Байгаль орчинд ээлтэй гэдгээрээ алдартай Солонгосын Chokwang paint компани нь CHO KWANG брэндийн будгаа Монголын зах зээлд нийлүүлээд 5 жилийн ой дээрээ эн хугацаан дахь үр дүнгээ тайлагнах, салбартаа болон нийгэмд улам илүү таниулах, нэр төрлөө нэмэгдүүлэх зорилготой, шагнал гардуулах арга хэмжээг /2022.09.21/ зохион байгууллаа. 

Солонгос дахь Chokwang paint компанийн Гүйцэтгэх захирал Park Seok Ju 

CHO KWANG брэндийн байгаль орчинд ээлтэй гэх заалттай энэхүү будгийг Монголын зах зээлд нийлүүлэх зорилгоосоо хуваалцаач?  

Cho kwang брэндийн будгийг Монголд нийлүүлээд 5 жил болсон байна. Анх Монголын зах зээлийг судлаад, ийм төрлийн эко будгууд хэрэгтэй юм байна гэсэн үндэслэлээр нийлүүлж эхэлсэн нь олон харилцагчтай, нийгэмд танигдсан, амжилттай ажилласан 5 жил өнгөрсөн байна. Монголын зах зээлд будгаа нийлүүлэн ажиллахад Sangmi Chemical компанийн хичээл зүтгэл их байсныг хэлэхэд таатай байна. 

Энэ хугацаанд бид монголын томоохон компаниуд болох Хурд групп, UB GROUP, LBCH компаниудтай хамтын ажиллагаатай болж зах зээлд илүү ихээр танигдаж байна.  

Сүүлийн жилүүдэд монголын зах зээлд дотор агаарын чанар ихээр яригдаж байна. Үүнд нөлөөлөх нэгэн хүчин зүйл нь эрүүл ахуйн шаардлага хангасан эко будаг байдаг.  Сургууль, цэцэрлэг, эмнэлэгийн барилгуудын дотор агаарын чанар сайн байх шаардлагатай байдаг тул Солонгос улсад энэ төрлийн барилгуудад өндөр чанарын будгийг хэрэглэдэг учраас манай будаг солонгостоо өргөн хэрэглэгддэг. Монголд ч мөн ялгаагүй тун удахгүй энэ төрлийн барилгын ажилруу орох болно.  

Chokwang paint компанийн Монгол дахь салбар Sangmi Chemical компанийн Ерөнхий захирал Ryu Se-Hyun 

Энэхүү арга хэмжээг зохион байгуулж байгаа зорилго нь юу вэ? 

Бид Солонгосын Chokwang брэндийн тавилгын болон аж үйлдвэрийн чиглэлийн будагийг танилцуулах, Монголын зах зээлд нийлүүлж байгаа будагныхаа төрлийг өргөжүүлэх зорилготой арга хэмжээг зохион байгууллаа. Энэхүү арга хэмжээ нь  Солонгосын шилдэг технологийн будагнуудыг монголын ард иргэдэд таниулах, чанартай будгийг нийлүүлэх гэсэн зорилгын хүрээнд хийгдэж байна. Бид Монголын 5 компанитай борлуулалтын чиглэлд хамтран ажиллаж байгаа бөгөөд хамтрагч байгууллагуудынхаа тоог нэмэгдүүлэн, олон нийтэд илүү өргөн хүртээмжтэй болгох тал дээр төлөвлөн ажиллаж байна. Энэхүү будгийг монголын зах зээлд нэвтрүүлсэн нь олон ард иргэд аюулгүй, эрүүл будагтай орчинд ажиллаж, амьдруулах нөгөө талаас хамтран ажиллаж буй монголын компаниуддаа харилцан ашигтайгаар ажиллахыг зорьдог. 

Chokwang брэндийн будаг ямар чиглэлд хэрэглэгдэж байна. Нэр, төрлөө нэмэх үү? 

Монголын зах зээлд одоогоор барилгын болон тавилгын гэсэн 2 чиглэлд хэрэглэгдэж байна. Цаашдаа аж үйлдвэрлэлийн чиглэлд нийлүүлэх төлөвлөгөөтэй ажиллаж байгаа. Будаг маань өөрөө байгаль орчинд ээлтэй, хүний биед ямар нэгэн хор хөнөөлгүй учраас цаашдаа төрлөө нэмэгдүүлэн ажиллах болно.