Архитектур төлөвлөлтийн норматив баримт бичгийн боловсруулалтын талаар хэлэлцүүлэг боллоо
“Барилгын хөгжлийн төв” ТӨҮГ-ын “Барилгачин” танхимд /2023.05.23/ хот байгуулалт, архитектур төлөвлөлтийн норматив баримт бичгийн боловсруулалтын талаар хэлэлцүүлэг боллоо. Нийгэм, эдийн засгийн өөрчлөлт, хууль, эрхзүйн шинэчлэлтэй хот, суурины төлөвлөлтийн аргазүйг уялдуулах, төвлөрсөн төлөвлөгөөт эдийн засгийн үеийн төлөвлөлтийн норм, дүрмийг эдийн засаг, нийгмийн шинэ харилцааны онцлог, зарчимд нийцүүлэх, шинэ нөхцлийг бүрдүүлэх шаардлага бий болсон талаарх санал, шүүмжлэлүүд гарч байв.
Сүүлийн хоёр жилд хот байгуулалтын баримт бичиг боловсруулах заавар, сургууль, цэцэрлэг, эмнэлгийн барилгын төлөвлөлтийн норм, барилга байгууламжид хөгжлийн бэрхшээлтэй иргэний хүртээмжийн төлөвлөлтийн нормууд шинэчлэгдэн батлагдаж, хүчин төгөлдөр мөрдөгдөж эхэлсэн.
Харин одоогоор хот байгуулалт, архитектур төлөвлөлтийн норм нормативын баримт бичгээс гадна хотын орон зайн хүртээмжтэй байдлын төлөвлөлт, орон сууцны хороолол, бичил хорооллын төлөвлөлт, хот суурин газрын ногоон байгууламжийн төлөвлөлт, орон сууцны барилгын зураг төсөл төлөвлөлт, олон нийт иргэний барилга, олон төрлийн зориулалттай барилга, авто зогсоол, зочид буудал, үзвэр үйлчилгээ театрын барилга мөн их, дээд сургууль, мэргэжил сургалтын үйлдвэрлэлийн төв, дотуур байр, спортын барилга байгууламжийн норматив баримт бичгүүдийг шинээр болон шинэчлэн боловсруулах ажил үргэлжилж байна.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.