Бидний өдөр тутмын амьдралын анхдагч хэрэгцээ болсон цахилгаан шат нь аюулгүй, найдвартай байх хамгийн энгийн шаардлагыг хангаж байх хэрэгтэй. Тэр ч утгаараа хэрэглэгчдийн аюулгүй байдал тав тухыг эрхэмлэдэг бас инновацлаг гэдгээрээ хүлээн зөвшөөрөгддөг Европын “KLEEMANN” брэндийн талаар энэхүү дугаартаа онцолж байна. Тус брэнд нь Монголд орж ирсэнээс хойш зах зээлд өөрийн гэсэн өнгө төрх, шийдлийг санал болгоод багагүй хугацааг өнгөрөөж, хэрэглэгчидэд үр ашигтай бас найдвартай хэрэглээг санал болгосоор байгаа билээ. 

Ингээд ярилцлагын зочноор “KLEEMANN” группийн Худалдаа хариуцсан захирал Жеоржиос Мосчовакисыг (Georgios Moschovakis) урилаа.

Ярилцлагынхаа эхэнд KLEEMANN группийн KLEEMANN брэндийн талаар товч мэдээллийг уншигчдад өгөхгүй юу? 

KLEEMANN групп нь Европын болон дэлхийн зах зээлд нөлөө бүхий лифт үйлдвэрлэгчдийн нэг бөгөөд орон сууц, үйлчилгээний зориулалттай, хүн болон ачааны бүх төрлийн өргөгч, өргөх систем, урсдаг шат, урсдаг зам, автомашины лифт, усан онгоцны лифт болон лифтний дагалдах хэрэгсэл, сэлбэг хэрэгслийг санал болгодог. Олон улсын зах зээлд хөл тавьснаас хойш KLEEMANN брэнд нь бүтээгдэхүүний нийт эргэлтийн 90 гаруй хувийг экспортын зах зээлд бүрдүүлж чадсан. Манай борлуулалтын сүлжээ 100 гаруй оронд үйл ажиллагаагаа явуулдаг бөгөөд голлох үйлдвэрлэл Грек, Серби, Хятад улсуудад явагдаж, АНУ, Герман, Хятад, Австрали, Франц, Их Британи зэрэг зах зээлд тодорхой байр суурийг эзэлж, үйл ажиллагаагаа улам өргөжүүлсээр байна.  

KLEEMANN лифтийн гүйцэтгэсэн төслүүдийн жагсаалтад дэлхийд алдартай барилгууд, орон сууц, худалдаа үйлчилгээний цогцолбор, эмнэлэг болон бусад онцгой обьектууд багтдаг. Эдгээр худалдан авагчдад үр ашигтай, чанартай баталгаатай бүтээгдэхүүнээрээ дамжуулан хэрэглэгчдэдээ аюулгүй хэрэглээг санал болгохоос гадна, бидний инновац шингэсэн бүтээгдэхүүнүүд тухайн барилгын үнэ цэнийг өсгөж байдаг. 

Бид инновацлаг дизайн, уян хатан байдал, шинэлэг сэтгэлгээ, Европ чанар стандартын бүтээгдэхүүн, Харилцагчдад үзүүлэх үйлчилгээгээрээ хэрэглэгчдийнхээ талархалыг хүлээсээр ирсэн.

KLEEMANN-ийн зүгээс анх Монголын зах зээлд ямар хүлээлттэй орж ирсэн бэ? Зах зээлийн нөхцөл байдал, бизнесийн орчин, борлуулалт гээд та бүхний хүлээлтэд хэр нийцэж байгаа вэ?   

KLEEMANN брэнд нь дэлхийн 100 гаруй оронд танигдсан. Бид бүтээгдэхүүнээ нийлүүлж буй улс орон бүрд борлуулагчтайгаа байнгын уялдаа холбоотой нягт, хамтран ажиллахад анхаарч эцсийн хэрэглэгчдэд хамгийн сайн чанартай үйлчилгээг үзүүлэхийн тулд бүхий л талаар дэмжин ажилладаг. Үйл ажиллагаа явуулж буй зах зээл бүрд KLEEMANN-ийн зорилт нь хамгийн багадаа зах зээлийн 20%-ийг эзэлсэн гол тоглогчдын нэг байх явдал юм. Зах зээлийн нөхцөл байдлын хувьд бид ирээдүйд тасралтгүй өсөж байгаа зах зээлийг ихэвчлэн сонгодог. Монгол улсын хувьд барилгажилт нь жилээс жилд өсөн нэмэгдэж, шинээр хот суурин газруудыг бий болгох төлөвлөгөөтэй тогтмол өсөлттэй томоохон зах зээл учраас бид ихээхэн ач холбогдол өгч байгаа. Ингэснээр бид бүтээгдэхүүнээ Монголын зах зээлд нутагшуулж, хүн бүрд аюулгүй байдлыг хангасан бүтээгдэхүүнийг үйлдвэрлэхдээ онцгойлон анхаарч ажиллаж байна.

