ШУТИС-ийн Барилга, Архитектурын сургуулийн Барилгын Инженерийн Салбар тэнхим үүссэн байгуулагдсаны 60 жилийн ойн арга хэмжээний хүрээнд Барилгын салбарт хэрэгжүүлж буй эрдэм шинжилгээ, судалгааны ажлуудаар туршлага солилцох, салбарын тулгамдсан асуудлуудыг шийдвэрлэх шийдлийг гаргаж, Төр, хувийн хэвшлийн түншлэлийг өргөжүүлэх зорилгын дор "Барилгын Салбарын Хөгжлийн Чиг Хандлага" онол-практикийн анхдугаар бага хурал 2022.11.18-ны өдөр боллоо. Онол практикийн анхдугаар бага хурлаар “Барилгын салбарын өнөөгийн нөхцөл байдал, цаашдын хөгжлийн чиг хандлагад хийсэн судалгаа”, “Салбарын хүний нөөцийн бодлого, чиг хандлагыг оновчтой болгох судалгаа” гэх мэт итгэлүүд тавигдсан бөгөөд Холбооны гүйцэтгэх захирал Х.Хонгорзул "МБИ Холбооноос тасралтгүй мэргэжил дээшлүүлэх үйл ажиллагаанд оролцож буй өнөөгийн байдал, цаашдын зорилт" сэдвээр илтгэл тавьсан юм. Мөн хурлын 2-р хэсэгт тус сургуулийн судлаач багш, инженерүүдийн сонирхолтой илтгэлүүд тавигдсан билээ.

Энэхүү онол практикийн бага хуралд Барилга, хот байгуулалтын яам, ШУТИС-ийн Барилга Архитектурын сургууль, Монголын барилгын инженерүүдийн холбоо ТББ болон Барилгын салбарын төрийн бус байгууллагууд, хувийн хэвшил, эрдэмтэн судлаачид, инженер техникийн ажилтнууд оролцлоо.