“INTERNATIONAL FAIR” олон улсын оролцогчдын үзэсгэлэн нээлтээ хийлээ
Манай Улс хэрэгцээт барилгын материалынхаа 70 орчим хувийг импортоор хангадаг “хэрэглэгч орон” билээ. Тиймээс барилгын зах зээлд өндөр хөгжилтэй орнуудын дэвшилтэт техник технологи, барилгын материал, бүтээгдэхүүнийг таниулах зорилгоор BARILGA EXPO 2023 үзэсгэлэн, яармагийн хоёрдугаар хэсгийг “International construction fair” буюу олон улсын барилгын салбарын оролцогчдыг үзэсгэлэнг зохион байгуулж байгаа билээ. Тус үзэсгэлэн нь 5 дугаар сарын 5-7-ны өдрүүдэд “Мишээл экспо” - д зохион байгуулагдах бөгөөд өнөөдөр нээлтээ хийлээ.
Нээлтийн арга хэмжээнд БХБЯ, БХТ, Италийн элчин сайдын яам, Гадаад хэргийн яам, Турк болон Казакстаны элчин сайдын яам, Зунхуа нийгэмлэг, Герман-Монголын бизнес эрхлэгчдийн холбооны төлөөллүүд оролцлоо.
Тус үзэсгэлэнд Итали, Хятад, Солонгос, Тайвань, Орос, Казакстан, Турк, Герман зэрэг улсын 80 орчим компанийн оролцогчид шинэ барилгын материал, эрчим хүчний хэмнэлттэй, дэвшилтэт техник технологио танилцуулна.
Үзэсгэлэнгийн өдрүүдэд салбарынхандаа болон гадаадын зочид төлөөлөгчдөд зориулан “Барилгын зах зээл ба дэвшилтэт технологи” сэдвийн хүрээнд Монголын барилгын салбарын зах зээл, бизнесийн орчин болон оролцогч компаниудын дэвшилтэт технологийн талаарх илтгэл, арга хэмжээнүүд “Мишээл экспо” төвийн хурлын танхим болон тайзнаа зохион байгуулагдана.
Семинар, илтгэлийн мэдээллийг ЭНД дарж танилцана уу.
Мөн оролцогч байгууллагуудын зүгээс гадаадад аялах эрхийн бичгийн азтан шалгаруулах, бараа бүтээгдэхүүндээ 10-50 хүртэлх хувийн хөнгөлөлттэй үнээр худалдан авах боломжийг олгож байна.
Урамшууллын мэдээллийг ЭНД дарж танилцана уу.
Сүүлийн үед барилгын материалыг чанарт төсөл хэрэгжүүлэгчид төдийгүй хэрэглэгч ихээхэн анхаарах болсон. Төрөөс ч барилгын үйлдвэрлэлийн түүхий эд, материалын чанар, технологийн хяналт, лабораторийн баталгаажуулалт хийх, технологийн горим тогтоох чиглэлээр бодлогоор ажиллаж байна. Ковидын хүндрэлээс гарч барилгын материалын үнэ харьцангуй тогтвортой болж байгаа бөгөөд 2023 оны 4 сарын байдлаар арматурын дундаж 2,6 сая, цемент 1 тн нь 390 мянга, бетон зуурмаг м3 нь 250-330 мянга төгрөг байна. Тээвэрлэлтийн зардлаа дагаад барилгын материалын үнэ буурсан бөгөөд өнгөрсөн онтой харьцуулахад ойролцоогоор 10-15 хувиар буураад байгаа юм.
2023 онд үнэ харьцангуй тогтвортой болж, эдийн засгийн нөхцөл байдал, улсын төсвийн хөрөнгө оруулалтаар баригдах бүтээн байгуулалтын ажлууд өсөн нэмэгдэж байгаа нь барилгын салбарын бизнес эрхлэгчдэд таатай байх төлөвтэй бөгөөд барилгын ажил эд өрнөдөг энэ цаг үед зохион байгуулагддаг “BARILGA EXPO” 2023 олон улсын үзэсгэлэн яармаг нь барилгын салбарт томоохон дэмжлэг болсоор ирсэн юм.
Барилгын салбарынхан болон барилга сонирхогч Та бүхнийг “International construction fair” олон улсын үзэсгэлэнд хүрэлцэн ирж, олон улсын шинэ материал, дэвшилтэт технологитой танилцахыг урьж байна.
BARILGA EXPO 2023 үзэсглэн яармагийн хүрээнд шинэ орон сууц, амины орон сууц, үл хөдлөх хөрөнгө, төслүүдийг танилцуулах Шинэ орон сууц, үл хөдлөх хөрөнгийн үзэсгэлэн 5 сарын 12-14-ний өдрүүдэд зохион байгуулагдана.
Ерөнхий зохион байгуулагч: БАРИЛГА МН
Хамтран зохион байгуулагч: БАРИЛГА, ХОТ БАЙГУУЛАЛТЫН ЯАМ
БАРИЛГЫН ХӨГЖЛИЙН ТӨВ
ИТАЛИ УЛСЫН ЭЛЧИН САЙДЫН ЯАМ
Ерөнхий ивээн тэтгэгч: “ACTIVE GARDEN RESIDENCE”
Ивээн тэтгэгч: “GREEN GARDEN RESIDENCE”
“МОНЦЕМЕНТ БИЛДИНГ МАТЕРИАЛС” ХХК
“МОНКОН КОНСТРАКШН” ХХК
Дэлгэрэнгүй мэдээллийг 77113333-1, 9100 - 0222 утаснаас лавлана уу
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.