Монгол Улсад шинэ үеийн барилгын салбар үүсэж хөгжсөний түүхт 96 жилийн ой, Барилгачдын баярыг угтсан Барилга МН сэтгүүлийн 9 дүгээр сарын дугаар хэвлэгдэн гарлаа 

Энэ дугаарын нүүр хуудсанд “Пирамид Индастри” ХХК байршсан бөгөөд тус компани нь 1996 онд Монголд хамгийн анхны дулаалгын хөөсөнцөр хавтангийн үйлдвэрийг ашиглалтанд оруулж, 1998 онд Барилга Архитектур корпорацитай хамтран Монгол Улсын хөөсөнцөр хавтангийн анхны стандартыг боловсруулсан билээ. Улмаар 2011 онд хүчин чадлаа нэмэгдүүлэн хоногт 600, жилд 180 000 метр куб дулаалгын EPS хөөсөнцөр хавтан үйлдвэрлэх хүчин чадалтай болгож технологийн шинэчлэл хийсэн. Өдгөө хөөсөнцөр хавтан, чулуут өнгөлгөөний материал, хуурай хольц гэсэн үндсэн 3 салбар үйлдвэртэйгээр үйл ажиллагаагаа явуулж байна.

Энэ дугаарт гарсан онцлох булангуудаас танилцуулбал…

VIP ярилцлага: 

Барилгын салбарт олон залуучууд манлайлж, орчин цагийн дэвшил, олон улсын хөгжилтэй хөл нийлүүлэн алхаж байна. Тэдгээр чадварлаг бизнесмэнүүдийн нэг “UB group” - ийн ерөнхий захирал Ц.Баатбаатарыг энэ удаагийн VIP ярилцлагаараа онцоллоо. Бага байхаасаа бизнесийн ухаанд суралцаж, 8 дугаар ангиа төгсөөд анхны компаниа байгуулж байсан тэрээр одоо 300 гаруй ажилтанг удирдан ажиллаж байна. Нийгмийн хариуцлагын хүрээнд олон сайн үйлсийг хийсэн төдийгүй барилгын салбарт ногоон ирээдүйг бий болгохын төлөө зүтгэж, түүнийгээ ч бодит ажил болгон явж буй.

Барилгын маркетинг: 

Энэ бичвэрийг уншиж эхлэхээсээ өмнө та хэн нэгэн таньдаг хүнийхээ тухай дотроо бодоорой. Таньдаг хүнээ дотроо бодох үед тухайн хүний төрх, зан чанар, түүнтэй хүнтэй ярьж байсан дурсамжууд танд маш тодорхой төсөөлөгдсөн гэдэгт итгэлтэй байна. Мөн хамгийн түрүүнд хэнийг бодсон бэ? “яагаад хамгийн түрүүнд энэ хүн санаад оров” гэдгийг эрэгцүүлээд нэг үзээрэй. 

Брэнд ялгарал бүтээх зорилго бол яг л та сая таньдаг хэн нэгнийгээ өөртөө төсөөлсөнтэй ижил хэрэглэчдэд тухайн хэрэгцээтэй үед нь хамгийн түрүүнд маш тодорхой байдлаар хаанаас худалдан авч болох, ямар үнэтэй байдаг, чанарын талаарх хүлээлт, сав баглаа боодол эсвэл лого таних тэмдэгт, төлөөлсөн ямар нэг өнгө, ая дуу зэрэг маш олон мэдээллийн цогц төсөөлөл бий болгох явдал юм. 

Амины орон сууц: 

Сүүлийн жилүүдэд зуслан лагерын газартаа хөнгөн араг бүтээцтэй А сууц барих сонирхолтой болсон. А сууц нь ихэвчлэн модон араг бүтээцтэй байдаг бөгөөд хагас давхар буюу дуплекс загвар нь оновчтой байдаг. Тухайн А сууцыг хажууд нь өргөтгөл нэмж барихаас гадна террасийг давхар уялдуулан төлөвлөх нь зай талбай ихтэй олуулаа цуглах үед хүрэлцээтэй байдаг давуу талтай. 

Бидний та бүхэнд танилцуулж буй энэхүү загвар нь А сууцийг өргөтгөл сууцтай хослуулан ашиглалттай дээврийг хийн маш оновчтой төлөвлөж өгсөн байна. 

Архитектур дизайн: 

Америкийн алдарт архитектор Ф.Л.Райт нь 1867 онд АНУ-д төрсөн бөгөөд орчин үеийн архитектурыг үндэслэгчдийн томоохон төлөөллийн нэгд тооцогддог. Тэрээр 1867-1959 оны хооронд 92 жил амьдрахдаа 70 орчим жилийг нь идэвхитэй уран бүтээл хийж, 1000 гаруй төсөл хийснээс 80 орчим нь бодитоор сүндэрлэсэн байна. 1991 онд түүнийг Америкийн Архитекторуудын институтээс Америкийн бүх цаг үеийн хамгийн шилдэг архитектор гэж тодорхойлсон юм.

NBC /national broad casting/ -д 1953 онд өгсөн ярилцлагаас та бүхэнд хүргэж байна. 

СЭТГҮҮЛ ЗАХИАЛАХ

Онлайн унших: НОМЫН САН 

Утас: 9100-0233, 7711-3333-2