Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэлийг бэлтгэн хүргэдэг Барилга МН сэтгүүлийн №151 хэвлэгдэн гарлаа. 

Энэ дугаарын нүүр хуудсанд VILLA VERDE хамтран ажилласан бөгөөд “Ногоон байшин” хэмээх энэхүү төсөл нь Хан-Уул дүүргийн нутаг дэвсгэрт Богхан уулын Ар Зайсангийн аманд ойн захаас 400 метр байгалийн үзэсгэлэн цогцолсон 2 га талбайд ердөө 108 айлд зориулан ая тухтай амьдрах нөхцөлийг бүрдүүлэн, төвийн инженерийн шугам сүлжээнд бүрэн холбогдсон, нийт талбайн 70%-д ногоон байгууламжтай 1000 орчим шинэс, навчит төрлийн мод, ургамалыг суулгаж ЭКО орчныг бүрдүүлсэн одоо болон ирээдүйд ч үнэ цэнээ үл алдах өндөр зэрэглэлийн хотхоныг танд болон таны гэр бүлд санал болгож байна.

Энэ дугаарт гарсан онцлох булангуудаас танилцуулбал…

БАРИЛГА МН 15 ЖИЛ

VIP ярилцлага: 

Аливаа аж ахуйн нэг байгууллагын үйл ажиллагаа нь мэргэжилтэй ажилтнуудын мэдлэг, ур чадвар дээр явагддагийг бид бүгд мэднэ. Тэгвэл барилгын салбарт нарийн мэргэжлийн ажилчдын тоо багасаж, ажиллах хүчин хомсдож байгааг жил бүр ярьсаар байгаа ч тодорхой үр дүнд хүрсэн, ажилчдын үнэлэмжийг нэмэгдүүлэхэд чиглэсэн арга хэмжээ аваагүй л байна. Энэ чиглэлээр олон мэргэжилтэн бэлтгэж, нарийн мэргэжлийн ажилтнуудын үнэлэмжийг нэмэгдүүлэхэд гар бие оролцож яваа “САН” ХХК-ийн Ерөнхий захирал Д.Чимэд-Очирыг энэ оны VIP зочны сүүлийн дугаартаа урилаа. 

Судалгаа: 

2021 оны байдлаар улсын хэмжээнд хийгдсэн нийт барилгын ажлын 25,2% - ийг тусгай зориулалтын инженерийн барилга, байгууламж /Өндөр барилга, зам гүүр/ барих ажил эзэлж байна. Судлаачдын тооцоолсноор энэ ажил нь 2022 онд ч илүү өсөлттэй байхаар дүр зураг харагдаж байна. Гадаадын орнуудад өндөр барилга, алслал урттай зам гүүр, тусгай зориулалтын бүтээц эдлэлд ӨНДӨР ҮЗҮҮЛЭЛТТЭЙ БЕТОН-ны судалгааг гүйцэтгээд үйлдвэрлэлд нэвтрүүлсэн бол манай оронд хөгжиж эхэлж байна. 

Шинэ материал: 

Берлинд төвтэй “Made of Air” компани нь ой мод, хөдөө аж ахуйн хог хаягдлаас гарган авсан бионүүрсээр хоргүй, байгаль орчинд ээлтэй ногоон бүтээгдэхүүн болох биопластикийг бүтээжээ. Дахин боловсруулсан материал нь 90% нүүрстөрөгчөөс бүрдэх бөгөөд агаар мандалаас нэг тонн тутамдаа 2 тонн CO2-ыг шингээх чадвартай бөгөөд өөрөө нүүрстөрөгч ялгаруулдаггүй бодис ажээ.

Мэргэжлийн зөвлөгөө: 

Дуу чимээний хамгаалалт нь хүнийг барилгын гаднах болон доторх дуу чимээнээс хамгаалах үүрэгтэй. Дуу чимээг тусгаарлах буюу шингээх замаар хамгаалдаг. Хана, хучилт, хаалга, цонх гэх мэт хийцийн дууны энерги нэвтрэлтийг эсэргүүцэх эсэргүүцлийг дуу тусгаарлалт гэж ойлгоно.

Дууны тархалт нь агаараар дамжих, биетээр тархах гэсэн төрөл байдаг. Агаараар дамжих дуу тусгаарлалтыг тогтоохдоо зөвшөөрөгдөх дуу тусгаарлах хэмжээ R'w-г хэрэглэдэг. R'w- г децибал (db) гэсэн нэгжээр илэрхийлдэг. Энэ хэмжигдэхүүнийг норм стандартад заасан байдаг. Мөн хөлийн чимээний тусгаарлалт гэсэн ойлголт бий. Энэ нь агаараар дамжих дуу чимээтэй адил хамааралтай ба акустик хийх маягаар тусгаарладаг. 

СЭТГҮҮЛ ЗАХИАЛАХ

Онлайн унших: НОМЫН САН 

Утас: 9100-0233, 7711-3333-2