Барилгын салбарын бүтээн байгуулалт эд өрнөдөг энэ цаг үед салбарын шилдэг аж ахуй нэгжүүдийн бүтээгдэхүүн, барилгын материал, дэвшилтэт техник, технологи, хаус болон шинэ орон сууцны шилдэг төслүүдийг танилцуулдаг “BARILGA EXPO 2023” үзэсгэлэн, яармаг уламжлал болон зохион байгуулагддаг билээ. 16 дахь жилдээ зохиогдож уг үзэсгэлэнгийн “Шинэ орон сууц, Үл хөдлөх хөрөнгө” - ийн үзэсгэлэн өнөөдөр Мишээл экспо төвд нээлтээ хийлээ. Нээлтийн арга хэмжээнд Барилга, хот байгуулалтын яам, Барилгын хөгжлийн төв, үл хөдлөх хөрөнгийн холбоодуудын төлөөллүүд оролцлоо. 

Тус үзэсгэлэнд шинэ орон сууц, амины орон сууцны 120 орчим төслүүд оролцох бөгөөд ипотек болон компанийн хувь лизинд хамрагдах боломжтой төсөл хөтөлбөрүүд танилцуулагдана. Мөн  амины орон сууцны хамгийн сүүлийн үеийн загвар дизайн, оновчтой шийдлүүдийг үзэх, шилдэг реалторуудаас зөвлөгөө аван өөрийн хэрэгцээ, шаардлагад нийцсэн үл хөдлөх хөрөнгийг сонгох боломжтой. 

Гурван өдрийн турш үргэлжлэх тус үзэсгэлэн, яармагийн үеэр салбарын мэргэжилтнүүдийн  үнэ төлбөргүй илтгэлүүдийг сонсох боломжтой. Тухайлбал, “Үл хөдлөх хөрөнгийн зах зээл” “СӨХ - ны үүрэг, эрх зүйн байдал”, “Орон сууцны залилангаас урьдчилан сэргийлэх”, “Амины орон сууцны өртгийг бууруулах арга зам” гэх мэт иргэдэд чиглэсэн илтгэлийг хүргэх болно. 

Илтгэлийн дэлгэргүй мэдээллийг ЭНД дарж авна уу. 

Мөн шинэ орон сууцны метр квадратыг хөнгөлөлттэй үнээр худалдан авах, тавилга бэлгэнд авах, 8 ба түүнээс бага хүүтэйгээр байр худалдан авах гэх мэт боломжийг иргэдэд олгож байна. 

Урамшууллын дэлгэнгүй мэдээллийг ЭНД дарж авна уу. 

Шинэ орон сууцны 2023 оны 1-р улирлын судалгаагаар нийт 67958 айлын 353 төсөл хэрэгжиж байгаагаас 55719 айлын 253 төсөл захиалга авч байгаа бөгөөд шинэ орон сууцны дундаж үнэ 3,7 сая байна. Эдгээр захиалга авч буй шинэ орон сууцны төслүүдээс 100 гаруй төсөл нь тус үзэсгэлэнд оролцох бөгөөд орон сууц, амины орон сууцны харьцуулсан үнэ ханшийн судалгааг үзэсгэлэнгээс авах боломжтой. 

Үзэсгэлэнгийн ерөнхий зохион байгуулагчаар Барилга МН, хамтран зохион байгуулагчаар Барилга, Хот байгуулалтын яам, Барилгын хөгжлийн төв, Итали улсын элчин сайдын яам      

Ерөнхий ивээн тэтгэгчээр “Active garden residence”, “Ховд эко цемент” ХХК, ивээн тэтгэгчээр  “Green garden residence”  “Монцемент билдинг материалс” ХХК,  “Монкон констракшн” ХХК тус тус ажиллаж байна.