Салбартаа тэргүүлсэн "Оны шилдэг байгууллага, аж ахуйн нэгж"-ийг сонгон шалгаруулна
Монгол Улсад барилгын салбар үүсэж, хөгжсөний 96 жилийн ойн баярыг 2022 оны есдүгээр сарын 2-ны өдөр тэмдэглэн өнгөрүүлэхээр Барилга, хот байгуулалтын яам, Барилгын хөгжлийн төв ажиллаж байна.
"Барилгачдын өдөр"-өөр 2022 онд ажил үйлсээрээ салбартаа тэргүүлсэн оны шилдэг аж ахуйн нэгж, байгууллагуудыг шалгаруулж, туг далбааг нь Барилгачдын талбайд бүтэн жилийн турш өргөн мандуулж, алдаршуулдаг уламжлалтай.
Энэ удаагийн сонгон шалгаруулалтыг Барилга, хот байгуулалтын сайдын 2017 оны 136 дугаар тушаалаар баталсан “Барилгын салбарын оны шилдэг байгууллага, аж ахуйн нэгж шалгаруулах журам”-ын дагуу хүлээн авна. Оны шилдэг байгууллага, аж ахуйн нэгжид нэр дэвших хүсэлтийг 2022 оны наймдугаар сарын 23-ны өдрийг дуустал Барилгын хөгжлийн төвийн 313 тоот өрөөнд хүлээн авах тул Та бүхнийг материалаа ирүүлэхийг урьж байна.
Барилга, хот байгуулалтын сайдын 2017 оны 136 дугаар тушаалаар баталсан “Барилгын салбарын оны шилдэг байгууллага, аж ахуйн нэгж шалгаруулах журам”-тай
www.barilga.gov.mn цахим хуудас руу нэвтэрч танилцана уу.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.