Барилгын салбарын цогц мэдээллийг сар тутам хүргэдэг Барилга МН сэтгүүлийн 157 дахь дугаар хэвлэгдэн, уншигчдынхаа гарт түгээгдэж эхэллээ. 

Энэ удаагийн дугаарын коверт Pearl city LLC  

Онцлох булангуудаас 

VIP ярилцлага

Барилга МН сэтгүүлийн 6 дугаар сарын онцлох зочноор  “Нартын голомт” ХХК-ийн гүйцэтгэх захирал Б.Нямхүү урьж ярилцлаа. Тэрээр салбартаа 10 гаруй жил ажиллаж байгаа бөгөөд европын сантехникийн материалуудыг Монголын зах зээлд нийлүүлж байгаа билээ. 

Стандартын шаардлага хангаагүй, чанаргүй материал нь барилгын салбарт асуудал дагуулсаар байгаа. Энэ нь цаашлаад барилгын хийцэд нөлөөлж, насжилт багасаж, хэрэглэгчид эдийн засгийн хохирол амсаж байна. Тиймээс энэхүү сэдвийн хүрээнд түүнтэй ярилцлаа. 

Хөндөх сэдэв

Барилга угсралтын төсөл амжилттай хэрэгжихэд шууд хамааралтай хүчин зүйлс болох зураг төсөл, материалын сонголт гэдэг ойлголтуудын талаар саналаа хуваалцъя. Барилга угсралтын төслийн ажлын зураг нарийвчлал сайтай, тодорхой байж сая худалдан авалт, угсралтын ажилд үүсэх саатал, хүндрэл, түвэгшлүүд мэдэгдэхүйц хэмжээнд багасна гэж харж байна. Төсөлд хэрэглэж буй бараа, материал, тоног төхөөрөмжөөс барилга, байгууламжийн чанар нэлээдгүй хамааралтай. Барилга, байгууламжийн зураг төсөлд бараа, материал, тоног төхөөрөмжийг тусгахтай холбоотой дараах сэдвүүдийг энэхүү нийтлэлд хөндлөө.  

Тодруулга: 

Зээлийн Батлан Даалтын Сан нь Улаанбаатар хотын төвлөрлийг сааруулж, орон нутгийн тэнцвэртэй хөгжлийг хангах зорилгоор ипотекийн зээлийн урьдчилгаа төлбөрт батлан даалт гаргаж эхэлсэн билээ. Энэ талаар тус сангийн Төсөл бизнес хөгжлийн газрын дарга Э.Тамираас тодрууллаа. 

Нийтлэл: 

Энэхүү нийтлэлд Монгол Улсын зам тээвэр, барилгын салбарын бодлого, төлөвлөлтийн өнөөгийн байдлыг судалж, эрэлтэд суурилсан, бүтээгдэхүүн үйлдвэрлэл, ялангуяа барилгын материалын салбарыг 2030 он хүртэл таамаглан нийлүүлэлтийн хэлхээ, логистикийн сүлжээ төлөвлөлтийг хийж, логистик төвийн байршил, хүчин чадал, хөрөнгө оруулалтыг хэмжээг тодорхойлсон бөгөөд Үндэсний логистикийн сүлжээний эдийн засгийн үр өгөөжийг систем динамикийн загвараар тооцоолж, барилгын салбарын хөгжлийн эрэлтэд суурилсан бодлого, төлөвлөлтийн талаарх санал, зөвлөмж дэвшүүлсэн болно.  

Амины орон сууц: 

ШУТИС, БАС, Хүрээлэн буй орчны инженерийн салбарын Доктор PhD Ж.Даваацэрэнгийн бэлтгэсэн “Борооны усыг ундны бус хэрэглээнд ашиглах тооцоо” - ны талаарх нийтлэлийг хүргэж байна. Борооны усыг ундны бус хэрэглээнд ашиглахад тавигдах усны чанарын шаардлагыг албан ёсоор зохицуулсан зүйл байхгүй боловч ашиглах борооны ус нь тухайн зориулалтаар ашиглахад тохирсон, эрүүл мэндийн ямар нэгэн эрсдэл үүсгэхгүй байхаар тооцож борооны усыг ашиглах нь чухал. Энэ талаарх дэлгэрэнгүй мэдээллийг тус булангаас уншиж танилцаарай. 

Шинэ материал

Барилгын материалын салбарт гарч байгаа инновац, шинэ материалын талаар цувралаар хүргэдэг энэхүү булангийн энэ удаагийн дугаарт Ричлайт  /Richlite/ гэдэг нь давирхай шингээсэн цаасаар хийсэн гайхалтай бат бөх, маш уян хатан, тогтвортой хөгжлийн шаардлагыг хангасан материалын талаар танилцуулж байна. 

70 гаруй жилийн өмнө үйлдвэрлэлийн багаж хэрэгсэл, модель үйлдвэрлэхэд зориулж анх бүтээгдсэн ричлайт нь сансар огторгуй, далай тэнгис, тулааны спорт, архитектур, дизайны салбар, түүнчлэн машин цех, автомашины үйлдвэрлэлд ашиглагддаг дээд зэрэглэлийн гадаргуугийн материал болж хувирсан байна.

Мөн та энэхүү дугаараас Барилгын салбар дахь зөрчлийн хариуцлага, Газар доорх орон сууцны болон олон нийтийн барилгын төлөвлөлтийн шийдэл ба бүтээцийн онцлог, Cabel car буюу дүүжин замын замын тээвэр  гэх мэт бусад сонирхолтой мэдээллүүдийг авах боломжтой. 

СЭТГҮҮЛ ЗАХИАЛАХ

Онлайн унших: НОМЫН САН 

Утас: 9100-0233, 7711-3333-2

Сэтгүүл худалдаалагдаж буй цэгүүд: 

Мажестик - УИД 

Номин - Цамба 

Номин - 10р хороолол 

Номин - River garden 

Номин - Зүүн 4-н зам 

Номин- Билэг 

Оргил - Энконта Оргил-зайсан

Good price - Shangrila

Азхур- Нарны зам

Интерном төв салбар