Барилгачин групп, Инженер О.Хишигмөнх 

Гэрийн гадна хэсгийн ил талбайдаа гал түлэх хэсэгтэй болохоор зэхэж байгаа бол дараах зөвлөмжийг танд хүргэж байна. 

Задгай талбайд гал түлэх хэсэг бэлдэхдээ эхлээд тохиромжтой газраа сонгоорой. Гал түлэх гол цэгээ тойруулан блокоор хүрээлж түүнийгээ дагуулан газрын өнгөн хөрсийг хуулж талбайгаа бэлтгэнэ. Хэрэв зүлгэн дээр нь байгуулах гэж байгаа бол хучилтын суурийг суурилуулаарай. 

Анхаарах зүйлс 

1. Зуухыг хэр гүн суулгахаас шалтгаалж өнгөн үеийн хөрсийг 15-30 см хэмжээтэй гүн ухна. 

2. Талбайг аль болох тэгшхэн байлгаж шаардлагатай бол хөрс нэмэн түүнийгээ сайн нягтаршуулах хэрэгтэй.  

3. Суурийн шороог норгоод нягтаршуулж дарах бөгөөд бага багаар дахин нэмж нятаршуулах хэрэгтэй. 

4. Суурийн талбай тэгшхэн байх хэрэгтэй бөгөөд тэгш ус тавин сайтар шалгаарай. 

Чулуу тавцанг хэрхэн байршуулах бэ?

1. Тэгшлэж бэлтгэсэн сууриа тойруулан блок өрнө. Ингэхдээ хэмжээ алдаж болохгүйг анхаараарай. Дээш нь 2-3 энгээ давхарлах бөгөөд барилгын цавуу эсвэл зуурмаг түрхэж өрнө. 

2. Өрөлт хийх үед блокын хэмжээ зөрж байвал тэмдэглэгээ хийн хатуу иртэй дугуй хөрөө ашиглан илүү хэсгийг тайраарай. Нэмэлтээр алх, цүүц хуваах үйл явцдаа ашиглаж болно. 

Галын тоосго суурилуулах

Блокуудыг байрлуулсны дараа галын нүхний дотоод заслыг хийнэ.

1. Галын нүхний хананы дотор талыг шавар галын тоосгоор доторлоорой. Тоосго нь галын нүхний дээд хэсэгтэй зэрэгцэхийн тулд нүхний ёроолд илүү их хучилтын суурь, хайрга эсвэл галын тоосго нэмнэ.

2. Эцэст нь лаав чулуу нэмж гуалин, түлээгээ хийн галаа асааж үдшийг ил галын дэргэд сайхан өнгөрүүлэхэд бэлэн боллоо.