Саудын Араб нь архитектурын дизайныг өөрлүүгээ чиглүүлж байгаа бөгөөд Хунтайж Мохамед бин Салман нь шинэ “НҮҮРС ТӨРӨГЧГҮЙ ХОТ”-ийг энэхүү улсад цогцлоох "The Mirror Line" хэмээх дэлхийн хамгийн урт тэнгэр баганадсан, 1 их наяд долларын өртөг бүхий төслөө танилцууллаа.  

Энэ нь NEOM буюу хүн төрөлхтний хөгжил дэвшлийг хурдасгагч, зоримог шинэ ирээдүйг цогцлоох - Улсын хөрөнгө оруулалтын сангийн төслийн хүрээнд бүтээгдсэн бөгөөд үүнд дахин шинэчлэгдсэн үйлдвэрлэлийн газар болох ус төрөгчийн систем ENOWA, TROJENA аялал жуулчлалын байгууламжууд багтсан бөгөөд энэхүү төсөл нь 170 км урт, далайн төвшнээс дээш 500 метр өндөрт байрладаг. Тус бүс нутагт  жуулчдыг татах паркийг бий болгож байгаа ч гэсэн энэхүү төсөл нь байгаль орчинд ээлтэй байдал дээр илүү анхаарч байгаа бөгөөд 100 хувь сэргээгдэх эрчим хүчээр ажиллах юм байна. 

"The Mirror Line" нь хямд өртгөөр, ойрын хугацаанд бий болохгүй бөгөөд Уолл Стрийт сэтгүүлийн мэдээлэлсэнээр барилгын эхний тооцооллоор төсөл баригдаж дуусахад 50 жил зарцуулагдана гэж таамаглаж байгаа аж. Саудын Арабын газарзүй байдал нь өвөрмөц онцлогтой тул “толин тусгалын шугам” нь далайн эрэг, цөл, ширүүн уулархаг бүс нутгийг дайран өнгөрөх нь дэлхийн хамгийн олон төрлийн газарзүйг туулан баригдахаар байна. 

Энэхүү төсөл нь газар доорх хүчин чадлаар ажиллах өндөр хурдны галт тэрэгтэй бөгөөд галт тэрэг нь есөн сая хүртэлх оршин суугчдыг тээвэрлэх чадалтай. Мөн усан онгоцны зогсоол, босоо фермтэй, барилгын яг гол хэсэгт спортын цэнгэлдэх хүрээлэн байхаар төлөвлөжээ.

NEOM-ийн үзэж байгаагаар хотын үйл ажиллагааг босоо байдлаар давхраалан бүтээх өвөрмөц санаа нь архитекторуудад гурван хэмжээстэд саадгүй шилжих, шинэчлэгдсэн чадварыг олгох боломжийг үүсгэсэн бөгөөд тус компанийн зүгээс "Тэг хүндийн хүчний хотжилт" гэж үүнийгээ нэрлэсэн байна.

Тус ажлын  хүрээнд эрхэм дээдсүүд болон NEOM-ийн захирлуудын зөвлөл олон нийтийн цэцэрлэгт хүрээлэн, явган хүний зам, сургууль, гэр, ажлын байр зэргийг давхарлан байрлуулахаар төлөвлөж байгаа бөгөөд оршин суугчид таван минутын дотор "The Mirror Line"-аар алхан бүх байгууламжид нэвтрэх боломжтой болно.

Хунтайж Мохамед бин Салман 2021 онд есөн сая оршин суугчдад хүрэлцэхүйц багтаамжтай, “тэг машин, тэг гудамж, тэг нүүрстөрөгчийн ялгарал” бүхий хот байгуулах төлөвлөгөөгөө танилцуулах үеэрээ хот төлөвлөлтийг эрс өөрчилснөөр хүн төрөлхтнийг нэгдүгээрт тавьдаг соёл иргэншлийн хувьсгал хийхээр амлаж байсан аж.

Одоогоор ил болоод байгаа загварууд нь хотын босоо давхраат хэсгүүдэд зориулж уламжлалт, тэгш болон хэвтээ загварыг сорьсон, байгалийг хамгаалах хүний амьдрах чадварыг бий болгох үндсэн хэв маягтай.

Бидний дэлхийн хотуудад тулгарч буй амьдрах чадвар, байгаль орчны хямралыг үгүйсгэж чадахгүй байгааг NEOM энэхүү төслөөрөө асуудлыг шийдвэрлэх шинэ, уран сэтгэмжтэй шийдлүүдийг санал болгохыг тэргүүнд тавьж байна. 

Эх сурвалж: manofmany.com