Тоонот Хаалга Констракшн ХХК- ийн үүсгэн байгуулагч, Ерөнхий захирал Ч.Ганзоригтой ярилцлаа.

Юуны түрүүнд компанийнхаа талаар танилцуулаач? 

“Тоонот Хаалга Констракшн” ХХК нь анх 2011 онд байгуулагдаад 2011-2016 онд бүх төрлийн цонх, тавилга, шилэн хийцийн үйлдвэрлэлээр үйл ажиллагаагаа явуулж эхэлсэн. 2017 оноос  бүх төрлийн  автомат хаалга, хаалт, авто зогсоолын автомат хаалга, шилэн хаалга, фасад  хаалтуудыг хийж үйлдвэрлэх болсон.  Мөн БНХАУ-ын үйлдвэрийн автомат хаалгууд болон ОХУ-ын Doothan, Беларусын Alutech, Герман улсын Hormann брэндийн хаалгануудыг Монгол орныхоо байгаль цаг уурын онцлог, хэрэглэгчдийн хэрэгцээ шаардлагад бүрэн нийцүүлэн захиалж, угсралт суурилуулалтыг стандартын өндөр түвшинд хийж гүйцэтгэж байна.

Гараашийн хаалга нь дотроо хэдэн төрөл байдаг вэ? Алийг нь илүү сонирхдог вэ? 

Гараашийн хаалга маш олон төрөл байдаг. Ахуйн хэрэглээний хаалга, үйлдвэрлэлийн, хүнсний үйлдвэрлэлийн, галын аюулын, өндөр хурдний 300-500 хэрэглэгчтэй хаалганууд, том том худалдааны төвүүдийн дотор тал нь харагддаг шилэн жальюзан хаалт, мөн давхар хаалганы зориулалттай хурдан онгойж хаагддаг тусгаарлах зориулалтай хулдаасан хаалганууд гэх мэт олон төрөл байна. Сүүлийн үед энгийн хаалгануудыг ч автоматаар хийдэг болсон. Жишээлбэл, хүн ойртохоор эсвэл зөвхөн сонгогдсон хүмүүс дээр өөрөө мэдэрч онгойдог. Мөн хаалгандаа нэмэлт төхөөрөмжүүд ихтэй. Камерын систем, картан систем, чипэн систем, зөвхөн кодоор онгойх гэх мэт янз бүрийн тоноглолуудтай байна.  

Танайхаас санал болгож буй ямар хаалганууд байгаа вэ? Давуу тал онцлох зүйл нь юу вэ? 

Ахуйн зориулалттай хаалга нь 8-15 хэрэглэгч, Үйлдвэрийн зориулалттай хаалга нь 20-40 хэрэглэгч, High speed door буюу автомат түргэн хаалга нь 2-7 секундад онгойх чадвартай 60-500 хэрэглэгч нэвтрүүлэх чадвартай байдаг. Эдгээр хаалгууд нь давуу чанараасаа шалтгаалж үнийн хувьд янз бүр байна. Брэндийн хувьд Хятад, Орос, Герман гэх мэт бүх төрлийн брэндийн хаалгануудыг хэрэглэгчдэд нийлүүлдэг.  Хэрэглэгчийн хүсэл, сонирхлоос үүдэн бид тухайн хэрэглэгчдэд  хаалгануудын онцлогийг тайлбарлаж, санал болгодог. 

Хаалганы сонголтоо буруу хийх нь ямар эрсдэлүүдийг дагуулдаг вэ?  

Иргэдийн хувьд гараашаа барихдаа хаалганы хэмжээгээ тооцоололгүй, ямар ч зураг төсөлгүй хийснээр олон алдаа гардаг. Ялангуяа хаалга суугдах преом дээрээ ихэвчлэн алддаг. Тэгш бус преомтой, дээд ялууний зай хэт бага, голоор нь дам нуруу оруулсан, автомат суугдах боломжгүйгээр барьсаны дараа хаалга хийлгэх нь алдаа гаргах үндэслэл болдог. 

