Гэр бүлийн нэг гишүүн болох нохойндоо тав тухтай орчин үеийн загварлаг жижиг байшинг өөрийн гараар бүтээлч байдлаар хийх зөвлөмжийг хүргэж байна. Бидний бэлдэх үүр нь жижиг нохойнд зориулсан бөгөөд та өөрийн нохойнд тохирох хэмжээгээр зураг дизайныг өөрчлөн хийх боломжтой. 

Бэлдэх зүйлс: 

• Хавтан мод 

• Шугам 

• Модны хөрөө 

• Мод өнгөлөгч

• Модны будаг

• Хадаас

• 90 градусын хавчаар

• Байшингийн суурь хөл хийх мод

1. ДИЗАЙН

Энэхүү үүр нь дан ор байхаас илүү нохойны тав тухтай аюулгүй байдлыг хангах үүднээс сайтар бодолцож шинэлэг дизайн гаргахыг зорьсон. Хоолны савыг гаднын бохирдлоос сэргийлж, эмх цэгцтэй байлгах тал дээр анхаарч байшин дотор байрлуулсан. Жижиг байшин барьснаар хайртай амьтан тань үүрэндээ унтаж, түүн дотроо хооллох тул эмх цэгцтэй, тав тухтай байдал бий болох болно.   

2. 3D ЗУРАГ

3. ХАВТАНГАА ХЭСГҮҮДЭД ХУВААХ

Эхлээд нэг том хавтангаа модны хөрөө ашиглан дээрх зурган дээр гаргасан хэмжээсний дагуу долоон хэсэгт  жижиг хөрөөгөөр хөрөөдөн хуваана.

4. ОРОХ ХЭСЭГ БЭЛТГЭХ

Байшингийн үүдийг гаргахын тулд төгс диаметртэй хувин ашигласан. Хувингийн доод сууриар хагас дугуй хэлбэртэй зурж дугуйрсан хэсгийн хоёр захаас доош шугамаар шулуун зурна. Үүний дараагаар зурсан шугамын дагуу модны гар хөрөөгөөр зүснэ. Үүнийг хоёр ширхэг адил хэмжээтэйг бэлтгэснээр орох хэсэг буюу хаалганы бэлдэц бэлэн болно.

5. БУДАЖ УГСРАХ

Зураг төслийн дагуу бэлтгэсэн хавтангуудыг эхлээд өөрийн хүссэн өнгөөр будаж, сайтар хатаана. Бүрэн хатсаны дараа модны цавуугаар 90 градусын хавчаар ашиглан хөдөлгөөнгүй тэгш барьж наана. Цавуугаар нааж хөдөлгөөнгүй болсны дараа хадаасаар хадаж бат бөх болгоно.

6. ХООЛНЫ ТАВГИЙН ТАВИУР ХИЙХ

Зураг төсөл дээр хоёр таваг тавихаар төлөвлөгдсөний дагуу тавгийн суурь модыг бэлтгэнэ. Дараа нь суурь модон дээрээ тавгийн хэмжээнээс жижиг диаметртэй нүхийг харандаагаар зурж бэлтгэнэ. Тавиуранд нүх гаргаснаар таваг хөдөлгөөнгүй байж хоол болон ус асгарахаас сэргийлэх юм.

7. СУУРЬ ХӨЛ БЭЛТГЭХ

Байшингийн хөл болгож дөрвөн ширхэг мод бэлтгэнэ. Дугуй эсвэл дөрвөлжин гэх зэрэг өөрийн хүссэн дүрсээр бэлдэж болно. Суурь хөл нь 3 см өндөртэй байна. Хөлийн төвийг харандаагаар тэмдэглэж 5 см урттай шүрүүпээр гар дрилл ашиглан суурьтай холбоно.

8. ДОТОР ТОХИЖИЛТ

Жижиг байшин бэлэн болсон ч амьтан дотор нь байрлахад дотор тохижилт хамгийн чухал юм. Тиймээс дотор зайгаар ажилдаг, хананд наалддаг, хөдөлгөөн мэдрэгчтэй гэрэл суурилуулж өгөөрэй.  Мөн хэвтэхэд тав тухтай байхаар  зөөлөн, зузаан дэвсгэр дэвсэнэ. 

Ингээд таны хайртай нохойндоо зориулсан үүрэн байшин бэлэн боллоо.