DELTA LIFT компанийг KLEEMANN-ийн албан ёсны дистрибьютерээр сонгосон гол шалтгаан юу байсан бэ? Та бүхний хувьд Монголын барилгын салбарын онцлогийг хэрхэн харж байна бэ?

Гол шалтгаан нь DELTA LIFT компанийн хамт олон юм. DELTA LIFT компанийн хамт олон нь бидний алсын харааг өөрсдийн бизнесийн зарчимд төгс тусгаж харилцагчиддаа түгээдэг.  Тус компани нь сүүлийн 4 жилийн хугацаанд олон амжилтыг гарган, худалдан авагчдад үр ашигтай, шинэлэг бүтээгдэхүүнийг захиалгын дагуу хурдан шуурхай нийлүүлж, эцсийн хэрэглэгчиддээ үргэлж чанартай, найдвартай үйлчилгээг санал болгох зарчмыг баримтлан ажиллаж KLEEMANN-ийг Монголын зах зээлд таниулж, хэрэглэгч үйлдвэрлэгчийг холбох гол гүүр болж ажиллаж буйд бид сэтгэл хангалуун байдаг. Цаашдаа бид аливаа бэрхшээлийг хамтдаа, амжилттай даван туулж, DELTA LIFT-ийн хамт олныг KLEEMANN-ийн гэр бүлийн нэг хэсэг болж байгаад баяртай байдаг. 

Монголын барилгын салбарын хувьд зах зээл нь их онцлогтой бөгөөд олон олон шалгуурыг давж, зохицож ажиллах шаардлагатай санагддаг. Учир нь улирлын шинж чанартай барилгын ажил явагддаг бөгөөд эрс тэс цаг уурын нөхцөл байдал нь биднээс олон талт ажиллагаа, ур чадваыг шаарддаг. Тиймээс бид энэхүү нөхцөл байдлаас шалтгаалан Монголын хэрэглэгчдийн онцлогт тохируулсан бүтээгдэхүүнийг санал болгохыг зорьдог. Мөн улирлын онцлогоос хамааран богино хугацаанд өндөр бүтээмжтэй чанартай гүйцэтгэл шаардлагатай болдог. Гүйцэтгэл дээр ажиллаж буй техникийн багт онцгойлон анхаарч, мэргэшүүлэх, чадавхжуулах сургалтуудыг тогтмол явуулж дэмжиж ажилладаг.

Түүнчлэн сүүлийн хоёр жилийн хугацаанд цар тахлын улмаас бүтээгдэхүүний нийлүүлэлтийн сүлжээ саатаж улмаар богино хугацаанд гүйцэтгэлүүдийг хийх зэрэг инженер техникийн ажилтнуудын ажиллах хуваарьт өөрчлөлт орж эхэлсэн нь бидний хувьд бас нэгэн сорилт боллоо.

Дэлхийн цахилгаан шатны салбарт KLEEMANN-ын шинээр нэвтрүүлж буй инновац юу вэ? 

KLEEMANN брэнд нь зах зээлийн эрэлт хэрэгцээг урьдчилан таамаглах, дасан зохицохыг үргэлж эрмэлздэг бөгөөд IoT болон AI технологийг ашиглан бүтээгдэхүүний сайжруулалтыг тасралтгүй хийж, хэрэглэгчдийн сэтгэл ханамжийг өндөр байлгахад анхаарч ажилладаг. Шинэлэг бүтээгдэхүүн, үйлчилгээгээрээ дамжуулан KLEEMANN нь худалдан авагч, хэрэглэгчдээ дэмжих, техникийн мэдлэг, үйлчилгээний чанарыг дээшлүүлэх олон төрлийн дижитал хэрэгслийг аль хэдийн хэрэглээнд нэвтрүүлээд эхэлсэн. 

Тэдгээрийн нэг болох “KLEEMANN Portal” нь хэдхэн минутын дотор харилцагчийн төсөлд зориулж хүссэн загвар, техникийн шийдэл бүхий үнийн санал гаргах, лифтний захиалгаа хийх платформыг нэвтрүүлсэн. “KLEEMANN E-shop” нь KLEEMANN-аас нийлүүлсэн бүтээгдэхүүний олон төрлийн сэлбэг хэрэгслийг нэг дор төвлөрүүлсэн ханган нийлүүлэлтийн нэгдсэн сан байдаг. Мөн “KLEEMANN Academy” нь KLEEMANN лифтийг ашиглаж, суурилуулж буй инженер, техникийн багт зориулсан онлайн сургалтын платформыг нэвтрүүлсэн бөгөөд KLEEMANN R&D баг хамгийн сүүлд KLEEMANN LIVE-ийг танилцуулсан. Энэ нь манай KLEEMANN Genius хяналтын системд ашиглах боломжтой IoT систем бөгөөд лифтний техникийн багт маш чухал буюу өгөгдөл цуглуулж, дамжуулж, дүн шинжилгээ хийх замаар тухай бүрд нь үзлэгийн үр дүнгийн мэдээллийг өгдөг. KLEEMANN LIVE нь лифтний төлөв байдалд алсаас 24/7 хянах боломжийг олгож техникийн баг болон эцсийн хэрэглэгчдэд аюулгүй байдлыг бий болгодог.

