“Түмэн ресурс технологи”” ХХК-ийн Гүйцэтгэх захирал О. Лхагвасүрэн 

Энэ бичвэрийг уншиж эхлэхээсээ өмнө та хэн нэгэн таньдаг хүнийхээ тухай дотроо бодоорой. Таньдаг хүнээ дотроо бодох үед тухайн хүний төрх, зан чанар, түүнтэй хүнтэй ярьж байсан дурсамжууд танд маш тодорхой төсөөлөгдсөн гэдэгт итгэлтэй байна. Мөн хамгийн түрүүнд хэнийг бодсон бэ? “яагаад хамгийн түрүүнд энэ хүн санаад оров” гэдгийг эрэгцүүлээд нэг үзээрэй. Брэнд ялгарал бүтээх зорилго бол яг л та сая таньдаг хэн нэгнийгээ өөртөө төсөөлсөнтэй ижил хэрэглэчдэд тухайн хэрэгцээтэй үед нь хамгийн түрүүнд маш тодорхой байдлаар хаанаас худалдан авч болох, ямар үнэтэй байдаг, чанарын талаарх хүлээлт, сав баглаа боодол эсвэл лого таних тэмдэгт, төлөөлсөн ямар нэг өнгө, ая дуу зэрэг маш олон мэдээллийн цогц төсөөлөл бий болгох явдал юм. 

Брэндинг гэж юу вэ?

Брэндинг гэдэг нь аль нэг бүтээгдэхүүн үйлчилгээг хэрэглэдэг танил болгох зорилго бүхий урт хугацаатай зорилтот үйл явц юм. Үр дүнд нь тухайн бүтээгдэхүүн хүн бүрийн мэддэг таньдаг брэндинг болно.

Брэндбүүк гэж юу вэ? 

Брэндбүүк бол брэндийн стратегийн чухал хэсэг. Брэндбүүк нь брэндийн мөн чанар, үнэ цэнэ, харагдах байдал лого, өнгө, дүрслэл гэх мэт бүхий л элементүүдийг агуулдаг. Тиймээс энэ нь танай брэндийн хэрэглээтэй холбоотой бүх зүйлийн хөтөч баримт бичиг болж өгдөг. Мөн брэндийн хэрэглэгч, олон нийттэй харилцааг удирдахад брэндбүүк нь брэндийн үндсэн танигдах байдлыг илэрхийлэх үйл явцыг хадгалахад тусална.

Брэндбүүк нь брэндийг өвөрмөц ялгамжтай болгох туслах дүрслэл дизайны  элементүүдийг тусгасан байх ёстой. Ингэснээр брэндийн хүчтэй зан чанарыг бий болно.

Брэндвойс гэж ву вэ?

Брэндийн дуу хоолой бол таны брэндийн зан чанар, брэндийн хэрэглэгчдэд танилцуулах бүх харилцаа холбоо нийгмийн сүлжээ, вэб сайт, блог, нийтлэл, и-мэйл, зар сурталчилгаа зэрэгт ямар сувгаар дамжуулан хүргэж байгаагаас үл хамааран нэг ижил өнгө аяс утга илэрхийлэлтэй  байх ёстой бөгөөд энэ нь өөрчлөгдөх ёсгүй. 

Брэндвойс нь зорилтод хэрэглэгчдийн бүлэгтээ чиглэсэн тэдгээртэй ойлголцох боломжийг бүрдүүлсэн утга илэрхийлэлтэй өнгө аяс өгүүлэмжтэй байхыг урьдчилан тодорхойлж өгдөг.

Акц гэж юу вэ?

Брэндийн тухай ойлголтийг хэрэглэчдэд хүргэх эсвэл борлуулалтыг идэвхижүүлэх зорилгоор хэрэгжүүлж буй богино хугацааны маркетингийн төлөвлөгөөт ажлыг маркетингийн анкц гэнэ. Акцийг брэндийн олон нийттэй харилцах үндсэн стратеги төлөвлөгөөний дагуу түүнд уялдуулан хэрэгжүүлэснээр илүү үр дүнтэй амжилттай болно. Акцийг хэрэгжүүлэхдээ олон төрлийн маркетингийн сувгууд ашиглах үед брэндбүүкийн дагуу нэг өнгө төрхийг мөрдөх ёстой.

“Сайн ялгарал бүтээж чадсан бол сайн борлуулалт хийнэ” 

Ингээд хэрхэн брэндийн ялгарал бүтээх талаар өөрийнхөө багахан туршилгаас хувцаалцъя.

