Орон сууцны ашиглалтын тухай хуулийн шинэчилсэн найруулгын төсөл боловсруулах ажлын хэсэг хуралдлаа
Барилга, хот байгуулалтын сайдын тушаалаар байгуулагдсан “Орон сууцны ашиглалтын тухай хуулийн /шинэчилсэн найруулга/ төсөл боловсруулах ажлын хэсэг /2022.11.18/ хуралдлаа. Яамны Төрийн нарийн бичгийн дарга С.Магнайсүрэнгээр ахлуулсан ажлын хэсгийн хуралдаанаар шинээр боловсруулан бэлдсэн Орон сууцны ашиглалтын тухай хуулийн /шинэчилсэн найруулга/ төслийг танилцуулж, хэлэлцүүлэг өрнүүллээ.
Орон сууцны ашиглалтын тухай хуулийн шинэчилсэн найруулгыг боловсруулах ажлын хэсэгт Барилга, хот байгуулалтын яам, Сангийн яам, Эрчим хүчний зохицуулах хороо, Мэргэжлийн хяналтын ерөнхий газар, Нийслэлийн Засаг даргын тамгын газар, Монголын орон сууц, нийтийн аж ахуйн үйлчилгээний ажилтны үйлдвэрчний эвлэлийн холбоо, Нийтийн аж ахуйн хөгжлийн төв” ТББ, “Монголын сууц өмчлөгчдийн холбоодын дээд зөвлөл” ТББ, “Монголын эрх зүйн орчны хөгжлийн холбоо” ТББ, Хувийн орон сууцны байгууллагуудын төлөөлөл багтаж байна.
Ажлын хэсгийн дарга, Барилга, хот байгуулалтын яамны Төрийн нарийн бичгийн дарга боловсруулсан төсөлтэй холбоотойгоор дараах үүрэг, чиглэлийг ажлын хэсгийн гишүүдэд өглөө.
Үүнд:
Үүнд:
- Газрын тухай багц хуулийн төсөлтэй уялдуулж, хуулийн төсөлд шаардлагатай боловсруулалтуудыг нэмж хийх;
- Практикт гарч буй хүндрэлтэй асуудлуудыг хуулийн төсөлд тусган, шийдвэрлэх зохицуулалтуудыг боловсруулахад онцгой анхаарах;
- Нийслэлийн холбогдох байгууллагуудтай хуулийн төслийн талаар уулзалт, хэлэлцүүлгүүдийг удаа дараа зохион байгуулах;
- Сууц өмчлөгчид, сууц өмчлөгчдийн холбоо, хангагч байгууллагуудтай хэсэгчилсэн уулзалт, хэлэлцүүлэг зохион байгуулж, саналыг нь авах.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.