Үүний зэрэгцээ манай инженерүүд Грек дэх 61м болон Хятад дахь 100 метрийн туршилтын цамхагуудад KLEEMANN-ын бүтээгдэхүүний нэр төрлийг сайжруулж, илүү хурдан, эрчим хүчинд хэмнэлттэй, ухаалаг лифтний шийдлүүдийн хөгжүүлэлт туршилтуудыг тогтмол хийсээр байна. Мөн B2B хэрэглэгчдийн хэрэгцээнд тулгуурлан техникийн аюулгүй байдлыг урьдчилан хангаж цаашдын ашиглалтын үйл явцад доголдол үүсэхээс урьдчилан сэргийлж ажиллахыг зорьж байна. 

Зорчигчдод үүссэн ослыг цаг алдалгүй илрүүлэх, бүхээг доторх агааржуулалтын аюулгүй байдлыг мэдээллэх гэх мэт шинэ ухаалаг функцуудыг эцэслэн боловсруулж, зах зээлд танилцуулахаар ажиллаж байна. Бид харилцагчдын сэтгэл ханамжийг эрхэмлэн энгийн харилцаанаас эхлэн бүх үе шатанд анхаарч ажилладгаараа танигдсан. 2021 оны 10-р сард явуулсан хэрэглэгчийн сэтгэл ханамжийн судалгаагаар B2B салбарууд ихэвчлэн дунджаар 60% үнэлгээг авдаг ба 80% нь дээд оноо гэж тооцогддог. Үүнээс хэрэглэгчийн сэтгэл ханамжийн 88%-ийн оноо авсандаа бид маш их сэтгэл хангалуун байгаа бөгөөд цаашдаа ч хичээн ажиллах болно.

Монголын зах зээлд KLEEMANN-ийн дараагийн төлөвлөгөө юу байна вэ? 

KLEEMANN-ын Монголын зах зээлд хэрэгжүүлж буй төлөвлөгөө нь DELTA LIFT компаниар дамжуулан Европ стандартын лифтийг Монголын хэрэглэгчдэд санал болгож аюулгүй, найдвартай хэрэглээг нутагшуулах явдал юм. Тиймээс бид DELTA LIFT-ийн бүх ажилтануудтай өргөн цар хүрээтэй хамтарч ажиллаж асуудлыг тухай бүрд нь шийдвэрлэж хэрэглэгч, худалдан авагчдаас ирсэн хүсэлт шаардлагыг хурдан шийдвэрлэж онцгойлон анхаарч ажилласаар байх болно.

Бид 2023 онд Монголд айлчилан худалдан авагчдийн мэдлэг, мэдээллийг дээшлүүлэх, лифтний төлөвлөлтийг зураг төсөлд хэрхэн зөв тусгаж, зардал багатай, үр ашигтай байдлаар шийдэх талаар зөвлөмж чиглэл өгөх замаар үйл ажиллагааг зохион байгуулж, сургалт явуулж, харилцан хамтарч ажиллахыг төлөвлөж байна. Мөн DELTA LIFT компани нь нийгмийн хариуцлагын хүрээнд тодорхой зорилтот бүлгэмийн буюу эмнэлэг, цэцэрлэг, асрамжийн газар ба Монголын түүхэн ач холбогдол бүхий төслүүдэд өөрсдийн хувь нэмэрээ оруулан ажиллахыг эрмэлздэг ба бид ч мөн энэхүү санаачлагыг дэмжиж ажиллахыг зорьж, онцгой анхаарал хандуулж байгаа. Цаашид бидний хамтын ажиллагаа улам бэхжиж, олон олон хэрэглэгчидэд аюулгүй тав тухтай хэрэглээг бий болгож чадна гэдэгтээ итгэлтэй байна. 

KLEEMANN брэндийн хувьсан өөрчлөлт, шинэчлэлт, DELTA LIFT компанитай хамтын ажиллагааны хүрээнд Монголын зах зээлд цаашдаа хийгдэх ажлууд, зорилго чиглэлээ хуваалцан ярилцсан танд баярлалаа.