Өмнөд Солонгос улсын  Сөүл хотноо “Korea build 2023” барилгын салбарын үзэсгэлэн 8 дугаар сарын 03-06 - ны өдрүүдэд зохион байгуулагдаж байна. 

Тус үзэсгэлэнд Солонгосын болон олон улсын барилгын тоног төхөөрөмж, халаалт, агааржуулалтын шийдэл, сэргээгдэх эрчим хүч, интерьер, дэвшилтэт техник технологиуд, дижитал барилгын технологи, зураг төсөл, ландфшафтын чиглэлээр үйл ажиллагаа явуулдаг компаниуд оролцож, өөрсдийн бүтээгдэхүүн, үйл ажиллагаа танилцуулж байна. 

“Korea build 2023” үзэсгэлэнд Барилга МН - ийн үүсгэн байгуулагч, ТУЗ - ын дарга Г.Батсүх “Барилгын материалын ханган нийлүүлэгчдийн зөвлөл” - ийг төлөөлөн оролцож байгаа бөгөөд Монголын барилгын салбарын зах зээл, хамтран ажиллах боломжийн талаар илтгэл тавьж байна.