Манайхан олон нийтийн үйлчилгээний зориулалттай гараашинд  ахуйн зориулалттай хаалга суулгачихдаг. Ингэснээр богино хугацаанд эвдрэл үүсдэг төдийгүй үүнээс үүдэн автомат хаалга муу гэсэн ташаа ойлголт бий болдог.

Тиймээс хэдэн машин, ямар ачаалалтайгаар орох вэ гэдгийг тооцон, дараа нь ямар хаалга сонгох вэ гэдгээ сайтар судалж, сонголтоо зөв хийх хэрэгтэй. 

Хаалганы ашиглалтын үед гаргадаг ямар алдаа байдаг вэ?

Автомат хаалганы онцлог нь  тогтсон технологийн дагуу нээгдэж, хаагдах ёстой. Ашиглалтын үед гардаг түгээмэл алдааны нэг нь трос орооцолдох гэмтэл юм. Энэ нь ихэвчлэн хаалганы автомат үйлдлийг бүрэн зогсоогоод эргээд хэвийн ажиллагаанд оруулахдаа гар ажиллагааны гинжин татуургыг буруу эргүүлснээс үүсдэг. 

Мэдээж ашиглалт нь өөрөө хүчин чадалдаа таарах ёстой. Жишээлбэл, 40 хэрэглэгчдэд зориулсан хаалгыг 100-200 хэрэглэгчдэд тавьсанаас болж тухайн хаалганд эвдрэл гэмтэл их гардаг. Тиймээс үйлчилгээний нөхцөлд тохирсон хаалгыг сонгох нь чухал юм. 

Ярилцсанд баярлалаа. 

ЗӨВЛӨМЖ ЗӨВЛӨГӨӨ

Ахуйн болон Үйлдвэрлэлийн зориулалттай хаалганы хэмжилтийн зураг

Тавигдах шаардлага

HRM = 350 - 450mm

RTN = 200 - 500mm

OPH = 2,5 метрээс дээш

OPW = 2500-с дээш

IHT1, IHT2 = багадаа 2900mm  

Гараашийн хаалга хийхээр төлөвлөж шинээр гарааш барьж байгаа хүмүүсд зөвлөхөд уг хэмжилтийн дагуу гараашийн хаалганыхаа проемыг төлөвлөхөд болно. Ийм проем  дээр суугдсан хаалга нь чанар, дулаан хадгалалт, насжилт удаан, стандартын шаардлага хангасан байдаг.  

1. Ахуйн болон Үйлдвэрийн мотортой хаалганы тоноглол

2. Үндсэн хавтас нь 5см-ын зузаан 50см-ын өндөртэй 30 см ханатай дүйцэх дулаан хадгалах чадалтай

3. Дамар нь хаалгыг өргөгч тросыг хуйлах үүрэгтэй

4. Хаалгыг өргөгч дамар болон пүршийг бэхлэх гол төмрийг хананд бэхэлдэг тэнхлэг тогтоогч

5. Трос нь дамаранд ороогдож хаалгыг өргөх үүрэгтэй

6. Гол төмрөнд бэхлэгдэх Пүрш нь эсрэг ачааны үүрэгтэй

7. Үндсэн хавтасанд бэхлэгдэх доод нугас нь трос болон доод дугуйны бэхэлгээний үүрэг гүйцэтгэнэ

8. Дээд болон доод резин нь дулаалгын үүрэг гүйцэтгэнэ

9. Тоормос нь ослын үед хаалгыг унахаас хамгаална

10. Дугуй буюу ролик нь хаалгыг дээш доош нь төвөггүй хөдөлгөх үүрэгтэй

11. Захын нугас нь роликны суурь болон хавтаснуудыг хооронд нь холбох үүрэгтэй

12. Босоо болон тахир зам нь ролик гүйх замны үүрэг гүйцэтгэнэ.

13. Гол цул төмөр буюу тэнхлэг төмөр нь пүрш, дамар тросны суурь 

Facebook:Тоонот Хаалга Автомат Хаалга   

E-mail: gtoonot@yahoo.com    

Утас: 89-777-111