Ихэнхи бизнесийн байгууллагууд өөрсдийн бүтээгдэхүүн, үйлчилгээг хэрхэн хэрэглэгчдэд таниулж өрсөлдөгчдөөсөө ялгарах вэ? гэдэг маркетингийн чухал асуудалтай тулгардаг. Тиймээс энэ асуудалд зөвлөгөө болгон дараах санаануудыг хүргэж байна.

1. БРЭНДИЙН ТУХАЙ ТОВЧООР

Брэнд гэдэг бол урт хугацаанд урьдчилан төлөвлөсөн үйл явцын үр дүнд хэрэглэгч түүнийг таньдаг, мэддэг, итгэдэг болсон бүтээгдэхүүн үйлчилгээг хэлнэ. Энэ нь хүмүүсийн ухаан бодолд аль хэдийн бат бөх суусан итгэл, үнэмшил, төсөөлөл, мэдээллүүдийн нийлбэр юм.

Хэрэглэгчийн үзэл санаа, бодлыг байгууллагын зүгээс удирдах боломжгүй. Харин чиглүүлэх, үнэмшүүлэх, төсөөлүүлэх, нөлөөлөх боломжтой. Үүний тулд нь маркетингийн компанит ажлууд хийгддэг. 

2. БРЭНДИЙН ДОТООД МӨН ЧАНАРЫГ ТОДОРХОЙЛ

Эхлэл хэсэгт хэлсэнчлэн “брэндийн дотоод мөн чанар нь брэнд биш брэнд бүтээх үйл явц” гэдгийг дахин сануулмаар байна. Тиймээс хамгийн түрүүнд хэрэглэгчдийнхээ өмнөөс бодож төсөөлөх хэрэгтэй. 

Барилгын төслийн брэндийн үзэл санааг тодорхойлож байна гэж төсөөлвөл барьж буй байшин бус харин түүнд амьдрах хүмүүсийн амьдралын хэв маяг, хөршүүдийн байршил гэх мэт бусад үнэт зүйлсийг бүтээж байгаагаа санах хэрэгтэй. Эндээс л брэндийн үндсэн үзэл санаа утга агууллага илүү тодорхой болж эхэлнэ. 

Томоохон брэндүүдийн хувьд тухайн брэндийн эзэмшигчид брэнд стратегиа тодорхойлж бүтээгдэхүүн, үйлчилгээнүүдийнхээ брэндингийг хэрхэн хөгжүүлэх талаар урьдчилан шийдвэр гаргаж түүнийгээ хатуу мөрддөг. 

Та улирал тутамд шинэ санаа гаргаж, өөр өөр агуулгатай акц хэрэгжүүлэх нь танай бүтээгдэхүүний тухай хоногшилт үүсгэхгүй харин ч бүр эсрэг нөлөө үзүүлэх эрсдэлтэй. Тиймээс тухайн брэндийн бүхий л акцууд брэндийн үндсэн үзэл санаа, агуулагыг илүү таниулахад чиглэсэн байвал үр дүнд хүрнэ. 

Зорилтот хэрэглэгчрүүгээ чиглэсэн харилцааны дүрийг брэнддээ урьдчилан тодорхойлж, хэнд зориулсан гэдгээрээ тухайн хэрэглэгчийнхээ бүлгийн зан чанар, итгэл үнэмшил, амьдралын хэв маягтай сайн нийцэж чадвал илүү хурдан хэрэглэгчдэд танигдах болно. Өөрөөр хэлбэл хэрэглэгчдийнхээ амьдралын хэв мягийн нэг хэсэг нь байна гэсэн үг. 

Брэнд ямар ч зүйлсийг хэлдэг, ярьдаг, илэрхийлдэг байх ёстой. Үүнийг брэндвойс тодорхойлох гэнэ.  

Барилгын салбарт танигдсан нэр хүнтэй инженер байна гэж төсөөлье. Тухайн инженер барилгын салбарын талаар өргөн мэдлэгтэй байх нь ойлгомжтой, тэр байдал нь ч өөрийг нь барилгын  салбарын хүн гэдгийг тодотгодог. Үүнтэй ижил брэнд нь өөрийнхөө үзэл санааг илэрхийлэх үгийг хамт тодорхойлж өгөх ётсой. Мэдээж цөөн үг брэндийг бүрэн төлөөлөхгүй учраас брэндээ тодорхойлахуйц, брэндийнхээ үзэл санаа, үнэт зүйлд нийцсэн үгнүүдийг сонгоорой. Эдгээр үг нь цаашид танай брэндийн олон нийтэд харилцаа үүсгэх, сурталчилгаа явуулах, танилцуулах зэрэгт тогтмол ашиглагдах болно. Брэндвойсоо өөр өөр утга илэрхийлэлтэй үг хэллэгээр байнга өөрчлөх нь тухайн брэндийн танигдах байдлыг сааруулдаг гэдгийг анхаараарай. 

