Олон улсын чанар стандартад нийцсэн өндөр зэрэглэлийн кабелын утсыг үйлдвэрлэгч БНСУ-ын “Аsia_Electric Wire” монгол дахь албан ёсны төлөөлөгч Кореатоп Стандарт ХХК нь 2010 оноос эхлэн монгол улсын барилга болон уул уурхай, хөдөө аж ахуйн салбарт чанартай бүтээгдэхүүнийг нутагшуулах зорилготойгоор ажиллаж ирсэн.

Бид монголын зах зээлд хэрэглэгчдэд цахилгааны чанартай кабелыг оновчтой зөв сонгох, мөн кабелын утасны үйлдвэрлэлийн хөгжил инновац, шинэ технологийн талаарх  мэдээллийг Солонгосын Asia electric Wire компанийн захирал Парк Жон Сик-ийг  урьж ярилцлаа.

Солонгос улс нь цахилгаан кабелийн үйлдвэрлэлтээрээ ямар түвшинд байдаг вэ? 24 жилийн түүхтэй Asia electric Wire компанийн хувьд ямар үе шаттайгаар хөгжиж өнөөдрийг хүрсэн бэ? 

Солонгосын зах зээлд манай компанитай ижил үйл ажиллагаа явуулдаг, дотоодын стандартыг хангасан олон үйлдвэрүүд бий. Тэдгээр өрсөлдөгчдөөсөө ялгарахын тулд маш их хөрөнгө оруулалт хийж, багагүй цаг хугацааг ч зарцуулан үйлдвэрлэлээ бүрэн автоматжуулсан. Дээр үед 100 гаруй хүн гар ажиллагаагаар үйлдвэрлэдэг байсан бол автоматжуулснаар үйлдвэрлэлтийн хэмжээ нэмэгдэж, цаг хугацаа маш их хэмнэж, богино хугацаанд ямар нэгэн алдаагүй бүтээгдэхүүнийг хэрэглэгчийн хүссэн хэмжээгээр үйлдвэрлэх хүчин чадалтай болсон байна. Одоогийн байдлаар нийлэг, PVC, төмөр бүрээс бүхий цэвэр зэс 99,99 голтой нийт 30 гаруй төрлийн кабель үйлдвэрлэж байна. 

Бүтээгдэхүүнийг хөгжүүлэлтээ хэрхэн хийсэн бэ? Сүүлийн үеийн дэвшилтэт технологийнхоо талаар ярьвал? 

Цахилгааны кабель үйлдвэрлэхэд Солонгос улс маш хатуу хуультай, өндөр стандартыг мөрддөг. Энэ нь ард иргэдийн аюулгүй байдал, амь нас, эд хөрөнгөтэй холбоотой учраас төдий чинээ өндөр хариуцлага дагадаг. Тиймээс "Аюулгүй байдлын стандартын гэрчилгээ" аваагүй л бол гадаадад экспортлох байтугай дотооддоо ч үйлдвэрлэх боломжгүй байдаг. Бид стандартыг хангасан бүтээгдэхүүн үйлдвэрлэхээс гадна дэлхийн зах зээлд бий болж байгаа дэвшилтэт технологийн эрэлтэд нийцүүлэхийн тулд цаг үргэлж хөгжүүлэлт хийж, шинээр үйлдвэрлэдэг. Үүний нэг жишээ бол "Хайбрид кабель" юм. 2010 оныг хүртэл шилэн кабель болон хүчний кабелийг тус тусад нь үйлдвэрлэдэг байсан бол бид энэ хоёр утсыг хамтад нь нэг дор байхаар шийдсэнээр цоо шинэ бүтээгдэхүүнийг бүтээсэн. 

Шилэн кабель, тэжээлийн кабелийг хамтад нь шийдсэнээр ажиллах хүчин, материалын зардал,  цаг хугацаа барилга байгууламжийн орон зайн төлөвлөлтийг хэмнэх давуу талуудтай. Мөн урьд нь кабелийн гадуурх бүрээс жаахан халахад хайлаад, гал гарах эрсдэл өндөртэй байсан бол шинэ технологийн үр дүнд галд тэсвэртэй, шатсан ч хорт утаа гарахгүй, галд өртсөн ч өөрөө унтарчихдаг болсон нь маш том дэвшил юм. 

Дэвшилтэт, шинэ бүтээгдэхүүн гэхээс гадна түүхий эдийн хувьд бусад компаниас хэрхэн ялгардаг вэ? 

