Хөдөлмөрийн эрүүл мэнд, аюулгүй байдлын асуудлаар нийгмийн түншлэлийг бэхжүүлэх, ХЭМАБ-ын үндэсний тогтолцоог бүрдүүлэхэд хүчээ нэгтгэх зорилгоор МОШПА ТББ, Монголын Ажил Олгогч Эздийн Нэгдсэн Холбоо, Монголын Үйлдвэрчний Эвлэлийн Холбоо, Шинжлэх Ухаан Технологийн Их Сургууль, Хөдөлмөр Нийгмийн Харилцааны Дээд Сургууль хамтран “Нэн түрүүнд ХАБ-2022” бага хурлыг 11 дэх жилдээ 2022 оны 09-р сарын 22-30- ны өдрүүдэд зохион байгуулж байна. 

“Аюулгүй байдалд Манлайлал ба Оролцоо” уриан дор танхим болон цахим хосолсон хэлбэрээр болж буй уг бага хурал нь салбар тус бүрээр болж байгаа бөгөөд өнөөдөр /09.23/ Барилгын салбарын ХАБ /Хөдөлмөрийн аюулгүй байдал/ - ын салбар хуралдаан боллоо. 

Нэн түрүүнд ХАБ-2022 Бага хурлын хөтөлбөрийн дагуу бүх аймаг, салбарын яамдын төлөөлөллийг оролцуулсан нэгдсэн хуралдаан хийх ба Уул уурхай, хүнд үйлдвэр, Эрчим хүч, Барилга, Эрүүл мэндийн зэрэг салбарууд тусгай хөтөлбөрийн дагуу салбар хуралдаан зохион байгуулж ХЭМАБ-ын асуудлаар салбар тус бүрийн онцлогийг тусгасан шийдэлд хүрэх зорилго тавьж байна.