"Олон Улсын Архитекторуудын холбоо" 1985 оноос эхлэн жил бүрийн 10 сарын эхний Даваа гарагийг “Дэлхийн архитектурын өдөр” болгон зарлаж, жил бүр тодорхой сэдвийн дор тэмдэглэн өнгөрүүлдэг билээ. 

Энэ жилийн “Дэлхийн архитектурын өдөр”-ийг “Сайн сайхны төлөөх архитектур” буюу хүний эрүүл мэндийг хамгаалах, сайжруулах, нөхөн сэргээхэд чиглэсэн барилга байшин, хот суурин газарт эрүүл мэндэд таатай орчин бүрдүүлэх шинжлэх ухааны үндэслэлтэй дизайныг хөгжүүлэн хэрэгжүүлэхийг уриалсан билээ. 

"Монголын архитекторуудын эвлэл" нь “Дэлхийн архитектурын өдөр”-ийг зарлагдсан сэдвээр архитекторууд, мэргэжлийн байгууллагууд болон төрийн захиргааны байгууллагуудтай хамтран тэмдэглэдэг уламжлалтай бөгөөд 10-р сарын 3-4-ний өдрүүдэд дараах үйл ажиллагаа зохион байгуулагдахаар байна.