Төрийн анхан шатны нэгжийн ажилтанд цахим системд ажиллах чадвар олгох сургалт зохион байгууллаа
Төрийн анхан шатны нэгжийн ажилтанд цахим системд ажиллах чадвар олгох сургалтыг Барилга, хот байгуулалтын яам, Барилгын хөгжлийн төв /2023.01.26-27/ хамтран зохион байгууллаа. Энэхүү сургалт нь салбарын статистикийн мэдээллийг маягтын дагуу үнэн зөв цуглуулах түүний ач холбогдлын талаарх мэдээлэл өгч мэдээллийн хамралт чанарыг сайжруулах зорилготой юм. Сургалтад 21 аймгийн Газрын харилцаа, барилга хот байгуулалтын газрын хэлтсийн дарга болон Барилгын материал үйлдвэрлэл, лабораторийн асуудал хариуцсан мэргэжилтнүүд хамрагдаж байна.
Сургалтад хамрагдсанаар аймаг, орон нутгийн харилцагч байгууллагууд болох барилгын салбарын хувийн байгууллагуудын үйл ажиллагаа, тайлан болоод бусад үйл ажиллагааг цахимаар авч, төр хувийн хэвшлийн хамтын ажиллагааг хялбаршуулах, уялдааг сайжруулахад чиглэгдэж байгаа юм.
Сургалтыг нээж Барилгын хөгжлийн төвийн ерөнхий инженер Б.Энхболд үг хэлэхдээ, Барилгын салбарын нэгдсэн бүртгэл мэдээллийн цахим системийн талаар танилцуулга хийж, давуу тал, үйл ажиллагааны хялбаршуулсан нөхцлийн талаар мэдээлэл өглөө.
Мөн Барилга, хот байгуулалтын яамны ахлах шинжээч Б.Мөнхбаяр барилгын салбарын статистикийн мэдээллийн цуглуулалт, хэрэглээ, ач холбогдлыг танилцуулав. Түүнчлэн Цахим системийн зохион байгуулалт, ажиллах зарчим, Тусгай зөвшөөрлийн модулийн тухай ойлголт , түүнд тайланг хэрхэн оруулах, хянах тусгай зөвшөөрөлтэй аж ахуйн нэгж бйгууллагын тайлан болоод бусад сэдвүүдийн талаар мэдээлэл ойлголтыг гүнзгийрүүлж мэргэжилтнүүдийг чадахижуулж байгаа юм.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.