Энгийн хэрэглэгчийн нүдээр харахад адилхан зэс боловч чанар, сорьцоороо өөр өөр үзүүлэлттэй байдаг. Манай үйлдвэр нь цэвэр зэс буюу 99,99 сорьц бүхий түүхий эд ашигладаг гэдгээрээ бусад компаниас ялгардаг. Цэвэр зэс дамжуулагч нь цахилгааныг алдагдалгүйгээр дамжуулдаг.

Цахилгааны кабельд гадуур бүрээс нь чухал юм байна. Хоорондоо ямар ялгаатай байдаг вэ? Хэрхэн шатдаггүй болгосон талаар тайлбарлавал? 

Цахилгааны утасны бүрээс нь утасны чанарт нөлөөлөх гол үзүүлэлт байдаг. Бүрээс нь дулаан тусгаарлалт, цахилгааны хэт ачаалалын тэсвэрлэлт сайтай, температурын нөлөөнд болон гадны механик гэмтэлд тэсвэртэй байдаг. 

Хэдэн төрлийн бүтээгдэхүүнээ, ямар улсуудад  экстпортолж байгаа вэ? 

Бид өмнө нь -30 хэмд тэсвэртэй цахилгааны кабель үйлдвэрлэдэг байсан. Америкийн Vodafone үүрэн телефоны компаниас -50 хүртэлх хэмд тэсвэртэй кабель үйлдвэрлэх санал ирсэн. Тиймээс бид туршилт, судалгаа хийж шинэ технологийг гаргасан төдийгүй 2020 онд АНУ - ын стандартыг хангаж, олон улсад экспортолдог болсон. 

Манай компанийн хувьд Солонгосын цахилгаан кабелийн чиглэлээрээ үндэстэн дамнасан томоохон корпорациуд болох  LS, TAIHAN, GAON зэрэг компанитай хамтран ажилладаг. Эдгээр компаниудаар дамжуулан дэлхийн зах зээлд гардаг.  Одоогоор 7 төрлийн бүтээгдэхүүнийг Австрали, Канад, Америк, Япон, Монгол гэх мэт улсуудад экспортолж байгаа. 

Монгол дахь албан ёсны борлуулагчаар яагаад Кореатоп стандарт компанийг сонгох болсон бэ? 

Манай бүтээгдэхүүн 2005 оноос эхлэн бага хэмжээгээр Монголд орж ирсэн. Тиймээс би Монголд ирэн очин ажилладаг байсан бөгөөд бид цар хүрээгээ тэлэх зорилгоор 2012 онд Кореатоп стандарт компанитай  хамтарч ажиллаж эхэлсэн.

Монголын зах зээлд олон улсын стандартын шаардлага хангасан бүтээгдэхүүнийг нутагшуулах зорилготой, алсын хараа, компанийн стратеги төлөвлөлт зэрэг нөхцөлүүдийг харж монгол талын албан ёсны дистрибютерээр сонгож, хамтран ажиллахаар шийдсэн. Хамтран ажиллаж эхэлснээс хойш борлуулалт нэмэгдсээр л байгаа. 

Монголын зах зээлийг хэрхэн харж байна вэ? 

Монгол улс хүн ам цөөтэй, том газар нутагтай улс. Тиймээс цаашид өргөжин тэлж, дэд бүтэц бүтээн байгуулалтын олон ажлууд өрнөж, улам хөгжинө гэж бодож байна. Гэхдээ одоогийн нөхцөл байдлыг харахад чанаргүй, хямд үнэтэй бүтээгдэхүүн зах зээлд их хэмжээгээр нийлүүлэгдэж байгаа санагдсан. Магадгүй өртөг зардлаа хэмнэхийн тулд ийм бүтээгдэхүүн сонгохоос өөр аргагүйд хүрдэг байж болох юм. 

Гэхдээ Монголд томоохон төслүүд хэрэгжиж байгаа учраас цаашид цаг хугацаа өнгөрөх тусам чанартай, олон улсын стандартыг хангасан бүтээгдэхүүн сонгох цаг удахгүй ирнэ гэж бодож байгаа. 

Хэр урт насжилттай вэ? Баталгаат хугацаа ч гэж ярих нь бий. 

Насан туршийн баталгаа өгнө. Тухайн барилгатайгаа адилхан  насжилттай  гэж бодож байна. Хамгийн багадаа 30 жил аюулгүй ажиллана. Цахилгаан кабелийн насжилт нь яаж ашиглахаасаа их шалтгаалдаг учраас гадна гэмтэл зэргээс хамгаалах хэрэгтэй. 

