Зуслангийн хашаанд сандал байршуулах нь тав тухтай нөхцөлийг бүрдүүлж амрах, кофе уун ярилцах, дулаан цаг агаарт ном унших дуртай газар болж магадгүй юм. Гадаа байршуулах сандлыг  мод, чулуу, төмөр, гантиг зэрэг материалаар хийдэг. Гадаа сандал хийх хамгийн тохиромжтой материал нь мод юм. Мод нь чийгэнд тэсвэртэй, дулаан уур амьсгалыг бий болгодог.Ихэнхдээ сандлыг хоёр ба түүнээс дээш материалаар бэлэн болгодог. Хашааныхаа хэв маягийн онцлогийг тодорхойлон сандлыг хаана байрлуулахад тохиромжтойг тодорхойлно. Сандал нь орчин үеийн хэв маягийн зуслангийн байшингийн урд зүлгэн дээр сайхан харагдах болно. 

Хэрэглэгдэх зүйлс

-    Сандлын 4-н хөл мод

-    2 ижил хэмжээтэй банз мод

-    Хадаас

-    Зүлгүүр

-    Өрөм

-    Гар хөрөө

-    Модны цавууНэг нь суух суудал, нөгөө нь арын түшлэг болох зориулалттай хоёр ижил хэмжээтэй тавиур байх шаардлагатай. Ямар ч хэмжээтэй байж болох бөгөөд гол нь 2 тавиур нь хоорондоо ижил хэмжээтэй байх хэрэгтэй. 

Бэлэн болмогц зүлгүүрээр банзнуудыг сайтар зүлгүүрдэнэ. Эхлээд том ширүүн зүлгүүрээр дараа нь жижиг ширхэгтэй зүлгүүрээр зүлгээрэй. Ингэхдээ гар нүүрний хамгаалалт зүүж зүлгүүрийн ажил хийхээ мартуузай. Суух болон түшлэгийн банзнуудыг жигд зүлгэж,  тулгуур хөлийг харин тохируулан хэлбэрийг алдуулахгүйгээр эргэмэгүүдийг даран зүлгүүрдэж бэлдэнэ. Суух болон бие хүрэх хэсгүүдийг гөлгөр байгаа эсэхийг шалгаарай.

Гар тавих хэсэг нь суудлын уртаас бага зэрэг өндөр байна. Сандалын банзнуудыг сайтар цэвэрлээд хооронд нь холбоно. Энэ явцаар 2 хэсэг суурь бий болох юм. Дараа нь хооронд нь холбохын тулд 2x4 хэмжээтэй жижиг зүсмэл мод хайчилж боолтоор бэхэлнэ. 

Суудлынхаа хөлийг бэхлэхээс өмнө суудлын доор ямар нэг зүйл байрлуулж өндрийг нь тодорхойлно. Ойролцоогоор суудлын өндөр нь газраас 30 см байна.

Арын налуурыг бөхийлгөхгүй арагшаа налуу чиглэлтэй байрлуулна. Гарын тавиурыг арын налуурын 2 талд байрлуулна. Энэ нь хөлийг холбоход хялбар болох юм.   

Суудлыг хажуу тийш нь харуулж дээр дурдсанчлан суудлын доор суурилуулсан 2x4 төмөрт хөлийг холбоно. Суудлын хөлийг холбохдоо өрмөөр өрөмдөн боолтоор холбоно. Гарын түшлэгийн хэмжээг аяга кофе тавихад хангалттай өргөн байхаар тооцоолно. 

Суудал нь бэлэн болсон тул суухад тухтай байлгах зорилгоор зөөлөн дэвсгэр бэлдэх хэрэгтэй. 

Барилгын материалын дэлгүүрээс сандалдаа тохирсон хэмжээтэй зөөлөн порлон сонгон түүнийгээ өөрт байгаа эсвэл мөн худалдан авсан даавуу, материалаар өнгөлж үзэмжтэй болгоно. 

С.Оргилцэцэг