“ТӨРИЙН ӨМЧИТ КОМПАНИЙН ШИНЭЧЛЭЛ-IPO” сургалт зохион байгуулагдав
Төрийн өмчийн бодлого, зохицуулалтын газраас /2022.11.07/ төрийн өмчит компаниудын төлөөлөлд зориулж, “Төрийн өмчит компанийн шинэчлэл - IPO” сэдвээр сургалт зохион байгууллаа.
IPO буюу “Initial Public Offering” гэдэг нь олон нийтэд хувьцаагаа анх удаа хөрөнгийн биржээр дамжуулан худалдах үйл ажиллагааг хэлнэ. IPO гаргах үйл ажиллагааг олон улсад бизнес эрхлэгчид, компаниуд маш үр дүнтэйгээр амжилттай хэрэгжүүлдэг. Манай улсын хувьд сүүлийн жилүүдэд хөрөнгийн зах зээлийн салбар эрчимтэй хөгжиж, хөрөнгийн зах зээлийн үнэлгээ 2022 оны 1 дүгээр улирлын байдлаар 5.38 их наяд төгрөг болсон. Үүнтэй холбоотойгоор олон нийт нь IPO-ийн ерөнхий ойлголт ухагдахуунтай болж, үүний тухай мэдлэгээ сайжруулах хүсэлтэй компани болон бизнес эрхчлэгч иргэд улам ихэсч байна.
Тийм учраас Төрийн өмчийн бодлого, зохицуулалтын газар тус сургалтыг санаачлан амжилттай зохион байгуулав. Сургалтад хамрагдсан оролцогчид нээлттэй хэлэлцүүлэг өрнүүлж, санал солилцон идэвхтэй оролцсон юм. IPО нь үр дүнтэйгээр хэрэгжсэнээр хөрөнгийн өгөөж өсч, компанийн засаглал сайжирч, олон нийтийн хяналтын тогтолцоо бий болох зэрэг нийгэм, эдийн засагт олон давуу тал, ач холбогдолтой.
Сургалт дараах 4 илтгэлээс бүрдсэн байна.
2. “Үнэт цаасны бүртгэлд тавигдах шаардлага, анхаарах асуудлууд" Илтгэгч: Санхүүгийн зохицуулах хорооны Үнэт цаасны газрын ахлах зөвлөх А.Нинжин
3. “Төрийн өмчит компанийг олон нийтийн болгох нь" Илтгэгч: “Монголын хөрөнгийн бирж“-ТӨХК-ийн Хяналт, зохицуулалтын газрын захирал А.Мөнхбаясгалан
4. “IPO хийх ач холбогдол ба сайн туршлагууд" Илтгэгч: “Өлзий энд Ко капитал" ХХК-ийн Гүйцэтгэх захирал Б.Өлзийбаяр
Сургалтад "Монголын хөрөнгийн бирж” ТӨХК, “Монголын цахилгаан холбоо" ХК, “Үндэсний давхар даатгал” ХК, “Мэдээлэл, холбооны сүлжээ" ТӨХХК, “Мэдээлэл, технологийн үндэсний парк" ТӨҮГ болон Төрийн өмчит Авто зам засвар, арчлалтын 20 компанийн удирдлага, албан хаагчид оролцсон байна.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.