Брэндийн эрхэм зорилго нь брэндийн үнэт зүйлтэй холбоотой байдаг. Брэндийн үнэт зүйлс нь брэндийн эрхэм зорилогыг тодорхойлж танигдах байдлыг улам хүчирхэг болгодог.

Брэнд нь үзэл санаа үнэт зүйлсээрээ дамжуулах ижил эрхэм зорилготой брэндүүдтэй холбогдон, хамтрах боломжтой юм. Брэндийн эрхэм зорилго нь компанийн эрхэм зорилготой ижил бөгөөд танай брэнд юуны тулд яагаад оршин байх ёстой шалтгааныг тодорхойлно гэсэн үг. 

Эдгээр зүйлсийг зөв тодорхойлж чадвал танай брэнд ХЭН БЭ? ЮУ ВЭ? гэсэн асуултад цогц хариулттай боллоо гэсэн үг. 

3. БРЭНДИЙНХЭЭ ГАДААД ИЛЭРХИЙЛЭЛ ӨНГӨ ТӨРХИЙГ ТОДОРХОЙЛ

Брэндийнхээ дотоод мөн чанар агуулгыг боловсруулсан бол одоо түүнийгээ харагдах байдлаар нь дүрслэн боловсруулахад илүү хялбар байх болно. Нийтлэг гаргадаг алдаанаас дурдвал, брэндээ агуулагын хувьд бүрэн тодорхойлохгүйгээр шууд дизайны гүйцэтгэл хийлгэх нь маш том алдаа болдог. Брэндийн өнгө төрх бол дотоод мөн чанар түүний мэдээллийг хэрэглэгчдэд ойлгуулах, илэрхийлэх үүрэгтэй. 

Брэндийн өнгө төрх, ялгарал нь лого дизайны бичилт, брэндбүүкийн туслах, дэмжих дүрслэл, уриа үг, брэндийн төлөөлөгч, сав баглаа боодол зэрэг олон орцоос бүрддэг бөгөөд цаашид брэндийнхээ танигдах байдлыг урт хугацаанд удирдах зорилгоор урьдчилан тодорхойлж нэг бүрчлэн стандарчилж боловсруулдаг. Энэ нь цаашид маркетинг, олон нийтийн харилцаанд брэндийг зөв хадгалж явах нөхцөл бүрдэнэ. 

Хамгийн түрүүнд брэндийнхээ логог бүтээх хэрэгтэй. Лого бол брэндийн бүхий л мэдээллүүдийн хураангуй төлөөлөл гэж ойлгож болно. Гэхдээ энэ нь бүх утга санаагаа дүрсээр илэрхийл гэсэн үг биш юм. 

Хэрэглэгчдийн ой санамжид брэндийн тухай бүх мэдээллүүд тухайн дүрс логогоор дамжин нэгэн цул мэдлэг мэдээлэл болж хоногшдог. Сайн лого нь брэндийн гол онцлогийг илэрхийлсэн ерөнхий дүрслэлтэй, цөөн өнгийн орцтой, график дизайны зөв дүрслэлтэй, дахин танигдах чадвартай байдаг. 

Лого дангаара брэндийн ялгаралыг бүрэн илэрхийлэхгүй, түүнд туслах дэмжих дүрслэл үндсэн бичилт өнгө өнгийн стандарт, зурагт ашиглах гэх мэт брэндбүүкийг хамт нь боловсруулдаг. 

Та https://brandingstyleguides.com сайтаас брэндбүүкийн жишээтэй танилцаж болох юм.

4. БРЭНДЭЭ ХОНОГШУУЛ 

Хэвэлмэл болон дэлгэцийн зар сурталчилгаанд, байгууллагын албан хэрэгцээнд зэрэг бүхий л үйл ажиллагаанд брэндийн лого өнгө төрхийг ашиглахдаа брэндбүүкийн дагуу зөв ашиглах нь чухал. Брэндбүүк нь байгууллагын оюуны өмч, нууц бичиг баримт биш харин ч зар сурталчилгааны агентлаг график дизайнерууд хэвлэлийн газаруудад нээлттэй  онлайнаас татаж авах боломжтой байдлаар тараавал танай брэндийг зөв ашиглах боломж бүрднэ.  

Барилгын салбарын компаниудад брэнд хөгжүүлэлтийн талаарх ойлголт хэр байдаг вэ?

