МУ-ын Зөвлөх инженер О.Лхагвадорж  

Олон улсын практикт барилгыг зориулалтаар нь HOUSING, APARTMENT, CONDOMINIUM, OFFICETEL, BUILDING, MART, FACTORY, SCHOOL, CHURCH, MATERIAL CENTER, PARKING TOWER  гэх мэтээр ангилдаг.  

Манай оронд архитектурын HYBRID системийн хүрээнд барилгын материалын үндэсний үйлдвэрийн бүтээгдэхүүнүүд орон сууцны барилгад /HOUSING/ хэрэглэж байгаа туршлагуудаас танилцуулъя. 

УГСАРМАЛ, ЦУТГАМАЛ ХОСОЛСОН АРХИТЕТУРЫН HYBRID СИСТЕМИЙН ТӨЛӨӨЛӨЛ CONCREWALL ТЕХНОЛОГИ 

Италийн Concrewall буюу Европын холбооны “Snell house” систем нь дан болон давхар EPS төрлийн хөөсөнцрийн үрлийг уурын орчинд хөөлгөж улмаар өндөр даралтын  шахуургад  шахаж гаргасан дулаалгын хөөсөнцөр хавтанг дунд нь хийж хоёр талаас нь цайрдсан ган утсан тороор нэвт арматурчлана. Ийнхүү гадна ханын 5 үет ханын  давхар хавтан, дотор ханын 3 үет дан хавтан, арматурчилсан бетон дам нуруу цутгах хэв хэлбэрийн ховилтой хучилтын хавтангийн зориулалтаар үйлдвэр дээр иж бүрдүүлсэн хагас бүтээгдэхүүнээ барилгын талбай дээр зургийн дагуу хооронд нь арматураар холбон угсарна.

Үүний дараа урьдчилан бэлдсэн зохих найрлага бүхий шоткрет бетон хольцоор тодорхой зузаантайгаар шүршин ердийн нөхцөлд бэхжүүлнэ. Энэхүү систем нь үйлдвэрийн нөхцөлд урьдчилан бэлдсэн хагас бүгээгдэхүүнийг барилгын талбай дээр иж бүрдүүлэн угсармал болон цутгамал хосолсон архитектурын HYBRID технологийн систем юм. 

CONCREWALL системийн давуу талууд:

-    Архитектурын болон дизайны олон шийдлийг сонгох боломжтой 

-    Дулаан болон дуу чимээ тусгаарлалт сайтай 

-  Үйлдвэрээс ачиж тээвэрлэх болон барилга дээр буулгах зөөхөд хөнгөн өндөр даацын механизм шаардахгүй 

-    Газар хөдлөлтөд тэсвэртэй

-    Бусад хийцийн барилгуудтай харьцуулахад суурийн зардал бага

-   Гадаргуу болон дунд үеийн дулаалгын зориулалттай хөөсөнцрийг галд өртөх, хорхой шавж үүрлэхээс найдвартай хамгаална. 

-  Дотор гадна цахилгаан, интернэт, дохиоллын сүлжээ, сантехникийн тоноглол, шугам хоолойн  бүх төрлийн холболт хийхэд хялбар 

-    Хүний биеийн болон хүрээлэн буй орчинд сөрөг нөлөөгүй 

- Гадна дотор ханын өнгөлгөөг бетоны будаг болон дурын материалаар хийх боломжтой 

NCD групп River Garden хорооллын HOUSING, APARTMENT, OFFICETEL,  BUILDING, MART, SCHOOL, PARKING TOWER барилгууд дээр амжилттай, олон жил хэрэгжүүлж  байна.

