Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэлийг бэлтгэн хүргэдэг Барилга МН сэтгүүлийн 2023 оны эхний дугаар буюу №152 хэвлэгдэн гарлаа. 

Энэ дугаарт гарсан онцлох булангуудаас танилцуулбал…

VIP ярилцлага: Энэ удаагийн VIP ярилцлагадаа төрийн албанд хоёргүй сэтгэлээр тасралтгүй 20 гаруй ажиллаж буй нэгэн түшээ, нийслэлийн хөгжил цэцэглэлтэд үнэтэй хувь нэмэр оруулж буй нэгэн эрхмийг онцлон урилаа. 

Тэрээр 2002 онд Чингэлтэй дүүргийн 23 дугаар сургуулийн физикийн багшаас ажлын гараагаа эхэлж, улмаар Чингэлтэй дүүргийн Засаг даргын Тамгын газрын мэргэжилтэн, Сүхбаатар, Чингэлтэй дүүргийн Засаг даргын Тамгын газрын дарга, Засаг даргын орлогч гээд дүүргийн бүхий л шатанд ажиллаж байсан бөгөөд одоогоор НИТХ- ын сонгогдсон төлөөлөгч бөгөөд НХОГ- ын дарга Балжиннямын Мөнхбат оролцож байна. 

Нийтлэл:  2022 оны эдийн засгийг дүгнээд үзэхэд ковидын дараах эдийн засгийн хямрал үргэлжилж, эдийн засагт стагфляци үүссэн. Сүүлийн 14 жилд Монгол Улсад 3 удаа эдийн засгийн хямрал нүүрлэсэн бөгөөд цар тахал болон Украйны дайнтай холбоотой уналт нь хамгийн удаан үргэлжилж байгаа нь юм.

2022 оны эцсийн байдлаар эдийн засгийн өсөлт 2,6 - 3 хувь байна гэж үзэж байгаа бөгөөд 2023 онд 5 хувь болно гэсэн төсөөлөлтэй байгаа төдийгүй  инфляцын түвшинг нэг оронтой тоо буюу 8 орчим хувьд барих бодлоготой ажиллах юм.

Тодруулга: 2023 оны эдийн засгийн прогноз, барилгын салбарын зах зээл ямар төсөөлөлтэй байгаа талаар СЭЗИС – ийн Санхүүгийн тэнхимийн дэд профессор, эдийн засагч, Барилга МН сэтгүүлийн бодлогын зөвлөлийн гишүүн Ж.Дэлгэрсайхантай ярилцлаа.

Судалгаа: Уур амьсгалын өөрчлөлтийн талаар ойлголт. Барилгын салбарын дэлхийн дулааралд нөлөөлөх нөлөөллийн тухай. Дэлхийн уур амьсгалын системд ямар өөрчлөлт болж байна вэ? Дэлхийн агаар мандал дахь хүлэмжийн хийн хуримтлал сүүлийн 2000 жилийн сүүлийн 100 жилд хүлэмжийн хий огцом нэмэгдсэн бөгөөд хүн төрөлхтний хөгжлийн хурдац, аж үйлдвэржилтийн нөлөөгөөр Хүлэмжийн хийн ялгарал огцом нэмэгдэж, уур амьсгалын өөрчлөлт эрчимтэй явагдаж байна. 

Дэвшилтэт технологи: Технологийн ололт амжилт нь ажил мэргэжлийг илүү амар, хялбар болгон хялбаршуулдгийг бид өдөр бүр харж мэдэрч байна. Энэхүү технологийн шинэ давалгаанд ихээр өртөж буй салбар бол барилгын салбар юм. Барилгын салбарын олон удирдлагууд дижитал шийдлүүдийг хүлээн авснаар салбар хурдацтай шинэчлэгдэж, төслүүдийг илүү аюулгүй, хямд, хурдан болгож байгаа юм. Иймд, инновацад хүрэх замд тань туслах үүднээс 2023 онд барилгын салбарт нөлөөлөх чиг хандлагыг танилцуулъя.

Шинэ материал: Барилгын салбарын тулгамдсан асуудлыг шийдвэрлэхийн тулд илүү бат бөх, хөнгөн, тогтвортой барилгын материалын шинэ үе ирж байна. Барилгын салбар нь өсөн нэмэгдэж буй эрэлт хэрэгцээг хангахын зэрэгцээ байгалийн гамшигт үзэгдэл, үнийн өсөлт, байгаль орчны асуудлууд, үр ашиггүй үйл ажиллагаа зэргээс үйлдвэрлэлээ аварч үлдэхийн тулд тасралтгүй тэмцэл өрнүүлж байдаг. Барилгын салбар нь байгалийн нөөцийн 50%-ийг хэрэглэдэг. Энэ нь мөн барилгын ажлын хугацаа хойшлогдох, материалыг үр ашиггүй зарцуулснаас үүдэлтэй нэмэлт зардлыг үүсгэж байдагтай холбоотой юм.

Эдгээр сорилтуудын заримыг шийдвэрлэхийн тулд сүүлийн үеийн олон арван компаниуд барилгын материалын шинэ үеийг хөгжүүлж байна. Материалуудыг илүү ухаалаг, илүү бат бөх, бие даасан, үзэмж сайтай, байгаль орчинд ээлтэй байхаар боловсруулж байна.

СЭТГҮҮЛ ЗАХИАЛАХ

Онлайн унших: НОМЫН САН 

Утас: 9100-0233, 7711-3333-2