Барилгын салбарын хувьд харахад барилгын материал, тоног төхөөрөмжийн худалдаа, олон улсын томоохон нэр хүндтэй брэндийн төлөөлөгч салбарын үйл ажиллагаа эсвэл төсөл хэрэгжүүлэгч инженерийн компаниуд гэсэн байгууллагын зах зээлд илүү ажилладаг ажиглагддаг. Байгууллагын зах зээлд хамгийн чухал хүчин зүйл бол түншлэлийн сайн харилцаа, тендер сонгон шалгаруулалтад өрсөлдөх чадвар зэрэгтээ илүү анхаарч брэнд хөгжүүлэлтээ орхигдуулж ач холбогдол өгдөггүй. Байгууллагынхаа хөгжлийн зураглалыг урт хугацаандаа харж байгаа бол эртнээс өөрсдийн хөгжүүлж буй үйлчилгээгээ брэнд болгон хөгжүүлэх шаардлагатай. Жишээ болгон харвал барилгын дотоод засал хийдэг компань өөрсдийн заслын үйлчилгээгээ брэнд болгон брэнд нэртэй өнгө төрх логотой ажлын хувцас, машин техник, туслах материалуудад өнгө төрхөө тусгасан, үйлчилгээний багц үнийн нөхцөлүүдтэй, мэргэжлийн дотоод засал гүйцэтгэлийн процесийг тодорхойлсон ажлын урсгал өөрийн гэсэн технологи давуу талуудыг тодогосон байдлаар байнга тогтмол хөгжүүлэлт хийвэл урт хугацаандаа брэнд болж бусад ижил үйлчилгээнээсээ ялгарах8 илүү нэмүү өртөг шингэсэн борлуулалт хийх боломж бүрдэнэ. 

Тэгвэл эдгээр компаниуд брэнд хөгжүүлэлтийн үйл явцдаа гаргаж буй түгээмэл алдаа, дутагдалууд юу байна? 

Брэнд хөгжүүлэлт бол урт хугацаатай тотмол хөгжүүлэх шаардлагатай үйл явц. Нийтлэг гардаг алдаа бол нэг удаагийн арга хэмжээ эсвэл нэр өгөх, лого зохиолгох зэргээр хязгаарлан нэг удаад хийгээд орхигдуулдаг. Мөн брэндийнхээ дотоод мөн чанар агуулагыг сайн тодорхойлоогүйээс болж маркетингийн гүйцэтгэгч байгууллагууд өөрсдийн үзэмжээр брэндийн өнгө төрх агуулагыг алдагдуулдаг. Богино хугацааны борлуулалтын зорилгод тулгуурлан брэндийн хөгжүүлэлтийг хязгаарлах, мэргэжлийн зөвлөх үйлчилгээ эсвэл мэргэжлийн багтай хамтрахгүйгээр байгууллага нь өөрийн маркетингийг хариуцсан ажилтны хийх ажил хэмээн ойлгон дотооддоо хэрэгжүүлэх гэж цаг хугацаа алдах, хэтэрхий бэлэгдэл гүн утга санаа фингшүй хөөцөлдөх зэрэг нийтлэг алдаанууд гаргадаг. 

Барилгын материал болон үл хөдлөхийн чиглэлийн компаниудын брэнд хөгжүүлэлтийн үйл ажиллагаа ньөөр байх уу, ижил төстэй юу? 

Барилгын салбар, худалдааны салбар, үйлдвэрийн салбараас хамааруулан брэнд хөгжүүлэлтийг өөр, өөр хийнэ гэсэн ойлголт байхгүй. Хэнд, юуг, яагаад санал болгож байгаасаа хамаарч тухайн брэндийнхээ мөн чанарт нийцүүлэн брэнд хөгжүүлэлтээ төлөвлөх хэрэгтэй. Хэрэглэгч болон бүтээгдэхүүний нийцэл буюу танай брэндийг хэрэглэгч сонгох гол шалтгаан давуу тал дээр төвлөрч  тогтмол хөгжүүлэлт хийдэг байх ялгарал үүсгэн түүнийг хэрэглэгчдэд ойлгуулах, таниулах нь брэнд хөгжүүлэлтийн үндсэн зарчим. 

Жишээ нь үл хөдлөх хөрөнгийн төсөл хэрэгжүүлэгч байгууллагын хувьд тухайн компанийн төсөл хэрэгжүүлэх чадвар нь өөрөө брэнд байх ёстой. Хэрэгжүүлж буй төсөл бол тодорхой хугацаанд бүрэн хэрэгжээд дуусдаг, харин төсөл хэрэгжүүлэх чадвар дээр суурилсан брэнд хөгжүүлбэл цаашид тухайн брэндээр олон төслүүдийг амжилттай хэрэгжүүлэх үндэс болно.