Барилга, хот байгуулалтын шинэ сайд яамны харьяа байгууллагуудад ажиллалаа
УИХ-ын гишүүн, Барилга, хот байгуулалтын сайд Ц. Даваасүрэн 2023.01.11-нд Газар зохион байгуулалт, Геодези зураг зүйн газарт ажиллаж, цаашдын бодлого, үйл ажиллагааны хүрээнд холбогдох үүрэг чиглэлийг өгч ажилласан бол 2023.01.13-нд “Барилгын хөгжлийн төв” ТӨҮГ, “Төрийн орон сууцны корпораци” ТӨХХК-ийн үйл ажиллагаатай танилцаж ажиллалаа.
Сайд харьяа байгууллагуудын бүтэц, зохион байгуулалт, чиг үүрэг, үйл ажиллагааны талаар мэдээлэл сонсож, цаашид авч хэрэгжүүлэх ажлуудын талаар ярилцаж, чиглэл өглөө. “Барилгын хөгжлийн төв” ТӨҮГ-ын захирал Ц.Амарсанаа өнгөрсөн хугацаанд хийж хэрэгжүүлсэн болоод одоо үргэлжилж байгаа ажлын явцаа танилцуулав.
“Барилгын хөгжлийн төв” ТӨҮГ нь 2022 онд нийт барилга байгууламжийн 3225 зураг төсөлд магадлал хийх ажлыг зохион байгуулж, Улсын төсвийн хөрөнгө оруулалттай 697 төсөл, арга хэмжээ, бүтээн байгуулалтын ажилд норм, дүрэм, стандартын дагуу хяналт тавьж, ажилтнуудыг мэргэшүүлэх болон чадавхжуулах сургалтыг цахим хэлбэрт шилжүүлж, 4874 инженер, техникийн ажилтныг сурган, дотоодын болон импортын 81 нэр төрлийн барилгын материалын бүтээгдэхүүнд тохирлын гэрчилгээ олгосон зэрэг ажлын мэдээллээ өглөө. Мөн барилгын салбарын тусгай зөвшөөрөл олголт цахимжсанаар инженер техникийн ажилтнуудын үнэлэмж өсч, ил тод байдал сайжирсан гэдгийг онцлов.
Барилга, хот байгуулалтын сайд тусгай зөвшөөрөл олголтын цахимжилт давхцалгүй явагдаж чадаж байгаа эсэх, цахим программын хөгжүүлэлтийг хэрхэн явуулж байгаа талаар мэдээлэл тодруулж, хариулт авсан юм. Барилгын хөгжлийн төвийн үйл ажиллагааны хүрээнд сайд Ц.Даваасүрэн дараах үүрэг чиглэлийг өглөө.
Үүнд:
Барилга, хот байгуулалтын сайд тусгай зөвшөөрөл олголтын цахимжилт давхцалгүй явагдаж чадаж байгаа эсэх, цахим программын хөгжүүлэлтийг хэрхэн явуулж байгаа талаар мэдээлэл тодруулж, хариулт авсан юм. Барилгын хөгжлийн төвийн үйл ажиллагааны хүрээнд сайд Ц.Даваасүрэн дараах үүрэг чиглэлийг өглөө.
Үүнд:
- Тусгай зөвшөөрөл олголтын цахим программыг улам боловсронгуй болгож, инженер техникийн ажилтнуудын давхцлыг байхгүй болгох;
- Хүүхдийн сурах орчныг эрүүл байлгах чиглэлээр Европын холбооны улсуудын стандартын жишгээр сургууль цэцэрлэгийн барилгад ашиглах материалын стандартыг гаргаж, мөрдүүлэн ажиллах;
- Зураг, төсвийн магадланг бодитой хийж, тавих хяналтыг сайжруулах;
- Салбарын хууль эрхзүй, норм стандартуудыг олон улсын жишигт нийцүүлж, шинэчлэх чиглэлийг өгөв.
“ТОСК” ТӨХХК байгууллагын бүтэц, стратегийн бодлого хөтөлбөрүүд, өр зээлийн байдлаа сайдад танилцууллаа. ТОСК нь Засгийн газрын санхүүжилтээр баригдах “Залуус 1” орон сууцны цогцолбор хороолол, БНСУ-ын Засгийн газрын хөнгөлөлттэй зээлээр баригдах “Солонго-1, 2” орон сууцны хороолол, Төр хувийн хэвшлийн түншлэлээр баригдах “Эко-Яармаг” гэр хорооллын дахин төлөвлөлт, БНХАУ-ын бууцалтгүй тусламжаар баригдах “Ногоон нуур-1008 айл" орон сууцны хорооллын төсөл, Эрчим хүчний хэмнэлттэй амины орон сууц болон орон нутагт хэрэгжүүлэх орон сууцны төслүүдийнхээ талаар мэдээлэл хийв.
“ТОСК” ТӨХХК байгууллагын бүтэц, стратегийн бодлого хөтөлбөрүүд, өр зээлийн байдлаа сайдад танилцууллаа. ТОСК нь Засгийн газрын санхүүжилтээр баригдах “Залуус 1” орон сууцны цогцолбор хороолол, БНСУ-ын Засгийн газрын хөнгөлөлттэй зээлээр баригдах “Солонго-1, 2” орон сууцны хороолол, Төр хувийн хэвшлийн түншлэлээр баригдах “Эко-Яармаг” гэр хорооллын дахин төлөвлөлт, БНХАУ-ын бууцалтгүй тусламжаар баригдах “Ногоон нуур-1008 айл" орон сууцны хорооллын төсөл, Эрчим хүчний хэмнэлттэй амины орон сууц болон орон нутагт хэрэгжүүлэх орон сууцны төслүүдийнхээ талаар мэдээлэл хийв.
Барилга, хот байгуулалтын сайд орон сууцны төсөл хөтөлбөрүүд болон бусад үйл ажиллагааны чиглэлээр ТОСК-ийн удирдлагуудад дараах үүрэг чиглэлийг өглөө.
Үүнд:
Үүнд:
- Орон сууцны хорооллын төслүүдийнхээ төлөвлөлтөнд сургууль цэцэрлэгийн барилгыг төлөвлөж оруулах;
- Байгууллагынхаа бүтэц, үйл ажиллагааг хэрхэн авч явах, төсөл хөтөлбөрүүдийнхээ хөрөнгө санхүүг хэрхэн босгох талаар гарц хайж төлөвлөх;
- Гэр хорооллыг дахин төлөвлөж, эрчим хүчний хэмнэлттэй, ногоон амины орон сууцуудыг нэвтрүүлэх чиглэлээр эко барилгын хийц, бие даасан дэд бүтцийн технологийг судлах;
- Орон нутагт хэрэгжүүлэх орон сууцны төслүүдийг санхүүжүүлэх эх үүсвэр судалж, хайх төрийн үйлчилгээний чанар, хүртээмжийг нэмэгдүүлэн, шуурхай байдлыг хангаж ажиллах чиглэлийг тус тус өглөө.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.