Монголын Архитекторуудын Эвлэлийн ээлжит 16 дугаар Их хурал зохион байгуулагдлаа
Монголын Архитекторуудын Эвлэлийн ээлжит 16 дугаар Их хурал 2022 оны 11 дүгээр сарын 19-ний өдөр амжилттай зохион байгуулагдлаа. 15 дугаар Их хурлаас хойш МАЭ-ийн үйл ажиллагааны тайлан илтгэлийг Ерөнхийлөгч Э.Хүрэлбаатар, Хяналтын зөвлөлийн дарга Ж.Эрдэнэбилэг нар тавьж, 16 дугаар Их хурлын 240 төлөөлөгчдөөр хэлэлцүүлж дүгнүүлэв.
Ерөнхийлөгчийн сонгуулийн нууц санал хураалтаар Их хурлын 209 төлөөлөгчдийн 55%-ийн санал авсан Нийслэлийн Ерөнхий архитектор Нэргүйн Нацагдоржийг МАЭ-ийн шинэ Ерөнхийлөгчөөр сонгож батлав. Ерөнхийлөгчид нэр дэвшигч ШУТИС-ийн БАС-ын Архитектурын тэнхмийн эрхлэгч, доктор Гантөмөрийн Цовоодаваа 40%-ийн санал, Нэр дэвшигч Зөвлөх архитектор Жамбаагийн Алтансүх 5%-ийн санал тус тус авлаа.
Их хурлаар МАЭ-ийн удирдах зөвлөлийн гишүүнээр 25 нэр бүхий архитекторуудыг хэлэлцэж батлав.Мөн Их хурлаас тогтоол гарч МАЭ-ийн дүрэмд нэмэлт өөрчлөлт оруулах ажлын хэсгийг 33 хүний бүрэлдэхүүнтэй томилон, МАЭ-ийн дүрмийг боловсруулж бүх гишүүдээр хэлэлцүүлэн, 2023 оны 1 дүгээр сард багтаан Ээлжит бус Их хурлыг зохион байгуулж батлах ажиллахыг шинэ Ерөнхийлөгч, Удирдах зөвлөлд даалгалаа.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.