"Удирдах албан хаагчийн ёс зүйн манлайлал" хэлэлцүүлэг боллоо
Барилга, Хот байгуулалтын яамны удирдах албан хаагчдад зориулсан "Удирдах албан хаагчийн ёс зүйн манлайлал" хэлэлцүүлэг боллоо. Канадын Засгийн газрын дэмжлэгтэйгээр Төрийн албаны зөвлөл, НҮБ-ын Хөгжлийн хөтөлбөртэй хамтарсан “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн үйл ажиллагааг эрчимжүүлэх, газар дээр нь туршин нэвтрүүлэхээр “Төрийн албан хаагчийн зарчимч, шударга байдлыг бэхжүүлэх нь” дэд төслийг Барилга, хот байгуулалтын яаманд хэрэгжүүлж байна.
Энэ хүрээнд яамны удирдах албан хаагчдад төрийн албаны үнэт зүйлд сууриласан зарчимч, шударга байдал, ёс зүйн манлайллыг дээшлүүлэх, байгууллагын соёлын төлөвшилд удирдлагын оролцоо, нөлөөг нэмэгдүүлэх, ашиг сонирхлын зөрчлөөс ангид байх талаар мэдээлэл хийж, тэдний дунд хэлэлцүүлэг өрнүүлэв. Хэлэлцүүлэгт яамны Төрийн нарийн бичгийн дарга С.Магнайсүрэн удирдах албан хаагчдыг манлайлан оролцлоо.