гэрлээр чимэглэн шөнийн орчинд үзэмжтэй харагдах боломжийг бүрдүүлэх юм.
Мэргэжилтний санал: Энэхүү нийтлэлийн зорилго нь барилга угсралтын ажлын явцад зохиогчийн хяналт хийхэд хүчин төгөлдөр мөрдөгдөж буй “Барилгын ажилд зураг төсөл зохиогчийн хяналт тавих дүрэм” /БНбД 11-04-16/-ийн одоогийн зохицуулалтад буй гурван дутагдлыг, сайжруулах санал дэвшүүлэхэд оршино.
Дуулгах сонин: Дэлхийн хамгийн нэр хүндтэй LEED ногоон барилгын гэрчилгээжүүлэлтийн дээд ангилал “BD+C PLATINUM” болзлыг хангасан Монголын анхны LEED Platinum сертификаттай ногоон барилгыг онцолж байна.
Онлайн унших: Номын сан
Утас: 9100-0233, 7711-3333-2
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.