Зах зээл дээр адилхан олон төрлийн кабель утаснууд байна. Тиймээс хэрэглэгч дууриамал, жинхэнэ эсэх чанарыг хэрхэн таних вэ? 

Мэргэжлийн хүмүүс хараад л чанарыг таньж чаддаг. Харин энгийн хэрэглэгчдийн нүдэнд бол адилхан харагддаг учраас танихад маш хэцүү. Тиймээс энгийн хэдэн зүйлийг дурьдахад. Хамгийн түрүүнд голыг нь хараад хөнгөн цагаан уу, зэс үү гэдгийг хүн бүр ялгаж чадна. Зарим кабелиуд зэсийн гадуур хөнгөн цагаанаар бүрсэн байдаг. Хэрвээ зэсээр хийгдсэн бол цэвэр зэсүү, хэдийн сорьцтой, хэр хэмжээний зэс орсоныг мэдэх хэрэгтэй. 

Солонгос технологийг Монголд нутагшуулах, Монголд олон улсын стандартад нийцсэн цахилгаан кабелийн үйлдвэрийг бий болгох боломжтой юу? 

Үйлдвэрлэлд түүхий эдийн олдоц маш чухал. Монголд зэс байгаа боловч PVC, гадуурх бүрээсийг үйлдвэрлэх химийн үйлдвэргүй учраас бэрхшээлтэй байх болов уу. Гэхдээ Монголын талаас дэмжээд, зөвшөөрөл олговол үйлдвэр барихад асуудалгүй гэж бодож байна. 

Солонгос нь маш хатуу чанга хуультай, өндөр стандарттай учраас чанартай аюулгүй бүтээгдэхүүн үйлдвэрлэгддэг гэж ярьлаа. Монголын хууль, эрх зүйн орчин дээр энэ тал дээр тусгах ёстой зүйлийг та хэрхэн харж байна вэ? 

Солонгос улс нь цахилгаан кабелийн аюулгүй байдлыг хангах тусдаа хуультай. Хэрвээ улсаас зөвшөөрөл авахгүй, чанар стандарт хангаагүй бүтээгдэхүүн үйлдвэрлэвэл үйлдвэрлэгч өөрөө, түүнийг худалдан авсан болон цааш дамжуулан зарсан хүн ч хуулийн өмнө хатуу хариуцлага хүлээдэг юм. 

Ийм хуультай болсоноос хойш тогонд цохиулах, гал түймэр гарах зэрэг эрсдэлүүд маш их багассан. Тиймээс Монгол Улс ч гэсэн энэ талын хуулиа чанга болгох нь зөв болов уу. Гаднаас орж ирж байгаа хулхи, чанаргүй бүтээгдэхүүнээс татгалзаж, ард иргэдийнхээ аюулгүй байдлын төлөө чанар үзүүлэлтийг нь нарийвчлан шалгаж, зах зээлдээ нийлүүлэх нь эрсдэлийг бууруулна гэж үзэж байна. 

Манай бүтээгдэхүүнүүд зөвхөн Кореатоп стандарт компаниар дамжин борлуулагдаж байгаа боловч манай лого, таних тэмдэгийг дуурайсан хулхи бүтээгдэхүүнүүд зах зээл дээр байна. Тиймээс хууль чанга байвал энэ мэтчилэн дуураймал, чанаргүй бүтээгдэхүүн борлуулагдахгүй гэж бодож байна.   

Дэлхийн нийт ногоон хөгжил рүү чиглэж байна. Тиймээс энэ тал дээр хэр анхаарч ажилладаг вэ? 

Үйлдвэрлэлийн хувьд дэлхий нийтээрээ энэ тал дээр тодорхой шийдэлгүй байна. Харин үйлдвэрлэгдсэн бүтээгдэхүүнийг дахин боловсруулж ашиглаж болно гэдгээрээ байгальд ээлтэй байж болох юм. 

Энэ тал дээр судалгаа, шинжилгээнүүд хийгдэж байгаа. Ногоон хөгжлийн бодлогыг хангасан шинэ бүтээгдэхүүн цаашид үйлдвэрлэх боломжтой гэж харж байгаа. 

Монголд ирэх хугацаандаа цаг зав гарган бидэнтэй уулзаж, өөрсдийн инновацлаг, шинэ бүтээгдэхүүнээ танилцуулсанд баярлалаа. Та бүгдийн цаашдын ажилд нь өндөр амжилтыг хүсье!

Facebook: ASIA CABLE Mongolia

Утас: 75006282