Үндэсний үйлдвэрлэгч Монголын алт /МАК/ ХХК-ийн “МАК EUROBLOCK”-ийн үйлдвэрлэж байгаа автоклавын хийт бетоны нэр төрлүүд…

“МАК euroblock “-н давуу талууд:

- 150С хүртэл өргийн ажил хийх боломжтой

- Хувийн жин бусад төрлийн хөнгөн бетон бүтээгдэхүүнээс 50% хөнгөн 

- Дулаан хадгалах чадвар сайн / 0.09-0.18.Вт/м0С/ 

- Бат бэх чанар өндөр  / 400-700 кг/м3/

- Зүсэлтийн нарийвчлал сайтай / хүлцэх алдаа -+1,0мм -ээс ихгүй

- Дуу чимээ тусгаарлалт сайн / Rw=40-50Dв/ 

- Галд тэсвэртэй / шатдаггүй, галыг дэмждэггүй, гал тархахаас хамгаалах чадвартай 

-Бүтээгдэхүүний чанар тогтвортой/ технологийн процессын хяналт бүрэн автомат удирдлагатай /

- Ус чийгэнд тэсвэртэй / найрлагад ус үл уусгах  эрдсүүд ордог /

- Хорхой шавж үүрлэхгүй, идэж устгахгүй 

- Хөдөлмөрийн бүтээмж өндөр бөгөөд  өргийн бусад  бүтээгдэхүүнүүдээс 4 дахин хурдан буюу мэргэжлийн бус хүн 1 м2 талбайг 15-20 минутад өрнө. 

-Тэлдэг хадаас хадах, өрөмдөх, хөрөөдөх, дурын хэлбэрээр механик боловсруулалт хийх боломжтой,  

- Лего тоглоом шиг эвлүүлж өрдөг, бариултай хөнгөн тул гэр бүлийн гишүүд ямар нэг механизм хэрэглэхгүйгээр өөрсдөө өрөх боломжтой. Энэ системийг барууны орнууд “Main House “буюу орон сууцаа өөрсдөө барих нөхцөлийг бүрэн хангасан систем юм. 

- Эко бүтээгдэхүүн / найрлагад ямар нэг химийн хортой нэгдэл оруулаагүй тул хүний эрүүл мэнд, хүрээлэн буй орчинд ээлтэй/ 

- Сав баглаа боодол европ стандартын европаддонд  / улавч/ өрж целофан нийлэг хальсаар хамгаалагдсан учир барилгын талбай дээр бороо, цас, шороо тоосноос хамгаалан хадгалахад тохиромжтой 

- Зориулалтын кран бүхий тээврийн хэрэгслээр  хүргэлтийн үйлчилгээ үзүүлдэг бөгөөд гулдмайг наах тусгай цавууг хамт хүргэж өгдөг.

“МАК eurosolution” брэндийн бүх төрлийн гадна, дотор хана давхар хоорондын хучилтын хавтангуудыг үйлдвэрлэж байгаа бөгөөд архитектурын hybrid системийг нэвтрүүлснээр барилгыг улирлын хамаарлаас гаргах, хүн амьдрах таатай нөхцөл бүрдэх бөгөөд өнөөгийн манайд өргөн нэвтэрсэн бүрэн цутгамал хөөсөрсөн үнэтэй  “Бетон шугуй”-наас татгалзаж амины сууцаа өөрсдөө хямд төсөр аргаар барих боломжийг олгож байгаагаараа онцлогтой юм. 

Эдгээр бүтээгдэхүүнүүд нь арматурчлагдсан байдаг бөгөөд арматурчлалын хувьд нийлэг мяндсан арматурыг хэрэглэх бүрэн боломжтой. Металл арматур хэрэглэх тохиолдолд заавал зэврэлтээс хамгаалсан импортын өндөр үнэтэй олдоц ховортой тусгай  түрхлэг хийх шаардлагатай байдгаас өртөг зардал нэмэгдэх эрсдэлтэй. Нийлэг мяндсан арматур нь автоклавын уур чийгийн орчинд зэврэхгүйгээс гадна жин хөнгөнтэй үнэ хямдтай талаасаа өртөг зардлыг бууруулах боломжтой. Манай улсад өнөөдрийн байдлаар 4-5 үйлдвэр ажиллаж зах зээлд бүтээгдэхүүнээ нийлүүлж байна.