Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн нийтлэлийг бэлтгэн хүргэдэг Барилга МН сэтгүүлийн 3 дугаар сарын дугаар хэвлэгдлээ. 

Энэ сарын дугаарын нүүр хуудсанд Монголд албан ёсоор үйл ажиллагаагаа эхлүүлж буй Германы Edunburgh Elevator GmbH хамтран ажиллаа. Тус брэнд нь цахилгаан шатны хөгжүүлэлт, судалгаа болон үйлдвэрлэлд голлон чиглэсэн групп бөгөөд төв оффис нь Дэлхийн санхүүгийн төв Шанхай хотод байрладаг ба  5 үйлдвэрлэлийн салбартайгаар олон улсад бүтээгдэхүүн, үйлчилгээгээ хүргэдэг. Edunburgh Elevator Group нь цахилгаан шатны эрчим хүчинд хэмнэлттэй технологийн гэрчилгээг Засгийн газраас хүртсэн хамгийн АНХНЫ аюулгүй, эрчим хүчний хэмнэлттэй цахилгаан шатны брэнд гэдгээрээ онцлог юм. Мөн өөрсдийн зохион бүтээсэн цахилгаан шатны инвертер нь ачааллыг өөрөөрөө нөхөн сэргэх технологийг хөгжүүлснээр ачааны жингээс үл хамаарч лифт хөдлөхөөс эхлэн тав тухыг мэдэрнэ. 

Энэ дугаарт гарсан онцлох булангуудаас танилцуулбал…

VIP ярилцлага:  Үндэсний үйлдвэрлэгчид бол улс эх орны хөгжлийн түлхүүр, үнэт зүйл билээ. Тиймээс энэ удаагийн дугаартаа эх орондоо үндэсний баялаг бүтээж буй нэгэн эрхэм болох “Эвт чулуу”   ХХК - ийн үүсгэн байгуулагч Гомооройн Баяржаргалыг онцолж байна. Салбартаа 18 гаруй жил ажиллаж байгаа тэрээр мужааны цехээс ажлын гараагаа эхэлж өдгөө 100 гаруй ажилтантай томоохон үйлдвэрлэгч, төсөл хэрэгжүүлэгч болсон байна.

Хөндөх сэдэв: Монгол улсад сүүлийн жилүүдэд ялангуяа 2020 оноос мэдрэгдэхүйц газар хөдлөлтийн давтамж нэмэгдэж, болзошгүй хүчтэй газар хөдлөлтийн эрсдэл өндөрсөж байгааг сейсмологчид анхааруулж байгаа төдийгүй Туркийн газар хөдлөлт нэгийг сануулж байна. 

Манай улсын хувьд газар хөдлөлтийн тэсвэрлэх чадварын үнэлгээ, судалгааны ажлыг Японы олон улсын хамтын ажиллагааны байгууллага /Жайка/ - тай хамтран хэрэгжүүлсэн бөгөөд уг төслийн хүрээнд нийт барилгын 47,8 хувь нь газар хөдлөлтөд нурах магадалалтай гэж гарсан байна. Монгол Улсын хэмжээнд нийт 18 442 барилга, байгууламж байгаагаас 1844 нь олон нийтийн зориулалттай буюу нийтийн орон сууц, нийтийн оффис, зочид буудал, кино театр, худалдааны төвүүд байна. Үүнээс 543 нь газар хөдлөлтөд тэсвэргүй, 206 барилга газар хөдлөлтөд тэсвэртэй, 195 барилгыг сайжруулах шаардлагатай гэсэн дүн гарсан.

Амины орон сууц: Манайд нийтлэг тулгараад байгаа бэрхшээл бол амины сууцыг мэргэжлийн бус хүмүүс барьснаар суурь хагарах, суух улмаар дээшээ үндсэн хийц бүтээцэд нөлөөлөх зэрэг барилга хэсэгчлэн болон бүхэлдээ эвдрэх зарим тохиолдолд бүүр ашиглах боломжгүй болж байна.

Амины сууцанд дараах тохиолдлуудад өргөх аргыг ашиглах нь зүйтэй. Учир нь энэ аргын хамгийн давуу тал нь буулгаж шинээр барих эсвэл байранд дээр нь нэмэлт арга хэмжээ авахаас хөрөнгө оруулалт хамаагүй бага шаарддаг (Зарим тохиолдолд 70 хүртэл хувийн хэмнэлт) тул энэ төрлийн сервис үйлчилгээ ялангуяа АНУ-д (зураг 1) түгээмэл болсон.

Залуу инженер: “Залуу инженер” ярилцлагын буландаа “NCD Precon” ХХК Барилгын хийц эдлэлийн үйлдвэрийн Ерөнхий менежер Б.Наранчангыг урилаа. Тэрээр Бизнесийн Удирдлагын Магистр, Иргэний ба Үйлдвэрийн барилгын инженер, Энэтхэг Улсын Үндэсний Технологийн Их Сургуулийг төгссөн. Хувь хүний онцлогийн хувьд түргэн суралцдаг, өөрийгөө сорих, хэцүү даалгаврыг авч, амжилттайгаар ард нь гарах дуртай. Салбартаа 12 жил ажиллаж байгаа бөгөөд шинэ технологи, шинэ ур чадвар, шинэ багийг бий болгож улс орны хөгжилд өөрийн хувь нэмрээ оруулахыг хүсдэг. 

Барилгын маркетинг: Монгол улсын барилгын материалын зах зээлд жилдээ 1,3 их наяд төгрөг эргэлддэг бөгөөд 800 гаруй барилгын материалын үйлдвэрлэгчид, 1200 гаруй томоохон худалдаа эрхлэгчид үйл ажиллагаа явуулдаг. Эдгээрээс барилгын зах зээлд нэвтрэх арга зам, зорилтот сувгаа оновчтой сонгоогүй, салбараа судалгаагүйгээс үр ашиггүй, байгаа оноогүй олон сувгаар зар сурталчилгаагаа цацаж цаг хугацаа, хөрөнгө санхүүгээ эрсдэлд оруулсан барилгын материал ханган нийлүүлэгчид олон байдаг. Иймд онцгойлон энэ салбарт ажиллаж байгаа болон цаашид ажиллахаар төлөвлөж буй барилгын материал үйлдвэрлэгч, худалдаалагчдадаа зориулан барилгын зах зээлд нэвтрэх, амжилттай ажиллах арга замын талаарх зөвлөмжүүдийг хүргэж байна.

Мэргэжлийн зөвлөгөө: Төсөл зохиох үндсэн нөхцөл: Буурийн төслийг зохиоход дараах үндсэн зарчмыг баримтална. Үүнд: 

1.    Буурийг хязгаарын төлөв байдлаар төсөллөнө. 

2.    Буурь, суурь, газар дээрх даацын бүтээцийн хамтын ажиллагааг бодолцоно.

3.    Суурийн төрлийг сонгох болон буурийн хөрсний ажлын нөхцөлийг үнэлэхдээ дараах асуудлуудыг иж бүрнээр авч үзнэ. Тухайлбал, 

А. барилгын талбайн инженер-геологийн болон гидрогеологийн нөхцөл; 

Б. барилгын бүтээцийн жигд бус суултыг мэдрэх чадвар; 

В. газар шорооны ажил явуулах, суурь хийх арга болон газар доорх хэсэг ба инженерийн сувгуудыг барилгад холбох , хөрш зэргэлдээ барилгуудын суурийн нөхцөлийг тооцох зэрэг асуудал орно.

СЭТГҮҮЛ ЗАХИАЛАХ

Онлайн унших: НОМЫН САН 

Утас: 9100-0233, 7711-3333-2