Монголын инженерүүдийн холбоо ТББ нь 20 дахь жилдээ MACE ANNUAL MEETING олон улсын арга хэмжээг өнөөдөр буюу 2023 оны 06 дугаар сарын 22-ны өдөр Улаанбаатар хотноо зохион байгуулж байна. 

Энэхүү арга хэмжээг нээж Монголын барилгын инженерүүдийн холбооны ерөнхийлөгч А.Ариунболд үг хэлсэн бөгөөд бидний жил болгон зохион байгуулдаг энэхүү арга хэмжээ нь барилгын инженер эрдэмтэн судлаач та бүхнийг олон улсын түвшинд харилцан бие биетэйгээ ойлголцож, бие биенээсээ суралцан хамтдаа хөгжих эрхэм зорилготой. Мөн арга хэмжээнд маань цаг заваа гарган ирсэн инженер, эрдэмтэн судлаач, салбарын мэргэжилтэн та бүхэндээ баярлалаа. Тус семинар, илтгэлүүд маань үр өгөөжтэй та бүхний мэдлэгт нэмэр болно гэж ерөөе хэмээлээ.

БХБЯ-ны Барилга, инженерүүдийн дэд бүтцийн бодлогын хэрэгжилтийг зохицуулах газрын дарга Д.Гантулга Монголын газар хөдлөлтийн эрсдэлийг бууруулахтай холбоотой хөрөнгө оруулалтын асуудал болон хууль эрх зүйн талаас дутагдалтай байгаагаа нуулгүй хэлье. Тийм учраас Барилга хот байгуулалтын яамнаас хууль эрх зүйн орчныг сайжруулж анхаарч ажиллана гэдгээ илэрхийллээ. Мөн Монголын барилгын инженерүүдийн холбоо уг арга хэмжээг өргөн хүрээнд зохион байгуулсанд болон гадны орны инженерүүдийн холбооны зочид, төлөөлөгч нарт талархаж буйгаа илэрхийллээ.

Тайваны барилгын инженерүүдийн холбооны ерөнхийлөгч Проф Ю Чи Сун Өнөөдрийн техникийн семинарыг зохион байгуулж байгаад баярлалаа. Энэ удаад Хятадын иргэний болон усны барилгын инженерийн холбооны институтыг төлөөлж ирсэн. Тайландын хувьд газар хөдлөлт илүү их тохиолддог учраас манай байгууллага сүүлийн арван жилийн судалгаандаа үндэслэн хэрхэн газар хөдлөлтөөс сэргийлэх вэ? Барилгынхаа бүтээцийг сайжруулж газар хөдлөлтөд хэрхэн тэсвэртэй болгох талаас ажилласан. Энэ талаараа та бүхэнтэйгээ мэдлэг туршлагаа хуваалцахад таатай байна гэлээ.

Солонгосын барилгын инженерүүдийн холбооны ерөнхийлөгч Проф. Жун Хаенг Хо Монголын инженерүүдийн холбоо, инженерүүд сайхнаар хүлээн авч байгаа хүндлэлд талархсанаа илэрхийлье. Бид энд семинар, илтгэлүүд хэлэлцүүлэхээс гадна хоёр холбооны 20 жилийн түүхэн нөхөрлөлийг тэмдэглэхээр ирсэн гэлээ.

Японы Барилгын инженерүүдийн холбооны гадаад харилцааны хорооны гишүүн Проф. Эйки Ямагучи Японы барилгын инженерийн холбооны хувьд зургаан сар бол чухал уулзалт, ажлуудтай сар байдаг. Гэхдээ энэ чухал ажлынхаа хажуугаар цаг гаргаж Монголын барилгын инженерүүдийн холбооны арга хэмжээнд ирсэн байна. Урьсан та бүхэнд баярлалаа. Бид Монголын барилгын инженерүүдийн холбоог хамгийн чухал хамтрагч байгууллага гэж үздэг. Уулзалт, хурлаас илүүтэй бидний дараа дараагийн хамтын ажиллагаа чухал гэж үзэж байгаа. Иймд Японы барилгын инженерүүдийн холбоо Монголын инженерүүдийн холбоотой илүү ахисан түвшинд гүн гүнзгий хамтарч ажиллах хүсэлтэй байгаагаа илэрхийллээ. 

Тус арга хэмжээнд Барилга байгууламжийн газар хөдлөлтийн тэсвэрлэлтийг үнэлэх ба хүчитгэх, олон улсын туршлага сэдвийн хүрээнд олон улсын техникийн семинарыг зохион байгуулж байна.Учир нь сүүлийн жилүүдэд Монгол орны нутаг дэвсгэрт газар хөдлөлт ихсэх болж, 2011-2022 онд 327 мянга 576 удаагийн газар хөдлөлт болсноос 6-6.9 магнитудын газар хөдлөлт гурван удаа, 5-5.9 магнитудынх 18 удаа, 4-4.9 магнитуд хүчтэй газар хөдөлөлт 238 удаа болсон гэсэн тоо баримт байдаг бөгөөд зөвхөн 2022 онд л гэхэд Монголд 58.000 гаруй газарт газар хөдлөлт болсон нь тэмдэглэгджээ. Газар хөдлөлтийн асуудал нь зөвхөн Монгол ч гэлтгүй дэлхий нийтийн анхаарлыг татаж буй өнөөгийн цаг үед барилгын газар хөдлөлт тэсвэрлэлт, хүчитгэлийн талаар судалгаа, тооцоолол хийсэн Монгол Улсын судлаач инженерүүд, холбооны хамтын ажиллагаат Япон, Солонгос, Тайван, Турк зэрэг орнуудын Барилгын инженерүүдийн холбоодын судлаач инженерүүд, төлөөлөгчид энэ сэдвээр илтгэл тавьж буй нь энэхүү үйл явдлын онцлог байлаа. Ийнхүү доорх сэдвүүдээр илтгэл тавигдаж байна.