Монгол Улсын Засгийн газраас хэрэгжүүлж буй барилгын материалын үйлдвэрлэл, худалдаа ханган нийлүүлэлтийг нэмэгдүүлэх зорилт болон нийслэлийн төвлөрлийг сааруулах, түгжрэлийг бууруулах бодлогын хүрээнд Улаанбаатар хотын баруун бүсэд баригдаж буй “БАРИЛГАЧИН” худалдааны төвийн барилгын ажлын үйл явцтай Барилга, Хот байгуулалтын сайд Б.Мөнхбаатар танилцлаа. 

Монгол Улсын Засгийн газраас Төв аймгийн нутаг дэвсгэрт Улаанбаатар хотын шинэ нисэх буудлыг түшиглэн дагуул хаяа хотууд барьж байгуулах Хөшигийн хөндийн бүтээн байгуулалтыг эрчимжүүлэх, шинэ суурьшлын бүсийг түшиглэсэн эдийн засгийн чөлөөт бүс болгон хөгжүүлэхээр болсон энэхүү чиглэлд барилгын материалын томоохон худалдааны төв бий болсноор, 

1. Барилгын материал тээвэрлэх, гарах хөдөлгөөний 80% нь баруун зүгийн орон нутаглуу байдаг

2. Нийслэлийн барилгажилт, орон сууцны төслийн 68% нь баруун чиглэлд бүтээн байгуулагдаж байна 

3. Барилгын материалын үйлдвэрлэлийн 72% нь энэ чиглэлд үйл ажиллагаа явуулж байна 

4. Ачаа тээвэр ОХУ, БНХАУ-аас шууд Сонсголон чиглэлд ирдэг зэрэг нь худалдааны төвөөр дамжуулан баруун бүсийг барилгын материалаар хангах явдал юм.  

Барилгын материалын салбарын худалдаа эрхлэгч нарийг үнэ цэн нь өсөн нэмэгдэх үл хөдлөх хөрөнгөтэй болгох давхар зорилготой энэхүү бүтээн байгуулалт нь нийтдээ 20 мянган мкв газарт худалдаа үйлчилгээ, агуулах логистикийн цогцолборын чиглэлээр үйл ажиллагаа явуулах ба зам дагуу байршил сайтай, нэг дор төвлөрсөн, кафе зоогийн газартай, зогсоол хүрэлцээтэй, нэгдсэн маркетинг борлуулалттай зэрэг олон давуу талуудтай бөгөөд 9 дүгээр сард А блок ашиглалтад орж нээлтээ хийх  юм байна.